полициски службеник – Kurir.mk

Мароканец нападнал полицаец во Македонија

Ивана Ефремовски — Mon, 30 Oct 2023 11:58:14 +0000

Јавен обвинител од Основното јавно обвинителство Гевгелија донесе Наредба за спроведување истражна постапка против државјанин на Мароко, кој е осомничен дека сторил кривично дело – Напад врз службено лице при вршење работи на безбедноста од член 383 став 3 од Кривичниот законик.

На 28 октомври, осомничениот нападнал полициски службеник кој постапувал по наредба за вршење на патролна служба. Полицаецот, заедно со двајца словачки полициски службеници од Фронтекс, добиле известување дека на бензинска пумпа на автопатот А1 во правец Гевгелија-Скопје, непознато лице – мигрант се качил на товарно моторно возило со унгарски регистарски ознаки.

Тие отишле на бензинската пумпа каде шоферот на камионот им потврдил дека на неговото возило се качил мигрант, кој одбива да се симне. Полицајците му дале наредба да се симне од возилото, но осомничениот, движејќи се по покривот, се префрлил на предниот дел на возилото од каде скокнал и почнал да бега.

Македонскиот полициски службеник тргнал по него и го фатил, но осомничениот почнал да пружа активен отпор, му ја фатил десната рака на полицаецот и започнал да му ги витка прстите. На тој начин му задал повреда – фрактура на прст со дислокација на фрагментите. Во тој момент на помош дошле колегите и заедно го совладале осомничениот.

Бидејќи постојат околности кои го оправдуваат стравот дека осомничениот ќе се даде во бегство, дека ќе ја попречува кривичната постапка со влијание врз сведоците и дека ќе го повтори кривичното дело, надлежниот јавен обвинител до Основниот суд во Гевгелија достави предлог за определување мерка притвор.

Уапсен Мароканец кој нападнал полицаец

Ивона Петрова — Sat, 28 Oct 2023 14:14:26 +0000

На 28.10.2023 во 04.30 часот на паркинг просторот на бензинска пумпа во гевгелиско бил лишен од слобода А.А.Б.С.(22) од Мароко. -Тој бил пронајден на кров од паркирано товарно моторно возило и се обидел да го напушти местото на настанот при што физички нападнал полициски службеник кој вршел службени дејствија. За настанот е известен Јавен обвинител, а увид извршила екипа од ОВР Гевгелија, информира МВР. По целосно документирање на случајот ќе биде поднесен соодветен поднесок.

Полицаец нападнат со стаклен предмет, спречен и приведен маж

Ивана Ефремовски — Sun, 10 Sep 2023 16:54:36 +0000

ОВР Кратово поднесе кривична пријава против Р.М.(42) од село Борово, поради постоење основи на сомнение за сторено кривично дело „напад на службено лице при вршење на работи на безбедноста“. На 08.08.2023 во село Каврак, кратовско, пријавениот се обидел со стаклен предмет да нападне полициски службеник кој извршувал службени дејствија, но бил спречен и лишен од слобода.

Притвор за полицаец од Демир Капија: Осомничен за родосквернавење врз сопствениот син

Ивона Петрова — Wed, 16 Aug 2023 11:55:30 +0000

Донесено е решение за мерка притвор за полициски службеник од Демир Капија осомничен за родосквернавење врз сопствениот син, информираа денеска од Основен суд Кавадарци. - Постапувајќи по предлогот на ОЈО Кавадарци за постоење основано сомнение за сторено кривично дело родосквернавење врз сопствениот син кога бил на возраст од 17 години по чл. 194 ст. 1 од КЗ, а во согласност со чл. 165 ст. 1 т. 3 вв чл. 168 од ЗКП и чл. 162 вв чл. 69 ст. 4 од ЗКП, судијата на претходна постапка Лидија Ридова на ден 16.08.2023 донесе решение за определување мерка притвор во траење од 30 дена спрема лицето З.П. полициски службеник од Демир Капија на возраст од 50 години, соопштија од Судот.

Уапсен тинејџер: Удрил во полициско возило, повредил полицаец и избегал

Ивона Петрова — Thu, 25 May 2023 10:05:35 +0000

Полициски службеници од Единицата за интервентна полиција го лишиле од слобода Л.В.(18) од Скопје вчера на подрачјето на Аеродром. -Тој се сомничи дека во 10.55 часот на крстосница од булеварите „Партизански одреди“ и „Св.Климент Охридски“, управувајќи мотоцикл „сузуки“ со скопски регистарски ознаки, не застанал на даден знак за запирање од страна на полициски службеници и удрил во патничко возило „дачиа“, сопственост на МВР, по што го напуштил местото, информира МВР. Во незгодата со повреди се полициски службеник, по што бил пренесен во ГОБ „Св.Наум Охридски“ за укажување лекарска помош. Л.В. е приведен во полициска станица, известен е јавен обвинител и по целосно документирање на случајот против него ќе биде поднесен соодветен поднесок.

Турски државјанин со автомобил удрил во полицаец во Штип

Ивона Петрова — Mon, 08 May 2023 14:03:27 +0000

На 07.05.2023 во 18.50 часот во СВР Штип било пријавено дека на ул.„Генерал Михајло Апостолски“ во Штип, патничко моторно возило „шевролет круз“ со скопски регистарски ознаки, управувано од Н.А.(68) од Република Турција, удрил во полициски службеник кој извршувал службени дејствија, информира МВР. Во незгодата полицискиот службеник се здобил со телесни повреди констатирани во Клиничката болница Штип. Извршен бил увид од увидна екипа од СВР Штип.

Битолчанец нападнал полицаец, веднаш е уапсен

Ивана Ефремовски — Sun, 07 May 2023 20:48:42 +0000

На 06.05.2023 во 19:00 чaсот на крстосница од ул.„Климент Охридски“ и ул.„Партизанска“ во Битола, полициски службеници од СВР Битола го лишиле од слобода Б.Б.(22) од Битола затоа што физички нападнал полициски службеник кој извршувал службени дејствија. По целосно документирање на случајот против него ќе биде поднесена соодветна пријава.

Полицаец нападнат во Прилеп

Ивана Ефремовски — Sun, 11 Dec 2022 16:25:44 +0000

На 11.12.2022 во 01:30 часот во Прилеп од полициски службеници од Полициска станица Прилеп лишен од слобода е Д.Ј.(33) од Прилеп затоа што физички нападнал полициски службеник кој вршел службени дејствија. По целосно документирање на случајот ќе биде поднесен соодветен поднесок.

Пожар во угостителски објект во Скопје Север, полицаец заврши на Клинички

Ивона Петрова — Sat, 26 Nov 2022 16:06:56 +0000

На 26.11.2022 во 02.55 часот во СВР Скопје е пријавен пожар во угостителски објект лоциран во скопската населба Скопје Север, а сопственост на М.М.(35), информира МВР. Како што велат од полицијата. пожарот е изгаснат, а при интервенцијата за гаснење еден полициски службеник се здобил со повреди и вдишил чад, поради што бил пренесен во КЦ Мајка Тереза. Извршен е увид и се преземаат мерки за расчистување на случајот.

Удрил со автомобил во полицаец и побегнал

Ивона Петрова — Mon, 31 Oct 2022 13:27:16 +0000

Полицијата го уапсила И.Ј.(40) од Струмица затоа што вчера околу 02:20 часот со автомобил марка „ауди“ удрил во полициски службеник кој извршувал службени задачи и потоа побегнал од местото на настанот. Како што информираше портпаролката на СВР Струмица, Александра Трајанова, возачот на „аудито“ бил запрен од страна на полицискиот службеник на улицата „Димитар Цветинов“ и откако му се легитимирал му било наредено да се врати назад заради вршење увид од страна на полицијата. Toj не постапил по наредбата и удрил во полицаецот со автомобилот. Полицаецот не е повреден, а лицето било пронајдено и задржано во полициска станица. За настанот бил запознат Јавен обвинител од Основното јавно обвинителство Струмица и по целосно документирање на случајот против струмичанецот ќе биде поднесена соодветна пријава.