Пол Мекарти – Kurir.mk

Мицкоски на средба со Пол Мекарти: ВМРО-ДПМНЕ нема да прифати уставни измени под овие околности и под бугарски диктат

Ивана Ефремовски — Thu, 06 Jul 2023 14:48:17 +0000

Претседателот на ВМРО-ДПМНЕ, Христијан Мицкоски денеска заедно со меѓународниот секретар на партијата Стефан Андоновски и членот на извршниот комитет и портпарол Марија Митева оствари средба со Пол Мекарти, регионален директор за Европа на Меѓународниот републикански институт (ИРИ). На средбата се разговараше за актуелната политичка и економска состојба, високиот степен на корупција во Македонија како и евроинтеграциските процеси на Македонија во однос на спорот со Бугарија. Мицкоски уште еднаш го афирмираше ставот на ВМРО-ДПМНЕ дека нема да прифати уставни измени под овие околности и под бугарски диктат. -Воедно, се истакна меѓусебна благодарност за добрата соработка помеѓу ВМРО-ДПМНЕ и ИРИ, и се соглсивме дека истата ќе продолжи да се развива и во иднина врз база на рамноправност, принципи и вистински вредности, информираат од партијата.

Муцунски на средба со конгресменот Паскрел и директорот на ИРИ за Европа, Мекарти

Тале Кристо — Thu, 02 Feb 2023 12:15:23 +0000

Во текот на вчерашниот ден, а во рамките на посетата на Вашингтон, Потпретседателот на ВМРО-ДПМНЕ, Тимчо Муцунски оствари две одвоени работни средби, на кои тој ги претстави позициите на ВМРО-ДПМНЕ и македонските државни интереси и на кои се разговараше за прашањата поврзани со заедничката безбедност и подобрување на соработката помеѓу двете земји. Фокусот на првата средба со членот Конгресот на САД, Бил Паскрел беше ставен на потребата од продлабочување на заемната соработка помеѓу Македонија и САД, со посебен акцент на справувањето со безбедносните предизвици со кои се соочуваат нашите земји. На втората средба со Директорот за Европа во Меѓународниот републикански институт Пол Мекарти, Муцунски и Мекарти ја потврдија одличната соработка помеѓу ВМРО-ДПМНЕ и ИРИ во делот на сите заеднички активности, програми, проекти и директна поддршка кои тие ги преземаат кај нас. Тие заеднички заклучија дека токму овој вид соработка треба да продолжи и во иднина, во насока на реализација на нови проекти. Овие средби се уште една потврда за активното учество на ВМРО-ДПМНЕ во меѓународните односи, проактивната улога во претставувањето и презентирањето на македонските интереси, како и одржувањето на блиски врски со нашите партнери и пријатели во САД и низ целиот свет.

Николоски и Милошоски на средба со Директорот на Меѓународниот републикански институт

Ивона Петрова — Thu, 06 Feb 2020 08:30:15 +0000

Потпретседателот на ВМРО-ДПМНЕ Александар Николоски и пратеникот Антонио Милошоски во рамки на посетата на Вашингтон остварија средба со директорот на Меѓународниот републикански институт -ИРИ. Средбата со директорот Пол Мекарти, информираат од партијата, се одржа во срдечна атмосфера во седиштето на оваа фондација во Вашингтон. -Николоски и Милошоски најпрвин се заблагодарија на поддршката што ВМРО-ДПМНЕ ја добива од локалната канцеларија на ИРИ во Скопје, а потоа го запознаа директорот Мекарти со подготовките на предизборната програма за претстојните избори закажани за 12-ти aприл, во чија изработка учествуваат македонски и меѓународни експерти. Николоски и Милошоски го запознаа соговорникот и со последните обиди на бившиот премиер Заев да најде разни изговори за одложување на изборите, што би можело да создаде политичка криза, како и штетно да влијае на и онака заслабнатото стопанство во Македонија. Од страна на ИРИ беше нагласено дека фондацијата со задоволство ќе ја продолжи заедничката соработка со ВМРО-ДПМНЕ и пред изборите, како и после изборите, особено во делот на обука на идните пратеници, истакнуваат од партијата. Во рамките на својата посета на Вашингтон, Николоски и Милошоски остварија средба и со Обединетата Македонска Дијаспора претставувана од Мето Колоски, како и со претставници на македонската заедница и дијаспора во Вашингтон. На средбата се изрази загриженост дека во Македонија корупцијата цвета, а економијата тоне, како и тоа дека Заев ги распродава македонските национални интереси.