УХМР СО ПРЕДУПРЕДУВАЊЕ ДО ГРАЃАНИТЕ: Ова мора да го имате на ум доколку се движите покрај реки или клисури

Дарко Андоновски — Mon, 11 Jan 2021 15:10:32 +0000

Врнежите кои паднаа во изминативе 24 часа дополнително ги зголемија нивоата кај сите водотеци и езера низ државата. На сите хидролошки станици од националната хидролошка мрежа има пораст на водостоите, а особени покачувања се бележат на горниот тек на Вардар кај Јегуновце и кај Скопје, на Треска кај Македонски Брод, на Црна кај Новаци и на Радика кај Бошков Мост. Како што информира УХМР, сите водостои се со надпросечни вредности за овој дел од годината. Од терен има информации за локални излевања на Вардар кај Рашче, на Крива Река и Пчиња во кумановскиот регион, на водотеци во Охридскиот и Битолскиот регион, а поради заситената почва со влага има и појава на заезерување во одредени рамници и делови на Пелагонија и Полог. -Во однос на временската состојба, очекуваме сите водостои кај водотеците и езерата и натаму да бидат во покачување, а како најкритични ги посочуваме реките Вардар горен тек, Треска, Лепенец, Пчиња, Крива, Црна, Радика, Сатеска и нивните притоки. Во текот на денот очекуваме намалување на врнежите, но дококу има појава на интензивни врнежи на југот и југоистокот, се очекува продолжен пораст на водостојот и на водотеците од овој дел на државата и тоа на Брегалница, Струмица, Анска, Тркајна, Конска и нивните притоки, наведува УХМР и уште еднаш предупредува на внимателно движење покрај водотеците, суводолиците и во клисурите, поради можност од појава на големи води, излевања, свлечишта и одрони.

Тројца загинати, 12 исчезнати во поплавите во источна Кина

Дарко Андоновски — Sat, 27 Jun 2020 11:42:26 +0000

Три лица загинаа, а 12 се исчезнати во невремето што синоќа ја зафати југозападна Кина, соопштија кинеските власти. Како што пренесуваат странските агенции, во областа Мијанинг во провинцијата Сичуан, две лица загинале кога две возила паднале во река, а три лица се водат како исчезнати. Во една населба од истата област, уште едно лице го загуби животот за време на невремето, а на група од деветмина жители на таа населба и се губи секоја трага, соопштија надлежните, кои евакуираа околу 7.500 луѓе како резултат на природната непогода. Повеќе од 20 луѓе ги загубија животите во јужна Кина за време на годинашните сезонски дождови, кои предизвикуваат поплави и излевање на реките.

полави – Kurir.mk

УХМР СО ПРЕДУПРЕДУВАЊЕ ДО ГРАЃАНИТЕ: Ова мора да го имате на ум доколку се движите покрај реки или клисури

Тројца загинати, 12 исчезнати во поплавите во источна Кина