Покетино – Kurir.mk

Челзи почна преговори со Покетино

Ивона Петрова — Fri, 21 Apr 2023 15:31:14 +0000

Премиерлигашот Челзи официјално почна преговори со аргентинскиот стратег Маурисио Покетино, кој во случај да биде постигнат договор ќе седне ова лето на клупата на клубот од Лондон. Поранешниот тренер на Тотенхем и ПСЖ, и претходно беше желба на раководството на Челзи, а клубот во оваа фаза води преговори со вкупно пет кандидати за тренерското место, објави британската телевизија Скај. Челзи до крајот на оваа сезона го предводи Френк Лампард како привремено решение, а под негово водство лондонскиот клуб во првите четири натпревари забележа исто толку порази. Сезонава Челзи смени двајца тренери. Прво во септември лани од клупата замина Германецот Томас Тухел, а на 2 април отказ му беше врачен на англискиот тренер Грахам Потер.

Покетино подготвен да дојде на тренерското место во Манчестер јунајтед следното лето

Дарко Андоновски — Mon, 22 Nov 2021 07:48:42 +0000

Тренерот на Пари Сен-Жермен, Маурисио Покетино, е заинтересиран за соработка со Манчестер јунајтед кој го отпушти Оле Гунар Солскјер. Покетино им рекол на своите пријатели дека нема против да ги преземе „црвените ѓаволи“ по завршувањето на сезоната, објави „Тајмс“. Четириесет и деветгодишниот Аргентинец е незадоволен од својата позиција во парискиот клуб, пишува „Дејли мејл“. Според британскиот весник, Покетино е уморен од тензиите во соблекувалната на ПСЖ во која доминираат „егоистите“ Лионел Меси, Нејмар и Килијан Мбапе. Покрај тоа, тренерот се уште живее во хотелот, додека неговото семејство остана во Лондон, каде што претходно беше на чело на Тотенхем. Манчестер јунајтед веќе размислуваше за кандидатурата на Покетино во декември 2018 година, пред назначувањето на Солскјер, кога бараше замена за Жозе Мурињо. На чело на Манчестер јунајтед во следните натпревари ќе биде Мајкл Керик.

Покетино доби можност да води нов клуб

Тале Кристо — Tue, 19 May 2020 11:47:39 +0000

Поранешниот тренер на Тотенхем, Маурисио Покетино, од вчера смее да води друг клуб, објави „Дејли телеграф“. Според британскиот медиум, Тотенхем, кој го отпушти Покетино во ноември 2019 година, продолжи да му плаќа плата на Аргентинецот и го испрати на одмор, во кој не можеше да води друг клуб. Сепак, на 18 мај, ден по првичниот датум за завршување на сезоната во Премиер лигата, договорот на Покетино со лондончаните заврши, и тој може да си бара друг ангажман.

Бенитез, Покетино, Алегри и Фавр во список на новите сопственици на Њукасл

Тале Кристо — Tue, 21 Apr 2020 20:34:21 +0000

Новите сопственици на премиерлигашот Њукасл планираат да најдат нов тренер на тимот. Актуелниот тренер Стив Брус ќе има можност да го докаже своето ниво, но новите сопственици очекуваат следната сезона да привлечат стручњак за повисоко ниво. Тие работат на четири кандидати: Маурисио Покетино, Масимилијано Алегри, Рафаел Бенитез и Лусиен Фавр. Новото раководство на клубот смета дека тие можат да направат понуда и да достават проект за привлекување на потенцијалниот кандидат за тренерската функција, како што направи Евертон со Карло Анчелоти. Главната цел е Покетино.