пол погба – Kurir.mk

Алегри: Фудбалот губи извонреден играч

Бошко Тасиќ — Sun, 08 Oct 2023 05:43:53 +0000

По скандалот со допинг тестот на кој два пати паѓаше Пол Погба, во Јувентус веќе сфаќаат дека го губат и дека тој мора да се пензионира. „Човечки гледано тоа ми пречи многу, бидејки со Пол сум доста близок. Фудбалот губи извонреден фудбалер кој беше поразличен од останатите. Да ја сочекаме казната и да видиме. Ова сите не растажи, се надеваме за најдоброто за него, воопшто не му е лесно на психички план“, порача Максимилијано Алегри.

Францускиот фудбалер откако падна на вториот допинг тест, стана јасно дека ќе добие повеќе годишна суспензија и дека неговата кариера скоро сигурно оди во неповрат.Последните информации се дека францускиот фудбалер би можел да биде суспендиран на четири години, а со тоа практично завршена и неговата кариера.

Повторно падна на допинг: На Погба му се заканува суспензија до четири години

Ивона Петрова — Fri, 06 Oct 2023 19:15:27 +0000

Откако допинг тестот на Пол Погба на 20 август беше позитивен, исто така, и Б примерокот покажа дека францускиот репрезентативец и фудбалер на Јувентус користел недозволени средства. Италијанските медиуми јавија вечерва дека е потврдено зголемено ниво на тестостерон во крвта, како што покажа и првото тестирање. Погба беше тестиран на крајот од август по натпреварот меѓу Удинезе и Јувентус кој францускиот фудбалер го проследи од клупата за резерви од почеток до крај. Зголеменото ниво на тестостерон може да се поврзе и со одреден медицински проблем, но доколку се докаже дека користел лекови за подобрување на своите перформанси на Погба му се заканува суспензија во траење до четири години. Од неговиот адвокатски тим порачаа дека Погба „никогаш не сакал да ги прекрши правилата“.

Нови детали за скандалот со Погба, се допингувал со интегратор за витамини?

Ристе Здравков — Thu, 14 Sep 2023 12:17:51 +0000

Се појавија нови детали од скандалот со допингувањето на францускиот репрезентативец и член на Јувентус, Пол Погба. Сѐ уште не е јасно каква ќе биде реакцијата на анти-допинг Комисијата при Европската фудбалска унија (УЕФА), но било која одлука сигурно нема да да биде во корист на Французинот. Агентот на фудбалерот изјави дека Погба никогаш не би си дозволил да користи недозволени супстанци и најверојатно се работи за суплемент во исхраната кој играчот го користел за време на турнејата во Соединетите Американски Држави. Медиумите пишуваат дека фудбалерот користел „интегратор на витамини“, кој му бил препорачан од близок семеен пријател. Докторите на Јувентус се оградија од било каква вмешаност и изјавија дека не постои можност за систематски допинг во нивниот тим. Тие се исто така револтирани што Погба го послушал пријателот кој е доктор по професија и не смеел без консултација со нив да ги зема витамините. На самото пакување има предупредување дека овој интегратор може да предизвика и несакани последици. Пол Погба во моментов е суспендиран од Јувентус, а одлуката за понатамошните постапки се очекува во следниве денови. Едно е сигурно, францускиот ас е во огромни проблеми и може да заработи долгогодишна забрана за настап во било кое фудбалско натпреварување. Неговите адвокати најавија дека ќе поднесат жалба, па сигурно овој процес допрва ќе почне да се „расплетува“.

Погба позитивен на допинг-тестот!

Ристе Здравков — Tue, 12 Sep 2023 12:11:01 +0000

Играчот од средниот ред на италијанскиот калчо гигант Јувентус, Пол Погба, падна на допинг-тест на примерок земен од него по првенствениот натпревар со Удинезе. Резултатот од примерокот што го даде 30-годишниот играч од средниот ред на „старата дама“ по натпреварот против Удинезе, кој беше одигран на 20 август, беше позитивен на недозволени супстанци. Во неговата крв биле пронајдени траги од тестостерон. Најтрофејниот клуб во Серија А веднаш го суспендираше играчот, кој има три дена да поднесе барање за нова анализа, а доколку и Б примерокот биде позитивен, ќе се соочи со драконска суспензија. Погба би можел да добие две години суспензија и тоа дефинитивно би значело крај на неговата богата кариера, кој за жал во изминатите неколку сезони помина во знакот на честите повреди. Пол Погба минатата година се врати во Јувентус по шест години поминати во дресот на Манчестер Јунајтед. Французинот поради повреди ја пропушти минатата сезона, а оваа сезона конечно почна да игра, но неговата кариера повторно се движи во непосакуваната насока. Ова е тежок удар и за торински Јувентус, кој очекуваше Погба конечно да се врати на зелениот терен, но, очигледно ништо нема да излезе од тоа и Погба би можел да се соочи со долга пауза. За француската репрезентација одигра 91 натпревар и постигна 11 гола, ја освои титулата светски шампион во 2018 година.

Пол Погба падна на допинг тест

Бошко Тасиќ — Mon, 11 Sep 2023 17:23:43 +0000

На францускиот фудбалски репрезентативец Пол Погба му се заканува крај на кариерата откако доби позитивен тест за допинг, објави италијанската новинарска агенција АНСА. Фудбалерот на Јувентус е позитивен на тестостерон по стандардното тестирање на допинг направено по натпреварот против Удинезе. На 3о-годишниот фудбалер сега му претстои и второ тестирање по кое треба се потврдат првичните резултати. Со оглед на тоа што ретко кога овие случаи се негираат по двете тестирања на Французинот му се заканува долга суспензија.

Јувентус подготвен да го продаде Погба за 10 милиони евра

Катерина Бојаџиева — Tue, 11 Jul 2023 09:50:44 +0000

Јувентус е подготвен да го продаде играчот од средниот ред Пол Погба ова лето за 10 милиони евра, објави „ Gazzetta dello Sport“. Беше објавено дека Ал-Итихад бил заинтересиран за Французинот, кој наводно му понудил на играчот договор за 100 милиони евра за три години. Погба минатото лето се врати во Јувентус. Поради повреди одигра само 10 натпревари за тимот во сезоната 2022/23, на кои постигна една асистенција. Порталот Трансфермаркт го проценува играчот од средниот ред на 15 милиони евра. Претходно, Ал-Итихад ги ангажираше Карим Бензема и Н’Голо Канте во летниот преоден рок.

Погба е на потег: Ќе стане ли соиграч со Бензема и Канте за 100 милиони евра по сезона?

Ристе Здравков — Mon, 10 Jul 2023 11:20:46 +0000

Пол Погба би можел да биде следната ѕвезда која кариерата ќе ја продолжи во Саудиска Арабија. Французинот минатата сезона одигра само 161 минута од враќањето во Јувентус. Погба настапи само на осум натпревари поради големите проблеми со повреди со кои се соочуваше. Сега медиумите шпекулираат дека Французинот добил „непристојна“ понуда од Саудиска Арабија. Информациите говорат дека Ал Итихад кој претхдоно ги доведе сонародниците на Погба, Бензема и Канте му нуди договор од 100 милиони евра по сезона. Сепак, Италијанците тврдат дека Погба сака да остане во Јувентус иу чувствува дека треба да му се одолжи на клубот откако ја пропушти скоро цела сезона. Погба има 30 години, а во текот на кариерата играше само Манчестер Јунајтед и Јувентус. Дресот на француската репрезентација го носеше на 91 натпревар.

Погба најлош трансфер сезонава во Европа според „Гол“

Ивона Петрова — Wed, 31 May 2023 18:34:09 +0000

Порталот специјализиран за фудбалски вести „Goal“ состави листа на најлоши трансфери во сезоната во Европа. На списокот има играчи чии трансфери не се реализираа од финансиска или спортска гледна точка. Во рејтингот има 21 играч. Топ 10 најлоши трансфери според „Гол“: 1. Пол Погба (Јувентус, како слободен играч) 2. Ричарлисон (Тотенхем, 60 милиони фунти) 3. Марк Кукурела (Челзи, 63 милиони фунти) 4. Сержињо Дест (Милан, позајмица) 5. Калвин Филипс (Манчестер сити, 42 милиони фунти) 6. Џеси Лингард (Нотингем Форест, бесплатно) 7. Михаил Мудрик (Челзи, 88,5 милиони фунти) 8. Садио Мане (Баерн Минхен, 35 милиони фунти) 9. Ентони (Манчестер јунајтед, 85 милиони фунти) 10. Калум Хадсон-Одои (Баер Леверкузен, позајмица).

За Погба сезоната заврши

Ивана Ефремовски — Mon, 15 May 2023 06:32:31 +0000

Фудбалерот од средниот ред на Јувентус, Пол Погба ќе го пропушти остатокот од сезоната поради повреда, објави „Кориере дело Спорт“. Французинот се повреди на вчерашниот натпревар од 35. коло на Серија А со Кремонезе (2:0). Триесетгодишниот играч за врска со десната нога нафрли една топка во противничкиот шеснаесетник, по што куцаше и речиси веднаш легна на тревникот. Во 24. минута Французинот во солзи го напушти теренот, повлекувајќи ја маицата преку лицето. Погба го забележа шестиот настап во Серија А оваа сезона. Фудбалерот речиси цела година се лекуваше од повреди. Беше на теренот за прв пат од април 2022 година. (МИА)

Ништо ново во Торино: Погба откако беше казнет сега се повреди

Ристе Здравков — Mon, 13 Mar 2023 11:50:45 +0000

Навивачите на Јувентус полека веројатно и престануваат да се надеваат дека Пол Погба ќе биде сериозно засилување. Погба во Јувентус пристигна во летниот преоден рок од Манчестер Јунајтед, но се повреди уште пред почетокот на сезоната. На второто деби во црно-белиот дрес чекаше до пред три кола кога настапи во градското дерби против Торино, а потоа и против Рома. Но, потоа на денот на натпреварот со Фрајбург во Лигата на Европа минатиот четврток стигна вест дека Алегри го изоставил од тимот затоа што задоцнил на последниот собир пред натпреварот. Алегри најави дека Погба ќе биде во комбинација за следниот натпревар и требаше да добие нови минути вчера против Сампдорија. Сепак, сега повторно се повреди. Денешните информации од Италија зборуваат дека Погба ќе биде надвор од терените уште еден месец, а многумина веруваат дека можеби и нема да заигра повторно за клубот од Торино.