полициски алфи – Kurir.mk

14 години од нападот на полициските Алфи кај ПМФ

Ивона Петрова — Sat, 26 Nov 2022 15:28:38 +0000

26 ноември во 2008 година е датумот кој припадниците на полициската единица „Алфи“ ќе го паметат засекогаш, но не по добро. Во вооружен напад кај ПМФ, на тој ден пред 14 години животот го загуби еден припадник на единицата, а двајца беа тешко повредени. Во април 2010 година, Реџаил Ќерими и Агим Ислами беа осудени на доживотен затвор за случајот. Во јануари годинава како последница од мозочен удар во затворот Идризово почина 52 годишниот Ќерими. Бил пронајден без свест во затворската бања.

Почина Реџаил Ќерими, осуден на доживотен затвор за нападот на Алфите кај ПМФ

Ивона Петрова — Thu, 27 Jan 2022 07:49:40 +0000

Доцна синоќа починал Реџаил Ќерими кој беше осуден на доживотна затворска казна за случајот со нападот на полициските Алфи кај ПМФ. Од МВР за Курир потврдуваат дека кај нив е пријавена смрт на затвореник од КПУ Идризово, Ќ.Р. (52) од Куманово. Алсат неофицијално објавува дека Ќерими починал како последица на мозочен удар. Бил пронајден без свест во затворската бања, а починал при транспортот во болница. На 26 ноември 2008 година, на паркингот на Математичко -природниот факултет во Скопје, во вооружен напад на полициските Алфи еден припадник загина, а двајца негови колеги со кои бил на патрола беа повредени. Во април 2010 година, Реџаил Ќерими и Агим Ислами беа осудени на доживотен затвор.

12 години од нападот на полициските Алфи кај ПМФ

Ивона Петрова — Thu, 26 Nov 2020 08:40:30 +0000

26 ноември во 2008 година е датумот кој припадниците на полициската единица „Алфи“ ќе го паметат засекогаш, но не по добро. Во вооружен напад кај ПМФ, на тој ден животот го загуби еден припадник на единицата, а двајца беа тешко повредени. И по 12 години нема целосно разрешница за овој случај. За потсетување во 2018 година, преку отворено писмо до премиерот Зоран Заев новинарката Лиридона Вејсели бараше слобода за напаѓачите за овој случај. Минатата година во октомври, судот ја укина доживотната затворска казна за еден од најозлогласените криминалци Алмир Дрпљанин. Му беа досудени 20 години за грозоморниот напад врз полициските Алфи. Откако беше осуден со правосилна судска пресуда на доживотна казна затвор, Апелациониот суд случајот го врати на повторно судење бидејќи првиот пат му се судело во отсуство. Кривичниот суд повторно пресуди доживотна казна за Дрпљанин, но Апелација и таа ја врати на повторно одлучување, за на крај казната да му биде намалена на 20 години. Дрпљанин беше во бегство на Косово до јануари 2015 година. Освен нападот кога беше убиен полицаец кај ПМФ, тој е вмешан во убиството кај Саем што се случи во 2007, кога беше ограбено возило со пари, учествуваше во грабежот на Прокредит Банка кога имаше престрелка меѓу полицијата и разбојниците. Во 2008 година беше дел од криминалната група која со автоматски пушки ограбија поштенско комбе.

Полицискиот синдикат против расформирање на „Алфа“- не биле консултирани за новата систематизација

Дарко Андоновски — Wed, 25 Dec 2019 13:49:11 +0000

Независниот полициски синдикат обвинува дека новата систематизација во МВР ќе донесе поголеми притисоци врз службениците. Со новата систематизација се зголемува бројот на раководители, а според синдикатот, објавени биле интерни огласи во само 48 часа времетраење за пријавување, а со тоа унапредување добиваат само подобните. -Сакаме да ја запознаеме јавноста дека оваа систематизација е спроведена без да Согласно одредбите од член 269 од Колективниот договор на МВР „Министерството е должно да обезбеди редовно и навремено информирање на Синдикатот и на работниците за: покрената постапка за изменување и дополонување на актите за организација и работа и систематизација на работните места во Министерството. Неинформирањето на Независниот синдикат на полицијата ја прави истата ништовна, вели портпаролот на Синдикатот, Дејан Саздовски.

Спасовски потврди: „Алфите“ се фузираат во интерветна единица

Ивона Петрова — Tue, 24 Dec 2019 11:09:28 +0000

Министерот за внатрешни работи Оливер Спасовски денес потврди дека полициските „Алфи“ согласно новата систематизација односно реорганизација, ќе влезат во новоформирана посебна интервентна единица по примерот на повеќе европски држави, чија крајна цел е да има поголема видливост и активност на луѓето на терен. – За фузијата на единиците за јавен ред и мир и на „Алфа“, се спојува во интервентна единица што ќе работи на заштита на јавниот ред и мир и безбедност на Скопје, рече Спасовски.