Поклонение на црпнатите без’рбетни аџии

Љупчо Цветановски — Mon, 13 Dec 2021 13:02:02 +0000

Во светот, аџиите-христијани одат од родното место на Исус Христос во Витлеем до Ерусалим каде што се наоѓа црквата на неговиот гроб. Муслиманските аџии, пак, одат на поклонение во Мека или околните свети места. Независно од религијата, на светите места сите се поклонуваат со желба за здравје, спокој и среќа. Во СДССС пак, атеистичките комуњарски аџии/подводАЏИИ се поклонуваат пред Заев, со желба за правење на милиони. Три пати се откажуваат од македонштината, и – оп, успеваат во животот... Да, патот кон успехот во оваа атеистичка политикантска банда е повеќе од едноставен. Предусловите се неколку. Треба да не ви е грижа за Македонија и Македонците, да го верглате нон-стоп она на „С“, да ви лепат рачињата и да имате желба за богатење, да немате скрупули, да лажете дека сите глупоштии ги правите за некоја си иднина (не за милиони), да се потсмевате со „немиените“ и со патриотизмот и најважно – беспоговорно да го слушате и да скокате ко мали дечиња околу Заев. И „грејт сексес“ ве чека. Арно ама, без искажување неизмерна љубов кон ликот и неделото на ЗЗ, немате шанси, а колку е поголем коефициентот на вашата сервилност и неизмерна потчинетост кон него, колку повеќе го фалите (не дај Боже песна за него да напишете), имате загарантиран успех во партијата, министерско место, а можеби и претседателска функција. Директорско, советничко или пратеничко место е најмалку со што вашиот идол може да ви возврати. А вие, само треба да му правите метании, да му се поклонувате и да играте околу тотемот со ликот на црпнатото чедо. Мескалин не им треба, дел си имаат марихуана на претек, а повеќето ко Обеликс се од раѓање опијанети со Заев и неговите „успеси“. Ок, миењето и целивањето нозе е голем плус за подем во кариерата, но тој свет ритуал на иницијација и северџанско црпнување се изведува тајно и само во бункерите под Бихаќка... Ако сте му соученик ил колега (Ковачевски) претседател на партија не ви бега, соселанец (Дончев) ќе си поминете супер и ќе броите пари до недоглед, потрчко (Костадинов) избирате функција, најпотрчко (Николовски) ловите путер и добивате нелогични министерства, му возите шарени комбиња и гаѓате од нив (Димова и Павле) избирате – или пратеник или да си играте со европски пари, му спасувате влада (Гаши) ви дава се’ и министерство ви измислува ако треба, другарче и совозач (Рашко и Филипче) одите нагоре со вклучено турбо. Надолу одите уште побргу, ама рецептот е тој, му се упикувате на Зоранчо, му станувате другарче и оп, на врвот на светот сте. На Македенија де. Ок, на нивното на „С“, ова првото не смеат ни да го спомнат. А тука секогаш е и арогантно-агресивната банда на Спасовци, Лукаревци, Бектешиња, Зекировци, Царовци... Овде зборуваме и за една природна дарба, со која поклонувањето ви станува најмал проблем, напротив, ќеф ви е да го практикувате. Се вика без’рбетност. Немате „кичма“, па се поклонувате до „миле волје“, по цел ден ако треба, за се’ што треба и не треба. Без мерка и исав. А, а примети господарот дека не ве бива и дека вашата неспособност станува безбедносен ризик за државата и граѓаните, вие – оп, почнувате да се галкате околу неговите ножиња, предете кога ве чепка по мешето, ја виткате кичмата за некое национално прашање за кое гинеле вашите предци, продавате по некоја македонска светија, раволуционер, светец, име на држава, јазик, менувате беспоговорно Устав, а најчесто правите и пет-шест моста, десетина стој на раце и по некој колук назад. Колук напред не е посакувано, во СДС се „поштуе“ одење наназад. И оп – пак си владеете. Не ми пречи што Ковачевски му се поклони на Заев, тоа е толку нормален акт кон северџанскиот му создател. Не се ни сомневаме дека тоа ќе го прави и во иднина, иако е демек успешен човек со кариера и со наводно „продадени“ фотоволтаици за производство на струја во време кога ја немаме и кога комуњарите „случајно“ ги уништуваат енергетските потенцијали, а да не зборуваме за ултра-воршипот и идолатријата кон ЗЗ на оние шапшали во владата кои во животот требало да се радуваат ако завршеле на портирница во старото СДС, кое имаше и едно малечко М во себе... Проблемот е што поклонувањето, сервилноста и безрбетноста клоновите на Заев ги практикуват и кон Бугарија. Лоша навика, нели. Затоа, во очекување на ново СДС поклонение кое го најави Бучко, убаво да ги отвориме очите. Внимавајте, а Заев почне да се наведнува, отиде работата, обожавателите од партијата му омилениот спорт ќе го прифатат со акламација и со рачето на срце ќе се клањаат до бесвест... И Заевци, доста булазните дека тоа што го правите било за иднината, не ни треба таква, затоа што, реално, така само не враќате во минатото. Не постои држава во светот која успејала со потпушување и сервилност, тоа е утопија, северотопија. А за оние кои станале свои стопани поради гордоста, достоинството и одбраната на честа, примерите се безброј. И не, нема да ви се извиниме што имаме ’рбет. И признајте, гарант многу ве копка како е да се има тоа „чудо“, нели?

УМС на ВМРО-ДПМНЕ се поклони пред споменикот на Бранителите од конфликтот во 2001 година

Дарко Андоновски — Thu, 03 May 2018 17:01:18 +0000

Денеска по повод годишнината од загинувањето на двајца припадници на АРМ Унијата на млади сили на ВМРО-ДПМНЕ се поклони пред споменикот на Бранителите од конфликтот во 2001 година. -По повод 16 години од загинувањето на припадниците на АРМ Димитар Двојаковски и Влатко Петров во заседа кај Ваксинце, како УМС НА ВМРО-ДПМНЕ се поклонуваме пред споменикот на Бранителите од конфликтот во 2001 година, стои во нивната објава. СЛАВА ИМ! ДА ЖИВЕЕ РЕПУБЛИКА МАКЕДОНИЈА!

поклонување – Kurir.mk

Поклонение на црпнатите без’рбетни аџии

УМС на ВМРО-ДПМНЕ се поклони пред споменикот на Бранителите од конфликтот во 2001 година