полицајци – Kurir.mk

Нападнати полицајци во три одделни случаи

Тале Кристо — Sun, 22 Oct 2023 20:10:23 +0000

Агресивно однесување и физички напади на полицајци се регистрирани во три одделни случаи. Како што соопшти МВР, во првиот случај, утрово, во 2:00 часот во Куманово полициски службеници од СВР Куманово го лишиле од слобода Г.Ј.(60) од Куманово. Тој физички нападнал полициски службеник кој извршувал службени дејствија. Во вториот случај, вчера во 1:30 часот во струмичкото село Просениково бил лишен од слобода И.М.(40) од истото село поради тоа што физички нападнал полициски службеници кои извршувале службени дејствија. Во третиот случај, пак, синоќа околу 20 часот во Спортско-рекреативниот центар „Кале“, полициски службеници од Единицата за интервентна полиција при СВР Скопје лишиле од слобода малолетник од Скопје. Тој за време на одржување на кошаркарски натпревар агресивно се однесувал кон полициските службеници, а потоа физички нападнал еден од нив додека извршувал службени дејствија. За време на кошаркарскиот натпревар биле приведени и С.С.(37), М.Д.(34), Л.Л.(21), Л.Г.(19) и А.К.(21), сите од Скопје, поради непочитување на Законот за спречување на насилството и недостојното однесување на спортските натпревари. По целосно документирање на случајот против сите ќе следува соодветен поднесок.

Полицајци нападнати во скопско

Ивана Ефремовски — Fri, 29 Sep 2023 17:49:31 +0000

На 28.09.2023 во 22:30 часот во близина на с.Голиево, скопско, полициски службеници од Полициското одделение Мирковци го лишиле од слобода Р.Ш.(27) од с.Блаце, скопско, затоа што физички нападнал полициски службеници кои извршувале службени дејствија. Тој бил задржан во полициска станица и по целосно документирање на случајот против него ќе биде поднесена соодветна пријава.

Скопјанец бил агресивен кон полицајци, па го уапсиле

Ивана Ефремовски — Thu, 28 Sep 2023 18:21:13 +0000

На 28.09.2023 во 01:00 часот во Скопје, полициски службеници од Полициската станица Центар го привеле Ф.С.(39) од Скопје, затоа што агресивно се однесувал кон нив додека извршувале службени дејствија. По целосно документирање на случајот против него ќе биде поднесена соодветна пријава.

Полицајци прекумерно употребиле физичка сила – еве што се случило

Ивана Ефремовски — Tue, 12 Sep 2023 15:27:40 +0000

Одделот за внатрешна контрола, криминалистички истраги и професионални стандарди до Специјализираното Одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција достави кривична пријава против Г.Ф., И. Х. и Б.Н., полициски службеници во СВР Штип, поради постоење основи на сомнение дека сториле кривично дело „малтретирање во вршење на службата“ по член 143 ст.1 од Кривичниот законик. Имено, пријавените во својство на полициски службеници, пречекорувајќи ги границите на своите службени овластувања на 01.09.2023 во 21 часот над оштетениот Б.Н., кој бил лишен од слобода и задржан во просториите на СВР Штип, неосновано и прекумерно употребиле физичка сила. Од страна на Одделот за внатрешна контрола, криминалистички истраги и професионални стандарди ќе бидат преземени мерки согласно одредбите од Колективниот договор на МВР.

Не сакал да плати на бензинска, па се заканувал со нож – приведен скопјанец

Ивана Ефремовски — Sun, 10 Sep 2023 19:13:18 +0000

На 09.09.2023 во 23:50 часот Скопје, на подрачје на Карпош, полициски службеници го лишиле од слобода Е.А.(32) од Скопје. Приведен е постапувајќи по пријава според која околу 23:45 часот на бензинска пумпа на подрачјето на Карпош одбил да плати за производите кои ги зел и се заканувал со остар предмет кон вработените. По целосно документирање на случајот ќе биде поднесена соодветна пријава.

Со возило удрил полицајци кои пристигнале да го приведат

Ивана Ефремовски — Fri, 18 Aug 2023 15:45:42 +0000

СВР Охрид поднесе кривична пријава против С.К.(25) поради постоење основи на сомнение за сторено кривично дело „загрозување на сигурноста“ и две кривични дела „спречување службено лице во вршење службено дејствие“. На 31.07.2023 пред угостителски објект во Охрид, пријавениот со остар предмет му се заканувал на Н.М. од Охрид, а кога на местото пристигнале полициски службеници, обидувајќи се да побегне, со возило удрил двајца полициски службеници.

Жена била агресивна кон полицајци, ги попречувала во работата

Ивана Ефремовски — Sat, 08 Jul 2023 20:25:00 +0000

На 07.07.2023 во 11:00 часот во Штип од полициски службеници е лишена од слобода 52-годишната В.Ж. од Штип, затоа што агресивно се однесувала кон нив, попречувајќи ги во извршување на службени дејствија. По целосно документирање на случајот против неа ќе следи соодветен поднесок.

Во ОУ „Владислав Рибникар“ во Белград продолжува наставата, дежураат 6 полицајци – родителите бараат крај на учебната година

Тале Кристо — Mon, 22 May 2023 07:03:49 +0000

Наставата во ОУ „Владислав Рибникар“ во Белград каде беа убиени девет ученици на 3 мај продолжува денеска со скратени часови, без оценување, именување и со присуство на шест полицајци во училиштето во секоја смена, јавија белградските медиуми. Децата кои не сакаат или не можат да продолжат да присуствуваат ќе можат да останат дома и нема да имаат неоправдани отсуства. Над 200 родители бараат да заврши учебната година за учениците во тоа училиште. Во училиштето вчера се одржа состанок на родителската група од VII-2, одделението каде се случи трагедијата на 3 мај, со повеќе министри и претставник од кабинетот на премиерката на Србија. Тие дојдоа во училиштето со одговори на барањата на родителите, но соопштението беше одложено за следната средба. Родителите го повторија барањето наставата да биде прекината и учебната година да се прогласи дека е завршена на 3 мај. Никој од владините претставници по средбата не даде изјава за медиумите во Србија. Над 200 родители на деца од „Владислав Рибникар“ се приклучија на иницијативата за итно прекинување на наставата во постојниот објект на тоа училиште и завршување на работната учебна година на 3 мај, кога ученик од седмо одделение уби девет ученици и чувар на тоа училиште. Родителите кои ја поддржуваат оваа иницијатива сметаат дека планот за продолжување на образованието кој се спроведува од 10 мај штетно за развојот на голем број ученици, и дека единствено решение е итен прекин на наставата и завршување на работната учебна година. За таквиот став родителите добија поддршка од еминентни стручњаци од областа на невропсихијатрија и психотерапија. „Учебната година заврши трагично на 3 мај. Секој ден потоа не е продолжение на учебната година туку вештачко преправање дека ништо не се случило. Но, тоа се случи. Наши деца беа убиени во училиштето“, се наведува на крајот од соопштението на групата родители на Основното училиште „Владислав Рибникар“ во Белград.

Македонските полицајци се мета на агресивни граѓани: Полицискиот билтен открива неколку случаи – еве ги деталите

Ивана Ефремовски — Sat, 08 Apr 2023 15:49:25 +0000

Во полицискиот билтен кој е испратен денес, се забележани низа случаи во кои македонските полицајци се мета на агресивни граѓани. Додека ја вршат својата професионална должност, полицајците често се напаѓани од граѓани. Приведени се голем број лица, а во продолжение дознајте за какви случаи станува збор. На 08.04.2023 во 02:15 часот пред угостителски објект на бул.„Кузман Јосифовски Питу“, полициски службеници ги привеле А.П.(31), Х.Ш.(32), Д.Ј.(28) и И.Д.(28), сите од Скопје, затоа што го нарушиле јавниот ред и мир и агресивно се однесувале кон полициски службеници кои извршувале службени дејствија. По целосно документирање на случајот ќе биде поднесен соодветен поднесок. На 06.04.2023 во 19:10 часот на бул.„Србија“ во Скопје, полициски службеници го привеле С.К.(41) од Скопје затоа што агресивно се однесувал кон полициски службеници кои извршувале службени дејствија. По целосно документирање на случајот ќе биде поднесен соодветен поднесок. На 07.04.2023 во 11:30 часот, полициски службеници од Полициската станица Драчево го привеле А.Н.(32) од Скопје затоа што агресивно се однесувал кон полициски службеници кои извршувале службени дејствија и кон негова сосетка. По целосно документирање на случајот ќе биде поднесен соодветен поднесок. На 08.04.2023 во 04:35 часот, полициски службеници од СВР Куманово го привеле Д.Д.(19)од Куманово затоа што агресивно се однесувал кон полициски службеници кои извршувале службени дејствија. По целосно документирање на случајот ќе биде поднесен соодветен поднесок. На 08.04.2023 во 03:40 часот, полициски службеници од Полициското одделение Ранковце го лишиле од слобода А.И.(24) од село Петралица, кривопаланечко, затоа што во угостителски објект во општина Ранковце го нарушил јавниот ред и мир и се однесувал агресивно кон полициски службеници кои извршувале службени дејствија. По целосно документирање на случајот ќе биде поднесен соодветен поднесок. На 07.04.2023 во 15:40 часот, полициски службеници од СВР Охрид го привеле Г.К.(61) од Охрид затоа што агресивно се однесувал кон полициски службеници кои извршувале службени дејствија. По целосно документирање на случајот ќе биде поднесен соодветен поднесок. На 07.04.2023 во 23:00 часот, полициски службеници од СВР Охрид го привеле М.Д.(19) од Охрид затоа што агресивно се однесувал кон полициски службеници кои извршувале службени дејствија. По целосно документирање на случајот ќе биде поднесен соодветен поднесок.

Жена била агресивна кон полицајци, па доби лисици на раце

Ивана Ефремовски — Sun, 02 Apr 2023 20:25:36 +0000

На 01.04.2023 во 20:10 часот во с.Д.Бањица, гостиварско, од полициски службеници од Полициска станица Гостивар приведена е М.М.(40) од Гостивар, затоа што агресивно се однесувала кон полициски службеници кои вршеле службени дејствија. По целосно документирање на случајот ќе биде поднесен соодветен поднесок.