Полициска бруталност – Kurir.mk

МИ ЈА МАВАА ГЛАВАТА ОД ХАУБА, ПА МИ СЕ ЗАКАНИЈА ДЕКА ЌЕ СКАПАМ ВО СТАНИЦА БЕЗ ВОДА И ЈАДЕЊЕ – момче раскажа за полициската бруталност која владее во земјава!

Дарко Андоновски — Tue, 11 Jul 2023 16:27:40 +0000

Младо момче преку статус на Фејсбук раскажа каква полициска бруталност преживеал од интервентната полиција заедно со својата девојка. „Нејќев да се обратам на оваа тема и за оваа случка пошто не сакав да ме знаат и да знаат што и како ми се случило ама сфатив дека ако ќутам денес ќе бидам јас а утре ќе биде друг па трет и така натака. Пред некоја вечер додека се враќав од бензиска со девојче бев пресретнат и застанат од истата ИНТЕРВЕТНА ПОЛИЦИЈА што се понашаат ко мафијаши а не ко полиција што треба сите да гледаат спас во нив, мочко што татко му го вработил у истата единица почна да ме нарекува криминалец а ја одбивав дека сум истото после тоа му рече на девојчето да извади се од џебови, девојчето и јас без никаков отпор извадивме ,едниот од нив рече девојче собери си ги работите слободна си он ќе остане од кога девојчето рече не го оставам додека не го пуштите он само праша така? И ме повлече, двајцата ме држеа а едниот ме маваше со главата од кола и ме пикнаа кај нив у кола и ми рече сеа ќе видиш како се отвара глава у станица пичко,сеа ќе ти ја сошиеме устата,ми го земаа телефонот и немав право ни на еден повик,неможев да се јавам ниту на другар ниту на родител кога стигнав му рече колега носи го внатре нека скапе 8саати без вода и јадење. На девојчето после саат ипол и дозволија да ми ја донесе личната карта и да ме пуштат, ова е веќе трет ден како ја не знам поради која причина сум уапсен и тепан нит кој ме однел у станица ни кој беа 3цата од интерветна полиција што ми ја мавале главата од хауба. „Ова мора да прекине и да се понашаат како да се мафијаши и ко да имаат право на се го тепаат секое второ дете и сите ќутат.секој треба да гледа утеха у полицата а не истите да набиваат трауми и да глумат мафија коа се лигуши што се вработени преку татко им.

СТОП ЗА ПОЛИЦИСКАТА БРУТАЛНОСТ!“, стои во неговиот пост на Фејсбук.

Европскиот Парламент бара построги мерки против полициската бруталност

Тале Кристо — Wed, 21 Oct 2020 13:14:34 +0000

Европскиот Парламент на пленарна дебата побара построги правила и поголема транспарентност за случаите на полициска бруталност во Европската Унија, јави дописничката на МИА од Брисел. Дебатата се одржи во присуство на еврокомесарката за внатрешни работи, Илва Јохансон, по повод случај на полициска бруталност во Белгија, што беше обелоденет пред неколку месеци. Медиумите во Белгија открија дека во февруари 2018 белгиската полиција смртно претепала словачки граѓанин, кој бил задржан за распит на аеродромот во градот Шарлероа. Европратениците порачаа дека полициската бруталност посебно кон ранливи и малцински групи во општеството ширум ЕУ треба да биде предмет на построг надзор од страна независни надворешни тела, и дека е потребна одговорност и отчетност од страна на полицијата. Случајот со полициската бруталност во Белгија ќе се следи од блиску од страна на членовите на комисијата за граѓански слободи на Европскиот Парламент.

Осуда од Европската комисија за полициската бруталност против Ромите

Ивона Петрова — Mon, 28 Sep 2020 10:30:18 +0000

Европската Комисија е запознаена и ја осудува полициската бруталност против лицата од ромско потекло во Битола минатата недела, јави дописничката на МИА од Брисел. – Многу јасно осудуваме секаква неоправдана употреба на сила, нотираме дека властите го осудија инцидентот и дека преземаа чекори за отворање истрага за одговорните да бидат изведени пред лицето на правдата, изјави портпаролката за проширување на Европската Комисија, Ана Писонеро. Европската Комисија не ја коментира истрагата, ниту судските постапки, додека се во тек, но нагласува дека нејзината позиција во однос на полициската бруталност и прекумерната употреба на сила е „многу јасна осуда“.

Сведоштво за полициската бруталност: Претепаните Роми раскажаа низ каква голгота поминаа во Битола (ВИДЕО)

Ивана Ефремовски — Thu, 24 Sep 2020 19:22:20 +0000

Ромите кои во вторникот направиле сообраќајка по што биле претепани од страна на сообраќајната полиција во Битола, преку обраќање во живо на фејсбук сведочеа што се случило ноќта. За овој инцидент јавноста дозна денеска, откако на социјалните медиуми вирално се рашири видео снимка на која може да се види како полицијата брутално тепа едно лице на улица. Според Елвис Шаќири од граѓанската иницијатива АВАJА, во вторникот, тројцата Роми со автомобил направиле сообраќајна несреќа и удриле во бетонски ѕид. Во непосредна близина на сообраќајката имало сообраќајна полиција, која како што вели Шаќири, дошла на местото на настанот и без причина полицајците ги извадиле лицата од автомобилот и започнале брутално да ги тепаат. Во обраќањето попладнево, Ромите се идентификуваа со име и презиме и рекоа дека причината за сообраќајната несреќа била тоа што биле пијани во автомобилот, по што удриле во бетонскиот ѕид. Но, како што сведочат таткото, синот и третото лице од автомобилот, тие очекувале полицијата да им помогне по сообраќајната несреќа, а не брутално да ги тепа, пренесува Слободен печат. Воочливо е дека таткото и синот се здобиле со потешки телесни повреди, а третиот сопатник со пукната аркада на лицето. Сведочат дека биле задржани во полициска станица до 5 часот изутрина, како и дека веднаш штом пристигнале во станицата, тие биле малтретирани и омаложувани, нарекувани со навредливи зборови и тепани. -Во полицијата никој не’ не прегледа. Вода побарав, вода не добив, се шегуваа и се изживуваа со нас како да сме стока, сведочи претепаниот татко, истакнувајќи дека не добиле фискални сметки во болницата за медицинскиот преглед. На прашањето од активистите од Аваја дали знаат зошто полицијата постапила на ваков брутален начин, тие одговорија дека не постои причина која би го оправдала таквиот однос. Видеото го завршија претставниците од граѓанската организација Аваја, повикувајќи на протест со најави дека битката за правдата за инцидентот и дискриминацијата врз Ромите ќе ја водат докрај.

Сведок од пред Собранието: Резултатот од „дружбата“ со полицијата се две скршеници на коски на плешка и дланка (ФОТО)

Дарко Андоновски — Fri, 22 Jun 2018 10:33:08 +0000

Корисниците на социјалните мрежи овие денови се згрозија од фотографиите кои секојдневно ги споделуваат многумина луѓе кои беа сведоци на нападот од страна на полицијата врз демонстрантите пред Собранието на Република Македонија. Еден од нападнатите е и Александар Вучковски кој на својот Фејбук профил објави статус и фотографии од целиот наста пред Собранието. -Малку доцнам но само што излегов од 24 часовен притвор. Вчера Хунтата на сдс преку својата полиција спроведуваше шарено-демократско-прогресивни техники на дисциплинирање народ. Да не ви се колнам сега дека ниту ги удирав, ниту ги гаѓав со камења и флаши ниту плукав, ниту давав отпор при ставање лисици а сепак ми се "потпишаа". Резултат на оваа наша дружба се 2 скршеници на коски, на плешка и дланка. #дојдеживот#режимотпречеше#немаправданемамир-демек#истигомна#, стои во неговиот ФБ статус.