полициска контрола – Kurir.mk

Полицијата синоќа упадна во угостителски објекти, приведени тројца малолетници

Магдалена Андонова — Sun, 09 Oct 2022 09:01:21 +0000

Во акциска контрола во угостителски објекти на територијата на цела држава денеска во периодот 00:00 до 04:00 часот секторите за внатрешни работи и патролни тимови составени од полициски службеници од Одделот за униформирана полиција, привела четири лица од кои тројца малолетни. При контролата, како што информираат од МВР, констатирано е едно кривично дело по член 215 од Кривичниот законик каде при преглед кај П. Р. (25) од Неготино бил пронајден кокаин. Затекнати се 11 малолетни лица, а констатирани се и две кривични дела по член 204 од Кривичниот законик поради точење алкохол на малолетни лица. Притоа затекнат е странски државјани без соодветна документација за регулиран престој. (МИА)

Акциска контрола на возила кои вршат јавен превоз на патници, три неисправни во Гостивар

Дарко Андоновски — Mon, 31 Jan 2022 12:20:42 +0000

Денеска (31.01.2022) во периодот од 6 до 9 часот, полициски службеници на СВР Тетово-Одделение за внатрешни работи Гостивар спровеле акциска контрола на возила кои вршат јавен превоз на патници, пред се автобуси и комбиња. При контролата биле откриени и санкционирани 2 возила без извршен технички преглед и 1 возило со недостиг на потребна опрема. На возилата-прекршители изготвени им се соодветни поднесоци, додека 1 возило е исклучено од сообраќај. Покрај ова, во контролата санкционирани се и 5 други видови сообраќајни прекршоци за кои се изготвени поднесоци и кои ќе се соочат со законски предвидените парични глоби.

При контрола во угостителски објект 47. годишен гостиварец се заканувал на службено лице, ОЈО Гостивар покрена постапка против него

Магдалена Андонова — Thu, 23 Dec 2021 14:50:44 +0000

Основното јавно обвинителство Гостивар поведе постапка и поднесе Обвинителен предлог против 47-годишен Гостиварец кој се товари за кривично дело – Загрозување на сигурноста од член 144 став 3 во врска со став 1 од Кривичниот законик. На 2 октомври, додека се вршела акциска контрола во угостителски објект во близина на автопатот Гостивар-Тетово, обвинетиот повеќе пати се заканил на службено лице – инспектор во ОВР Гостивар кое вршело службени дејствија.

Засилена акциска контрола во Штип: Полицијата денеска казнила 60 возачи за брзо возење

Магдалена Андонова — Wed, 07 Jul 2021 14:05:15 +0000

Денеска (07.07) на подрачјето на СВР Штип спроведена е засилена акциска контрола за санкционирање на возачи кои управуваaт возило со брзина поголема од пропишаната, при што санционирани се 60 возачи. Од нив 37 возачи ја пречекориле брзината надвор од населено место и 23 во населено место. На сите прекршители изготвени им се соодветни поднесоци. Засилените акциски контроли продолжуваат и во наредните денови. Апелираме ди сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Притвор за возачот што се обиде да побегне од полициска контрола

Ивона Петрова — Mon, 26 Apr 2021 05:33:35 +0000

Судија на претходна постапка определил мерка притвор за возачот кој вво саботата се обиде да и побегне од контрола на полицијата и физички нападна полицаец. Тој е пренесен во затворот Шутка. Според СВР Тетово, судија во претходна постапка на Основниот суд Гостивар на И.Б. (49) од гостиварското село Балиндол му определил мерка притвор од 8 дена. Тој е осомничен дека сторил кривично дело „напад на службено лице при вршење работи од областа на безбедноста”. И.Б. претходно доби пријава по член 383 став 1 од Кривичниот законик, од СВР Тетово. По носењето на решението од гостиварскиот суд И. Б. е спроведен во Казнено-поправната установа Затвор “Скопје” во Скопје за издржување на притворот. Осомничениот, на 24 април околу 17 часот и 10 минути, на улица „Браќа Ѓиновски” во Гостивар, нападнал полициски службеник додека извршувал службени дејствија од областа на сообраќајот, по што И.Б.беше приведен и задржан во Полициската станица Гостивар за расчистување и документирање на случајот.

НОЌНИОТ РАДАР КОСЕШЕ НИЗ СКОПЈЕ: Откри дури 20 возачи кои возеле под дејство на алкохол, а 18 лица без возачка дозвола

Дарко Андоновски — Sun, 07 Mar 2021 10:18:15 +0000

Министерството за внатрешни работи во текот на вчерашниот ден (06.03.) продолжи со засилените акциски контроли во областа на сообраќајот.

На територијата на град Скопје изречени се вкупно 163 мерки, од кои со посебно опремен радар за снимање во ноќни услови санкционирани се 57 возачи, изречени се 20 санкции за возење под дејство на алкохол, како и 18 мерки за возење без возачка дозвола.

Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот.

МВР: 273 санкционирани возачи во Скопје

Ивона Петрова — Mon, 19 Oct 2020 07:16:51 +0000

Министерството за внатрешни работи во текот на вчерашниот ден (18.10.) продолжи со засилените акциски контроли во областа на сообраќајот. -На територијата на град Скопје во текот на вчерашниот ден изречени се вкупно 273 санкции, меѓу кои за возење без возачка дозвола 31 лица, за пречекорување на дозволената брзина на движење 50 прекршоци, 31 технички неисправни и нерегистрирани возила. Изречени се 15 мерки за неносење на сигурносен појас, 25 мерки за непрописно паркирање, 16 возила се подигнати со „пајак“, а изречени се 49 казни за неносење на заштитна маска, информираат од Министерството. Засилените сообраќајни контроли продолжуваат и во наредните денови. МВР апелира граѓаните да ги почитуваат сообраќајните правила и прописи за да се зголеми безбедноста во сообраќајот.

Засилена полициска контрола- 8 лица уапсени на наплатната станица на автопатот Тетово-Гостивар

Предраг Кукиќ — Sat, 03 Aug 2019 12:05:50 +0000

Вкупно осум лица се приведени за дрога во три полициски контроли завчера и вчера на наплатата станица на автопатот Тетово – Гостивар. Шест лица од Скопје, во две одделни контроли, се приведени вчера во период од два часа, помеѓу 20 и 22 часот, откако кај нив биле најдени наркотични средства, информираше денеска Министерството за внатрешни работи. – Вчера во 20.15 часот полициски службеници од Гостивар лишиле од слобода двајца жители на Скопје. Кај К.Н (27) и Б.Д.(23) биле пронајдени марихуана и кокаин. Два часа подоцна, околу 22 часот, на истата наплатна станица лишени од слобода биле И.М.(29), И.А.(33), Г.М.(32) и Л.Н.(32), сите од Скопје. При извршен преглед кај нив била пронајдена марихуана, соопшти МВР. Претходниот ден, на 1 август вечерта, пак, гостиварските полициски службеници привеле и нивни колега од Градец. Тој е лишен од слобода поради истите основи за сомнение, со оглед дека кај него и кај уште едно лице бил најден кокакин. – Околу 19 часот на магистралниот пат Гостивар – Кичево полицајците при извршен преглед кај лицата В.Р.(38) од село Градец, Гостиварско, и кај Ѓ.Ф.(47) од Гостивар нашле кокаин, информираат од МВР. Сите приведени лица во Полициската станица Гостивар се задржани за понатамошна постапка.

Во Велес при полициска контрола на возила кои превезуваат патници било утврдено дека девет биле неисправни

Дарко Андоновски — Thu, 21 Mar 2019 10:06:22 +0000

На 20.03.2019 полициски службеници од СВР Велес извршиле контрола на возила кои вршат јавен превоз на патници(автобуси и такси возила) на подрачјето на СВР Велес. Притоа, биле контролирани вкупно 56 возила и било констатирано дека девет биле неисправни. Во Велес, од контролиранитe 36 возила, неисправни биле пет. Во Кавадарци, од контролираните 12 возила, неисправни биле четири и во Неготино, сите осум контролирани возила биле исправни, информираат од МВР.

Во скопје изминатиот ден 56 возачи ја пречекориле брзината на движење, додека „пајакот“ подигнал 58 возила

Дарко Андоновски — Sun, 17 Mar 2019 10:00:25 +0000

Одделението за безбедност на патниот сообраќај при Секторот за внатрешни работи Скопје на 16.03.2019 година во периодот од 06.00 до 22.00 часот спроведе акциска контрола за откривање возачи кои ја пречекориле брзината на движење со моторно возило на подрачјето на Скопје. Притоа, констатирано е дека 56 возачи ја пречекориле брзината на движење со моторно возило. Откриени се и 51 останати прекршоци. Издадени се вкупно 75 мандатни платни налози и 20 прекршочни платни налози, а 12 возачи се писмено опоменати. Со специјално возило „пајак“ се подигнати 58 возила кои биле непрописно паркирани во централното градско подрачје.