поларна мечка – Kurir.mk

ВИДЕО ОД КОЕ ЌЕ ВИ СЕ СКРШИ СРЦЕТО: Изнемоштена поларна мечка на Арктикот ги моли луѓето за помош (ВИДЕО)

Магдалена Андонова — Thu, 21 Jul 2022 11:32:53 +0000

Вознемирена поларна мечка се приближила до домовите на Арктикот за да побара помош од луѓето откако јазикот и се заглавил во конзерва. Неверојатното видео покажува како ова диво и опасно животно налик на дете ги моли луѓето за помош на северот на Русија, бидејќи не можела да јаде бидејќи јазикот и се заглавил во конзерва со кондензирано млеко. Мечката е снимена како се приближува до човек кој стои на тремот пред куќата. Човекот се обидел да ја извади конзервата од устата на мечката, но безуспешно. - Мечката беше толку мачена што ни пријде и ѝ ја турна муцката за да видиме дека јазикот и е заглавен. Сепак, било невозможно да му се помогне на животното без да се трауматизира. Затоа се откажавме - рекол човекот. Експертите велат дека поларните мечки речиси никогаш не би се приближиле до луѓето, но ова животно очигледно било очајно бидејќи било премногу гладно. Тим ветеринари од Москва бил испратен во село во северна Русија за да се обиде да ја спаси мечката, но поради лошите временски услови не можеле да стигнат до Диксон.

Преживеал напад на поларна мечка: Морав да молчам додека ме гризеше (ВИДЕО)

Магдалена Андонова — Mon, 19 Oct 2020 20:20:25 +0000

Рускиот ловочувар Владимир Слепчов (50) преживеал напад од поларна мечка. Слепчов го запознал ѕверот на остров во Арктичкиот океан. Дошол, рече тој, за да го провери кампот за ловџии, и кога се доближил до сауната, излегла поларна мечка со две младенчиња и го нападнала, а тој паднал и се преправал дека е мртов, додека мечката не замине. "Прво ги видов уништените куќи во кампот каде чувавме храна. Остатоците од храна беа расфрлани на сите страни. Одеднаш огромната поларна мечка со двете младенчиња излета од вратата на сауната, која, судејќи според нејзината големина, беше стара околу една година", рече тој. Тој продолжи да објаснува дека немал оружје и дека се обидел да ја повреди со парче железо што го нашол во снегот, но промашил. "Таа истрча кон мене и ме погоди со канџа во градите. Летнав наназад неколку метри. Штом станав, повторно ме нападна. После тоа не можев да станам. Лежев на грб додека ми пријде и мислев дека сега ќе ми го раскине лицето, па затоа го покрив со раце. “, изјави тој за руската телевизија РЕН. Кога таа почнала да му ги гризе рацете, тој се свртел на стомакот и потоа започнала да го гризе на задниот дел од нозете. Видел како неговата крв капе на снегот и слушнал страшна бучава. "Кога таа почна да ме гризе, се сетив на мојот деветгодишен син кој ме чекаше дома. Му ветив дека ќе се вратам и морав да го чувам. Не смеев да врескам. Решив да се преправам дека сум мртов. Почувствував силен удар на грбот, а потоа уште еден “, вели Слепчов. На крајот тој се онесвестил и мечката помислила дека е мртов и заминала со младенчињата.

Руси се изживувале со поларна мечка- тоа што и го направиле буквално го згрози светот (ВИДЕО)

Дарко Андоновски — Wed, 04 Dec 2019 09:11:30 +0000

На друштвените мрежи во Русија се појави снимка од поларна мечка на која со црн спреј е испишано „Т-34″. Поборниците за заштита на животните предупредуваат дека постои опасност оваа мечка да не може да се вклопи со околината, или да лови заради прехрана. Во тек е истрагата околу тоа што точно се случило и каде е снимено видеото.

View this post on Instagram

Пишут, снято на Чукотке. Кто-то написал на белом медведе «Т-34». Довольно глупо, животное может лишиться маскировки и умереть с голоду. #mgdn #vesmagadan

A post shared by ИА Весьма (@vesma.today) on Dec 1, 2019 at 7:22pm PST

Т-34 е називот на тенкот којшто војската на СССР го користеле против нацистите во Втората светска војна. Снимката на Фејсбук ја постави Сергеј Каври, член на Светската организација за заштита на природата.

Поларна мечка бара храна во град (ФОТО)

Предраг Кукиќ — Wed, 19 Jun 2019 11:44:54 +0000

Поларната мечка се појави во рускиот индустриски град Норилск во северниот дел на Сибир, што е 800 километри од нејзиното живеалиште, пишува Ројтерс. На фотографии споделени на социјалните мрежи се гледа женка мечка, исцрпена и можеби болна, како шета во градот во потрага по храна. Мечката се движи под надзор на полициски службеници. Се очекува животното да биде прегледано од стручни служби. Ова е прва поларна мечка која го посетува градот во последниве 40 години.