полицаец – Kurir.mk

Прилепчанец завршил зад решетки, нападнал полицаец

Тале Кристо — Wed, 01 Nov 2023 15:14:46 +0000

На 31.10.2023 на ул.„Прилепски бранители“ во Прилеп, полициски службеници од ОВР Прилеп го лишиле од слобода Д.И.(31) од Прилеп затоа што физички нападнал полициски службеник кој извршувал службени дејствија. По документирање на случајот, ќе биде поднесена соодветна пријава.

Полицаец нападнат со тврд предмет откако фатил мажи кои прават нелегален транспорт на дрва

Ивана Ефремовски — Sat, 21 Oct 2023 15:50:50 +0000

На 20.10.2023 во 20:30 часот во Ресен, полициски службеници од Полициската станица Ресен ги лишиле од слобода А.М.(42) и Ј.Р.(31), двајцата од Ресен, поради тоа што со тврд предмет нападнале полициски службеник, кој во моментот не бил на работа, но претходно, при преземање на службени дејствија, ги затекнал пријавените како вршат кривично дело - нелегален транспорт на дрва. По целосно документирање на случајот против нив ќе биде поднесен соодветен поднесок.

Полицаец спаси жена од водите на Крушевско езеро

Тале Кристо — Sun, 15 Oct 2023 08:23:59 +0000

Вчера (14.10) во 21.15 часот во ОВР Крушево било пријавено дека 68-годишна жена сака да се фрли во езерото во близина на Крушево. Полициски службеници се упатиле кон езерото и ја затекнале жената кога скокнала во езерото. Веднаш полицискиот службеник од полициската станица од општа надлежност Крушево, Н.П. скокнал во езерото по неа и ја спасил, по што е пренесена во Здравствен дом Крушево.

Полицаец нападнат во Кочани

Ивана Ефремовски — Thu, 14 Sep 2023 19:37:01 +0000

Надворешната канцеларија за криминалистички работи Кочани поднесе кривична пријава против А.А.(65) од Кочани, поради постоење основи на сомнение за сторено кривично дело „напад врз службено лице при вршење работи на безбедноста“. На 12.08.2023 во Кочани, пријавениот физички нападнал полициски службеник кој извршувал службени дејствија.

Маж бил агресивен кон полицаец, па доби лисици на раце

Ивана Ефремовски — Tue, 12 Sep 2023 19:05:12 +0000

На 11.09.2023 во 13:50 часот, полициски службеници од Полициското одделение Мирковци го лишиле од слобода М.П.(35) од с.Мојанци, скопско, затоа што се однесувал агресивно и се заканувал на полициски службеник кој извршувал службени дејствија. По целосно документирање на случајот, против него ќе следува соодветен поднесок.

ВИДЕО: Пијана девојка сакаше да избегне казна па го повика таткото полицаец, но заврши со лисици на рацете

Ивона Петрова — Mon, 11 Sep 2023 20:50:42 +0000

На интернет се појави видео од несекојдневен настан од крајот на 2022 година, кога полицијата запре 21-годишна девојка бидејќи возела во алкохолизирана состојба. Девојката Тереза Ли тврдела дека испила „само една пијачка“, но полицијата се посомневала дека испила многу повеќе и дека можеби со автомобилот удрила во блискиот семафор, со оглед на тоа дека браникот на автомобилот и бил оштетен. За да избегне апсење, девојката неколку пати нагласила дека и нејзиниот татко е полицаец во локалната полициска станица и побарала да го повикаат. Но, кога нејзиниот татко навистина се појавил, тој реагирал на сосема неочекуван начин. Имено, тој ја уапси. Додека таа плачела и велела дека е „капитен на локалниот фудбалски тим“, нејзиниот татко ѝ рекол: „Застани сега и влези во автомобилот. Уапсена си!' Таткото не се ни обидел да го прикрие случајот или да ја злоупотреби својата положба, туку ја натерал ќерката да преземе одговорност за своите постапки. Во полициска станица биле направени потребните тестови и количината на алкохол во крвта била двојно поголема од дозволената граница. Ваквата реакција на таткото беше широко пофалена на Интернет. „Пофалба. Тој не го искористи својот авторитет. Ова е тешка ситуација за него, но таа мораше да извлече поука“, напиша еден корисник, а многу други се согласија дека иако сигурно му било тешко да го види своето дете со лисици, сепак постапил правилно.

Полицаец нападнат во Куманово

Ивана Ефремовски — Wed, 16 Aug 2023 16:22:19 +0000

На 16.08.2023 во 03:40 часот, полициски службеници од СВР Куманово го лишиле од слобода Д.Р.(30) од Куманово. Тој бил затекнат во круг на јавно претпријатие на улицата „Фетка Наскова“ во Куманово при обид да одземе предмети, а при приведувањето физички нападнал полициски службеник. Д.Р бил задржан во полициска станица и по целосно документирање на случајот против него ќе следува соодветна пријава.

Притвор за полицаец од Демир Капија: Осомничен за родосквернавење врз сопствениот син

Ивона Петрова — Wed, 16 Aug 2023 11:55:30 +0000

Донесено е решение за мерка притвор за полициски службеник од Демир Капија осомничен за родосквернавење врз сопствениот син, информираа денеска од Основен суд Кавадарци. - Постапувајќи по предлогот на ОЈО Кавадарци за постоење основано сомнение за сторено кривично дело родосквернавење врз сопствениот син кога бил на возраст од 17 години по чл. 194 ст. 1 од КЗ, а во согласност со чл. 165 ст. 1 т. 3 вв чл. 168 од ЗКП и чл. 162 вв чл. 69 ст. 4 од ЗКП, судијата на претходна постапка Лидија Ридова на ден 16.08.2023 донесе решение за определување мерка притвор во траење од 30 дена спрема лицето З.П. полициски службеник од Демир Капија на возраст од 50 години, соопштија од Судот.

Погребан тинејџерот убиен од полицаец во Франција

Тале Кристо — Sat, 01 Jul 2023 20:18:36 +0000

Во присуство на семејството и пријателите, денеска беше погребан тинејџерот кој беше убиен на почетокот на неделава од полицаец при сообраќајна контрола во Нантер во близина на Париз. Богослужбата во џамијата во Нантер почна напладне. На барање на семејството, ниту еден новинар не присуствуваше на погребот на Нахел М., 17-годишникот со алжирско и мароканско потекло, чија смрт предизвика неколкудневни нереди низ целата земја. Смртта на Нахел ги разгоре долготрајните поплаки од сиромашните и расно мешаните урбани заедници за полициското насилство и расизмот. Францускиот претседател Емануел Макрон го негираше постоењето на системски расизам во француските безбедносни служби. Владата во Франција распореди 45 илјади полицајци и неколку оклопни возила низ целата земја за да ја спречи најтешката криза во мандатот на Макрон од протестното движење „Жолти елеци“. Во четвртата ноќ на немири, запалени се над 1.300 автомобили, а на патиштата се запалени 2.560 пожари, соопшти претходно француското МВР. Според властите, нападната е 31 полициска станица. Вкупно 1.311 лица беа уапсени ноќта.

Повреден е полицаец, изгубил контрола и со возилото излетал од патот

Ивана Ефремовски — Wed, 14 Jun 2023 17:20:14 +0000

На 13.06.2023 околу 21:20 часот во СВР Скопје било пријавено дека на ул.„172“ во Скопје, полициски службеник, управувајќи патничко возило „фиат линеа“ со скопски регистарски ознаки, сопственост на МВР, при преземање службени дејствија, изгубил контрола и со возилото излетал од патот. Притоа, со телесни повреди се здобил полицискиот службеник, констатирани во Комплексот клиники „Мајка Тереза“ Скопје. Увид на местото извршила екипа на СВР Скопје.