Пуштени во употреба едукативен полигон за велосипеди, нови игралишта за фудбал и кошарка во општина Аеродром

Ивана Ефремовски — Sat, 08 Oct 2022 08:44:41 +0000

Градоначалникот на Аеродром, Тимчо Муцунски заедно со директорот на ООУ „Ѓорѓија Пулевски” Марјан Јовановски официјално го пуштија во употреба на целосно реконструираниот спортско-рекреативен полигон во дворот на основното училиште. Настанот го отвори директорот на училиштето кој додели благодарници на донаторот, партнерите и градоначалникот, а истовремено ги претстави и новите содржини во кои можат да уживаат учениците, но и сите жители на Аеродром. На полигонот кој е еден од ретките во градот со едукативен карактер, беа поставени десетици нови сообраќајни знаци, хоризонтална сигнализација, како и хортикултурно уредување на целиот простор. На застареното фудбалско игралиште е поставен нов асфалт, додека пак игралиштето за кошарка доби нова подлога. Со ова, значајно се разубави нашиот училишен двор кој го користат стотици ученици и граѓани за спорт и рекреација, а се надеваме дека тоа ќе продолжи и во иднина, изјави директорот Јовановски. Градоначалникот Тимчо Муцунски ги поздрави сите партнери кои се вклучија во активната реализација на овој проект и ја повтори заложбата на Општина Аеродром за инвестиции во најмладите. Тој ја потенцираше реализацијата на проектот „Велодром“, што значи целосно осовременување на велосипедските патеки низ општината, со што се поттикнува спортот и здравите навики, а истовремено се дава можност за едукација на најмладите. -Осовременување на условите во образванието, спортската и рекреативната инфраструктура се меѓу врвните приоритети на општината. Жителите на Аеродром добија едно современо катче каде ќе можат да спортуваат, а најмладите можат да ги учат сообраќајните правила, со што ќе се унапреди воспитно-образовниот процес на учениците и велосипедистите, запознавањето со сообраќајните правила и прописи, а сè со цел зголемување на нивната безбедност во сообраќајот. Истовремено, овој проект е од огромно значење во исполнување на нашето ветување за „Велодром“, со што се поттикнува користење на алтернативни средства за превоз, кое понатаму придонесува до зачувување на животната средина и здрав, активен начин на живот, изјави градоначалникот Муцунски. Во рамките на проектот „Здрави навики за здрава околина“, спроведен од Центарот за истражување и креирање политики (ЦРПМ) и финансиран од Шведска преку Програмата за развој на Обединетите нации (УНДП), беа набавени и обезбедени 10 велосипеди кои беа донирани за потребите на учениците од „Ѓорѓија Пулевски“. -Поттикнати од долгогодишниот проблем со загадувањето на воздухот во Град Скопје, Центарот за истражување и креирање политики го реализираше овој проект. Проектот придонесува за идно мобилизирање на жителите на Аеродром за поголема физичка активност, а со тоа и менување на животните навики на граѓаните. Затоа, тука денеска ја заокружуваме оваа иницијатива со донација на 10 велосипеди за најголемиот велодром во Град Скопје, со што сме сигурни дека најмладите ќе изградат здрави животни навики, изјави Маја Варошлија од ЦРПМ. Реконструкцијата се изврши со донација од општествено-одговорната компанија „ТОП БИЛД ДООЕЛ експорт – импорт Скопје“. За оваа намена се издвоија повеќе од 7 милиони денари.

Македонските војници ќе можат да вежбаат на полигоните во Бугарија

Дарко Андоновски — Fri, 22 Feb 2019 08:09:07 +0000

Војниците на АРМ и цивилните служби на Министерството за одбрана на Северна Македонија ќе можат да ги користат воените полигони во Бугарија. Како што пишуваат бугарските медиуми, договорот за соработка го потпишале заменик-министерот за одбрана Анатолиј Величков и државниот секретар на Министерството за одбрана на Северна Македонија Драган Николиќ. На средбата Величков и Николиќ разговарале за прашања поврзани со воено-техничката соработка и за стратегискиот преглед на одбраната во Северна Македонија. Соговорниците ја разгледале можноста за формирање на билатерална комисија за истражување на воени споменици и гробишта на територијата на Република Северна Македонија. Од бугарското Министерство за одбрана била изразена и подготвеност за обука на воени лекари од Северна Македонија во рамките на курс во Военомедицинската академија.

Младите битолчани до градоначалничката Петровска: До каде е полигонот во Битола кој го ветувавте пред да стапите на функција?

Катерина Бојаџиева — Sat, 25 Aug 2018 18:35:14 +0000

До каде е полигонот за полагање на возачки испити, ја прашуваат младите битолчани градоначалничката на општина Битола Наташа Петровска. Овој полигон, Петровска го ветуваше пред нејзиното стапување на функција. -Сегашната градоначалничка во текот на предизборната кампања ја манипилираше јавноста токму со овој полигон. Ова е уште една лага на СДСМ и градоначалничката Петровска, велат младите битолчани.

полигон – Kurir.mk

Пуштени во употреба едукативен полигон за велосипеди, нови игралишта за фудбал и кошарка во општина Аеродром

Македонските војници ќе можат да вежбаат на полигоните во Бугарија

Младите битолчани до градоначалничката Петровска: До каде е полигонот во Битола кој го ветувавте пред да стапите на функција?