покрив – Kurir.mk

Се урна покрив за време на студентска забава, повредени над 30 лица

Ристе Здравков — Sun, 30 Apr 2023 19:21:10 +0000

Над 30 луѓе се повредени при уривање на покривот на гледалиштето за време на студентска забава во близина на Државниот универзитет во Охајо, откако луѓето се качиле на покрив кој не бил дизајниран да издржи толкава тежина, соопштија локалните власти. Од повредените, 14 лица се пренесени во болница, додека на останатите 20 им е помош на лице место, пренесе „Ен-Би-Си Вашингтон“. Првите екипи нашле 10 лица, а потоа 14 биле пренесени во болници со „различен степен“ на повреди, но сите се во стабилна состојба, изјавил началникот на пожарникарите во Колумбус, Стив Мартин. „На покривот веројатно имало меѓу 15 и 45 луѓе, кој не е дизајниран да ја држи тежината на луѓето“, изјавил Мартин. Салата каде што се урнал покривот не припаѓа на Универзитетот во Охајо.

Купил стан од 50 квадрати на последниот кат: Кога видел што се крие на покривот, останал без здив! (ВИДЕО)

Магдалена Андонова — Mon, 24 Aug 2020 10:11:08 +0000

Погледнете како овој човек преуредил и максимално искористил 51 квадрат животен простор Малите станови што се преуредени така што можат да им овозможат комфор на повеќечлени семејства секогаш воодушевуваат. Доколку поседувате стан од педесетина квадрати, ова одличен пример како можете да го опремите за да биде крајно функционален. Станот на последниот кат од повеќекатница му овозможил на сопственикот излез на покривот, кој во овој случај е преуреден во градина. Целиот покрив е дизајниран така што на него може да се засади зеленчук и цвеќе, додека станарите добиле парк и простор за уживање. Во овој случај, станбениот простор голем 51 квадрат е поделен на спална соба, кујна и дневна соба, тоалет, шпајз и тераса. Ваквите станови се наменети за да се живее во нив со полни гради, без оптоварувања!

Паднал додека извршувал градежни работи на покривот на црквата- со итна медицинска помош веднаш бил донесен во Скопје

Дарко Андоновски — Fri, 19 Apr 2019 13:22:01 +0000

Во Полициската станица Свети Николе вчера било пријавено дека околу 10.30 часот Д.Т.(65) од велешкото село Каласлари, паднал од покрив додека извршувал градежни работи на црквата „Покровение на Богородица“ во село Каратманово, општина Лозово, при што се здобил со тешки телесни повреди. Со возило на Итна медицинска помош тој бил пренесен во болницата во Велес, а потоа во Комплексот клиники „Мајка Тереза“ во Скопје. Увид на местото извршила екипа од Полициската станица Свети Николе, информираат од МВР.

Паднал од покрив на куќа: Гостиварец со тешки повреди итно пренесен на скопските клиники

Ивона Петрова — Thu, 06 Sep 2018 09:55:25 +0000

На Ургентното одделение во гостиварската Општа болница „Ферид Мурат“ вчера околу 17:30 часот бил донесен 42-годишниот Р.Ш. од Долна Бањица, кој паднал од покрив на куќа во околното село Балиндол и задобил тешки телесни повреди ( скршеница на лев колк), информираат од СВР Тетово.

Повредениот ги заменувал ќерамиидите на покривот, загубил рамнотежа, се лизнал и паднал во дворот пред куќата од височина од околу 7 метри.

По укажаната лекарска помош, со медицинско возило итно е префрлен и задржан на скопските клиники.

Извршен е комплетен увид и се расветлуваат сите поединости поврзани со овој случај.