полициска заштита – Kurir.mk

Словенија: Советници за Ковид-19 добиле полициска заштита поради закани

Магдалена Андонова — Sat, 05 Dec 2020 10:36:18 +0000

Словенечката криминалистичка полиција добила известување за упатени закани кон владини советници за коронавирус, поради што им била овозможена полициска заштита, соопшти полицијата. Во синоќа објавеното соопштение полицијата не прецизирала колку советници добиле полициска заштита, ниту кои мерки се преземени за нивно обезбедување. Полицијата наведува дека на советниците им биле испратени писма на домашна адреса со закани за нивниот живот и безбедност. Писмата се запленети и покрената е кривична постапка. (МИА)

36 германски политичари под полициска заштита

Ивона Петрова — Thu, 06 Feb 2020 07:54:15 +0000

Во Германија во моментов 36 политичари се наоѓаат под заштита на Сојузното биро за борба против криминалот (БКА), соопштено е во Бундестагот, пренесе Хина. „Од 36 политичари кои се наоѓаат под заштита, десет имаат постојана придружба. Кај останатите заштитата се засилува во зависност од ситуацијата“, се наведува во одговорот на Министерството за внатрешни работи на прашањето на Пратеничкиот клуб на Либерално-демократската партија на Германија (ФДП). -Од одговорот на министерствто произлегува дека иако е во опаѓање бројот на политичари на кои им е потребна заштита, зачестените напади врз политичари во последно време не даваат причина за опуштање, изјави Бенјамин Страшер, внатрешнополитички портпарол на Пратеничкиот клуб на ФДП. Меѓу политичарите кои се цел на напади на радикално десничарските сторители е и социјалдемократскиот пратеник Карамба Диабу. Канцеларијата на овој политичар од африканско потекло во Хале само годинава е нападната неколку пати и тоа со огнено оружје. Минатата година во јуни во непосредна близина на Касел беше убиен демохристијанскиот политичар Валтер Лубке заради својата поддршка за бегалците, а осомничениот за убиството е познат припадник на екстремно десничарската политичка сцена.

Судијата Оливер под 24 часовна полициска заштита

Дарко Андоновски — Tue, 17 Apr 2018 07:00:28 +0000

Британската полиција обезбеди заштита на фудбалскиот судија Мајкл Оливер по добивањето на закани преку социјалните мрежи. Пристигнатите закани се поврзани со делењето на правдата на натпреварот од четвртфиналето на Лигата на шампионите меѓу Реал Мадрид и Јувентус (1: 3). На крајот од средбата при водство со 3:0 за Јувентус, Англичанецот досуди пенал за Шпанците и му додели црвен картон на голманот Џанлуиџи Буфон. Роналдо го реализира пеналот и го одлучи патникот во полуфиналето. За Оливер, кој придонесе за елиминацијата на Јувентус од турнирот, почнаа да се појавуваат закани, а телефонскиот број на неговата сопруга беше јавно објавен, па и таа исто така добиле пораки со закани. Во соопштението, полицијата објави дека е обезбедена заштита за арбитерот, а исто така предупредила дека заканите може да бидат кривично дело.