Легенда на Јунајтед: Рашфорд се повреди, затоа што не е навикнат да биде резерва

Ивона Петрова — Fri, 17 Jan 2020 07:26:30 +0000

Sвездата на Манчестер Јунајтед, Маркус Рашфорд се повреди во средата вечерта против „Волците“ за ФА Купот бидејќи не беше навикнат да биде резерва, тврди легендата на тимот Пол Инс. Напаѓачот на „црвените ѓаволи“ влезе од клупата, но беше заменет 16 минути подоцна, откако доби удар од Мет Доерти. – Маркус е носител на секој натпревар и не мислам дека е навикнат воопшто да биде резервен играч. И јас не мислам дека тој го знае процесот на подготовка на резервен играч пред да влезе во игра. Тој не знае точно како да го спроведе загревањето и на што да стави акцент, пред да влезе на теренот. Тоа е поставување. Тој веројатно не очекуваше да влезе во игра, но одеднаш тимот се најде во позиција да бара задолжителен гол и Рашфорд мораше да се појави на теренот, изјави поранешниот репрезентативец на Англија.

Инс: Погба е идиот

Ивона Петрова — Fri, 07 Dec 2018 07:14:13 +0000

Поранешниот полудефанзивец на Манчестер Јунајтед, Пол Инс го оквалификува Пол Погба како „идиот“. Менаџерот на „црвените ѓаволи“, Жозе Мурињо, го извади францускиот играч од средниот ред од стартниот состав за мечот против Арсенал. Информациите од Англија велат дека Португалецот го направил овој чекор поради лоша форма на Погба. Токму тоа пак го испровоцира Инс, кој беше дел од составот на Јунајтед, кој триумфираше во Премиер лигата и ФА Купот во 1994-та година, да ги сподели своите ставови за Французинот. – Погба влегува на теренот и прави мали и глупави работи, а потоа ја губи топката. Ова е идиотски. Можеш да го обвиниш Мурињо за некои работи, но не можеш за се. Погба не си помага сам на себе, а камоли на тимот. Тој со право го исфрли од тимот. Без разлика колку е големо твоето име. Никој нема толку големо име, за да има резервирано место во составот на Јунајтед, изјави Инс. Погба доби многу свирежи кога влезе како резерва во натпреварот против Арсенал 15 минути пред крајот. Токму затоа Инс смета дека навивачите на Јунајтед имаат негативно мислење за својот играч. – Можете да го видите расположението на навивачите, како и толеранцијата кон играчите. Ова исто така важи и за Погба. Чудно е кога играч на тимот ќе биде исвиркан, но тоа е благодарение на тоа што го покажуваш на теренот. Мислам дека фановите повеќе не сакаат да го гледаат на „Олд Трафорд“, додаде Пол Инс. МИА

Пол Инс – Kurir.mk

Легенда на Јунајтед: Рашфорд се повреди, затоа што не е навикнат да биде резерва

Инс: Погба е идиот