поликлиника чаир – Kurir.mk

Се породи Украинка во Чаир, министерот прв ја посети – еве го полот на бебето (ФОТО)

Дарко Андоновски — Thu, 10 Mar 2022 14:06:59 +0000

Министерот за здравство Беким Сали на својот Фејсбук профил сподели фотографии од Оксана, Украинка која на свет донесе здраво девојче токму на гинекологија Чаир. „Убави вести ни доаѓаат од гинекологија во Чаир, Оксана од Украина на свет донесе девојче, тешко 3.890 кг и долго 54 см. Оксана и новороденчето се во добра состојба, тимот од гинеколози, педијатри и медицинските сестри се грижат за нив и тие се во сигурни раце. Во разговорот со Оксана, таа ме информираше дека е задоволна од здравствената услуга и дека одлично се чувствува. И посакав добро здравје и многу среќни моменти“, напиша Беким Сали.

Нападната вработена во Поликлиника Чаир

Ивана Ефремовски — Wed, 04 Nov 2020 15:42:46 +0000

На 03.11.2020 во 20:00 часот во СВР Скопје, Ф.А.Б.(23) од Скопје пријавила дека на 02.11.2020 околу 17.30 часот во Поликлиника Чаир, каде што е вработена, била физички нападната од едно лице. Се работи на расчистување на случајот.

Вработена во Поликлиниката Чаир позитивна на коронавирус, извршена дезинфекција на објектот

Дарко Андоновски — Sat, 04 Apr 2020 13:08:49 +0000

Вработена во Поликлиниката Чаир е заболена од коронавирус и веднаш е ставена во изолација, по што е извршена дезинфекција на објектот, потврди денеска директорот на Здравствен дом Скопје, Виктор Исјановски. Посочи дека досега во Здравствен дом Скопје со коронавирус се заразени вкупно четворица вработени. – Во Здравствен дом Скопје дијагностицирани се позитивни тестови на четири лица и тоа телефонистка од Поликлиниката Чаир, медицинска сестра од Поликлиниката Ченто, возач на Итната медицинска помош, како и медицинска сестра од Домашната посета. За сите овие лица е одреден домашна изолација и земена е епидемиолошка анкета, рече д-р Исјановски. Додаде дека дезинфекција е извршена и во останатите поликлиники, како и во Итната медицинска помош, а одлучено е вработените во Домашна посета покрај останатата заштитна опрема да носат и скафандери.