полициско возило – Kurir.mk

ФОТО: Сообраќајка пред патарината Глумово, учествувало и возило на МВР

Ивона Петрова — Thu, 15 Jun 2023 07:38:57 +0000

Сообраќајна несреќа во која учествувало и возило во сопственост на МВР се случила утринава пред натплатната рампа Глумово, дознава Курир. Според првичните информации од Министерството, пријава за несреќата добиле околу 8:40 часот, а во истата учествувале три возила меѓу кои и полициска „Шкода Јети“. Засега не е познато дали во несреќата има повредени лица. Од МВР за Курир велат дека увидот е во тек, а по негово завршување ќе можат да соопштат повеќе информации.

Двајца тетовци оштетиле полициско возило, при приведувањето им е најдена марихуана

Ивана Ефремовски — Wed, 15 Mar 2023 12:31:33 +0000

Двајца жители на Тетово на 23 и 27 години се приведени откако при преглед им била најдена марихуана, а претходно со автомобилот тие не застанале на знак на полицаец и оштетиле полициско возило. Тие се приведени на локалниот пат кон Ѓермо вчера околу 19 часот и 40 минути. -Полициски службеници на СВР Тетово ги лишиле од слобода 27-годишниот А.Ј. и 23-годишниот С.К., двајцата од Тетово, затоа што при нивен и преглед на патничко моторно возило „бмв“ со тетовски регистарски ознаки, во кое се превезувале, им била пронајдена и одземена марихуана. Претходно, тие не застанале на полициски знак за запирање и со нивното возило оштетиле полициско возило на СВР Тетово. Извршен е увид, а А.Ј. и С.К. се задржани во Полициската станица Тетово за расчистување и документирање на случајот, по што ќе им бидат изготвени соодветни поднесоци, информира Марјан Јосифоски, портпарол на СВР Тетово. Од тетовската полиција информираат дека вчера исто така поради најдена марихуана лишиле од слобода двајца малолетници од Тетово, а 42 годишник скопско Љубин, затоа што му бил пронајден и одземен кокаин.

ВИДЕО: Фудбалерите на Швајцарија се судрија со полициско возило

Ивона Петрова — Tue, 29 Nov 2022 09:10:53 +0000

Автобусот со кој се превезуваат фудбалерите на Швајцарија, пред вчерашниот натпревар со Бразил, се судрил со полициско возило. Како што се гледа на видеото, возачот на автобусот удрил во полицискиот автомобил кој бил придружба на репрезентацијата. За среќа се минало без последници, судирот не бил страшен, а фудбалерите на време пристигнаа на стадионот.

#BRASUI Schwerer Verkehrsunfall,,Schweizer Team Bus knallt gegen Polizei 👮‍♂️ Auto 💞😂💞🥳 pic.twitter.com/4ld9cvDJGf
— 🧑‍🎄Nikita Brooklyn🧑‍🎄 (@brooklyn_nikita) November 28, 2022

Полициско возило удри во малолетник, детето со повреди однесено во болница

Ивана Ефремовски — Tue, 24 May 2022 14:44:30 +0000

На 23.05.2022 во 22:50 часот во Охрид на ул.„7-ми Ноември“, во близина на бензинска пумпа патничко моторно возило “шкода“ сопственост на МВР удрило во малолетен велосипедист од Охрид. По незгодата, велосипедистот бил пренесен во Општата болница Охрид. Увид на местото на настанот извршила екипа од СВР Охрид и известен е Одделот за внатрешна контрола криминалистички истраги и професионални стандарди.

Полициско возило удрило во паркиран камион, повредени двајца припадници на МВР

Тале Кристо — Wed, 12 Jan 2022 15:49:39 +0000

На 11.01.2022 во 19.05 часот било пријавено дека во близина на терминал на Граничен премин „Деве Баир“, патничко возило „дачија дастер“, сопственост на МВР, управувано од полициски службеник, удрило во товарно возило „рено“, со турски национални ознаки, паркирано од С.А.(63) од Р.Турција. Двајца полициски службеници се здобиле со телесни повреди, констатирани во Здравствен дом Крива Паланка. Извршен е увид.

Скопјанец заврши зад решетки – со автомобил удрил во полициско возило

Тале Кристо — Mon, 03 Jan 2022 16:28:14 +0000

Денеска (03.01.2022), полициски службеници од СВР Куманово го лишиле од слобода Б.С.(30) од с.Батинци, скопско. Претходно, околу 01.00 часот на автопат Скопје - Куманово тој со возило „бмв“, со скопски регистарски ознаки, искршил рампа на наплатна станица Романовце, а на влезот во Скопје удрил во полициско возило. Тој бил приведен во полициска станица и по целосно документирање на случајот против него ќе биде поднесена соодветна пријава.

35 годишен скопјанец со мотор удрил во паркирано полициско возило на „Партизанска“ – еве ги деталите

Дарко Андоновски — Tue, 07 Sep 2021 14:19:10 +0000

На 06.09.2021 во 19.18 часот во СВР Скопје било пријавено дека на бул.„Партизански одреди“ се случила сообраќајна несреќа во која мопед со скопски регистарски ознаки, управуван од А.С.(35) од Скопје, удрил во запрено патничко моторно возило „ гранд чироки“, сопственост на МВР. Притоа, со телесни повреди се здобил А.С., констатирани во Ургентен центар на Клинички центар „Мајка Тереза“. Увид на местото извршила екипа од СВР Скопје.

Поставено неисправно полициско возило во Арачиново – здравјето на полициските службеници ставено во опасност ?

Магдалена Андонова — Tue, 23 Mar 2021 19:19:11 +0000

Ова е службеното возило на Полициското Одделение во Арачиново. Според информациите до кои дојде КУРИР во ова возило скоро пред една година двајца полициски службеници ќе ги изгубеа своите животи од загушување со СО2 па беа приморани да лежат на клиниката за токсикологија по недела дена, поради тоа што истото е технички неисправно односно асуспухот му бил делумно скинат во пределот кај граната и преку системот за загревање (парното) гасот влегувал во возилото. ИЗворите за КУРИР говорат дека откако повторно се воведе полициски час истото возило е поставено на полицискиот пункт и дека се уште не е исправно технички, не е во возна состојба и истото скоро месец дена е без гориво и не е запалено, а истото е поставено таму бидејки на пункт мора да има обоено полициско возило, а полицајците се приморани да седат во сопствени возила и да трошат бензин од сопствениот џеб за да се стоплат!

Полициско возило на МВР удри во метална ограда на тротоар

Дарко Андоновски — Tue, 04 Aug 2020 14:40:04 +0000

Денеска околу 00.30 часот на ул.„Димитар Влахов“ во Велес патничко возило „шкода јети“, сопственост на МВР, удрило во метална ограда на тротоар од улицата. Повредени нема, а увид извршила екипа од СВР Велес. За настанот е известен Одделот за внатрешна контрола, криминалистички истарги и професионални стандарди, информираат од МВР.

Опожарено полициско возило во Куманово

Ивона Петрова — Mon, 20 Jan 2020 11:20:40 +0000

Полициско возило паркирано во близина на Отсекот за управни работи на СВР Куманово е опожарено минатата ноќ во 02:10 часот, информираше денеска кумановската полиција. Полициски службеници од СВР Куманово на булеварот „Трета македонска ударна бригада“ забележале едно лице кое го предизвикало пожарот на моторно возило „Шевролет Спарк“, во сопственост на МВР, кое било паркирано пред поранешниот Дом на АРМ. – Лицето се дало во бегство, а по кусо време од страна на полициски службеници било забележано на улицата „Боро Прцан“, но не ја почитувало дадената наредба за застанување, туку вперило огнено оружје и испукало неколку проектили кон нив, по што побегнало. Нема повредени, соопшти СВР Куманово. Опожареното возило „Шевролет Спарк“ е изгаснато по интервенција на Територијалната противпожарна единица Куманово. Во координација со јавен обвинител извршен е увид на местото на настанот и увидна екипа од СВР Куманово. Се преземаат мерки за расчистување на случајот.