поликлиника – Kurir.mk

Поднесено обвинение против две лица за узурпација на дворот на поликлиниката „Бит Пазар“

Катерина Бојаџиева — Thu, 18 May 2023 13:16:06 +0000

Основното јавно обвинителство Скопје поднесе Обвинителен предлог против две лица за кривично дело „узурпација на недвижности“ согласно член 225 став 2 во врска со став 1 од Кривичниот законик. -Двајцата соизвршители, на возраст од 45 и 42 години, заеднички со намера за владение зазеле недвижност во сопственост на државата, која со пропис е прогласена за имот во општа употреба со намера земјиштето да го упортребат за изградба на паркинг, се наведува во денешното соопштение од Обвинителството. Првообвинетиот, како што се вели во соопштението, ангажирал повеќе непознати лица да ја исечат металната ограда и да ја искршат бетонската конструкција за ограда од дворот на Јавната здравствена установа – Здравствен дом на Скопје – Поликлиника „Бит Пазар“. Притоа, биле уништени и околните грмушки и дрва. Второобвинетиот со багер почнал да го рамни теренот каде осум камиони транспортирале градежен материјал – тампон, кој го растовариле во дворот на поликлиниката. Со багерот, вториот обвинет продолжил да го растура и рамни тампонот низ паркот на болницата до доаѓањето на полицијата. Надлежниот јавен обвинител до Основниот кривичен суд Скопје доставил предлог за продолжување на определената мерка притвор за првиот обвинет, додека за второто обвинето лице на сила се определените мерки на претпазливост.

Приведени две лица за диво градење кај поликлиниката Бит Пазар

Ивона Петрова — Sat, 13 May 2023 11:39:53 +0000

Министерот за внатрешни работи Оливер Спасовски денеска соопшти дека две лица се приведени во врска со обидот за узурпација и диво градење зад поликлиниката Бит Пазар. Како што рече Спасовски, случајот бил пријавен синоќа, по 19 часот, а полицијата веднаш реагирала. По наредба на јавен обвинител одеземена е градежната машина, а кривичната пријава против двете лица веќе се процесуира и ќе оди по брза постапка. Министерот порача дека никој не смее да узурпира никакво земјиште и никаква сопственост, независно дали е приватна или државна. -Има таков настан кој по 19 часот синоќа се случил. Тоа, би рекол, е обид за узурпација и градба. Никој не може да ја нарушува сопственоста, независно дали се работи за државна или приватна. Пријавено е во полиција, излезено е на лице место, приведени се две лица од Скопје и притоа е известен јавниот обвинител по чија наредба е одеземна градежната машина. Во текот на денешниот ден се процесуира кривичната пријава и ќе оди по брза постапка. Лицата ќе бидат изведени пред судија на претходна постапка, рече Спасовски, одговорајќи на новинарски прашања по дефилето „Јас внимавам и безбедно возам“. Според него, очигледно е дека со рушење на дел од оградата, лицата сакале да узурпираат градежно земјите. -Затоа се покренува кривична постапка за две дела: узурпација и нелегална градба. Полицијата изреагира веднаш и одземена е градежната машина. Ова е силна порака од државата дека никој не смее да узурпира никакво земјиште и никаква сопственост. Ирелевантно кој е, кој сака нека биде, тоа не може да го прави и ќе сноси одговорност, потенцира Спасовски.

Канал5: Некој нелегално ноќе си гради зад поликлиниката Бит Пазар, никој не знае кој (ФОТО)

Тале Кристо — Fri, 12 May 2023 20:59:51 +0000

Непознат сторител со помош на тешка механизација го разорал просторот зад поликлиниката Бит Пазар, јавува Канал5 телевизија. Како што информираат од Канал 5 стапиле во контакт со директорот на Здравствен дом Скопје, Виктор Исјановски , но и тој не знае кој гради , прекопува и со чија дозвола. Исјановски пријавил во полиција , но од таму нема реакција. „Некој сакал да гради против правно без дозвола од општина и од поликлиниката при што оштетил дел од оградата, излезени на лице место полициски службеници од ЕВР Центар и Бит Пазар и известен е дежурен ЈО.“ стои во пријавата на МВР, без да се наведе за кого станува збор и како е можно никој да не забележал дека се вршат градежни работи во двор на фреквентна здравствена установа. Очевидците велат дека оградата била урната попладнево, кога сите вработени си заминале дома.

ДРАМА ВО ОВАА СКОПСКА ПОЛИКЛИНИКА: Сакал да го истепа дежурниот лекар, па започнал да крши прозорци низ ходниците

Дарко Андоновски — Sun, 08 Jan 2023 16:03:55 +0000

На 08.01.2023 во 00.45 часот на подрачјето на Драчево од полициски службеници бил лишен од слобода З.П.(48) од Скопје поради тоа што околу 00.20 часот во Поликлиниката Драчево агресивно се однесувал кон лекар и се обидел физички да го нападне, по што скршил прозорско стакло во холот. Тој е приведен во полициска станица, при што во службен разговор во целост го признал извршеното кривично дело. Во координација со Јавен обвинител, по целосно документирање на случајот, против него ќе биде поднесен соодветен поднесок.

Пациент нападнал вработена во Поликлиниката во Шуто Оризари

Дарко Андоновски — Mon, 13 Jun 2022 14:59:26 +0000

На 12.06.2022 во 13:40 часот во СВР Скопје било пријавено дека во Поликлиниката Шуто Оризари, по претходно недоразбирање, С.Л.(60) од Скопје, вработена во установата, била физички нападната од едно лице пациент. Се работи на расчистување на случајот.

Доктор Беќаровски: Со толку доктори во советничките листи, ќе може да се направи мини општинска поликлиника

Ивана Ефремовски — Wed, 15 Sep 2021 07:38:04 +0000

Професорот и доктор на Клиниката за токсикологија, Нико Беќаровски со најновиот пост на неговиот Фејсбук профил даде предлог до сите негови колеги доктори кои се на советничките листи. „Со толку многу мои колеги доктори во сите советнички листи, во секој општински совет ќе може да направите МИНИ ОПШТИНСКА ПОЛИКЛИНИКА. Барем воведете и ден кога во општинските згради ќе има бесплатен консултативен преглед за граѓаните од Општината. Да имаат некаков бенефит и тие“, напиша д-р Беќаровски.

Мартиноски: Бутел е единствена општина во Скопје што нема поликлиника, но затоа стана дувло на криминал

Ивана Ефремовски — Sun, 23 May 2021 15:43:39 +0000

Изминуваат речиси четири години од мандат на градоначалникот Велимир Смилевски кој е одбележан само со неславни рекордни и скандали. Во изминатиот период општина Бутел предводена од Велимир Смилевски рушеше рекордно но за жал неславни. Станавме општина рекордер која троши најмногу буџетски пари на привремени вработување и вработување на партиска војска на штета на граѓаните, коментира Тони Мартиноски од ВМРО-ДПМНЕ. Во продолжение следува коментарот на денот испратен од ВМРО-ДПМНЕ: Општина Бутел четири години го живее најмрачниот период. Четири години на стагнација. Четири години на уназадување и погазување на достоинството на бутелчани. Нема ниту еден реализиран проект од ветени проекти со кој Смилевски предизборно ги лажеше и манипулираше бутелчани. Ја нема ветената поликлиника која беше една од најголемите лаги на Велимир кој континуирано низ целиот мандат ја ветува но никако да ја реализира. За жал ние сме единствена општина која во Град Скопје која нема своја поликлиника. Ја нема ниту ветената гасификација со која требаше да се обезбеди поевтино греење и да се намали загадувањето. Бутелчани не ги добија ниту ветените градинки, ниту основните училишта. Го нема ниту ветениот водовод за Љубанци и Љуботен. Населени места кои во 21 век се соочуваат со недостаток на вода. Нема ниту нови спортски игралишта, паркови, зеленило. Но затоа во општина Бутел има криминал и корупција од невидени размери. Секојдневно сме сведоци на скандали кои излегуваат во медиумите за владеењето на урбаната мафија и незаконското и диво градење. Од зелена општина со паркови и зеленило нашата општина е целата бетонизирана. Денес општина Бутел е дувлото на криминалот и пресметките на мафијашките структури блиски до градоначалникот Смилевски и владејачката СДСМ. Владеењето на локалните шерифи стана синоним за СДСМ Бутел. Економијата во општината е уништена. Во индустриските зони не пристигна ниту една нова инвестиција а општинскиот буџет собира се помалку и помалку средства. Од општина со најмала задолженост прераснавме во општина должник. Се на се во општина Бутел владее тотален хаос и безредие и на ова мора да му се стави крај! Општина Бутел ова не го заслужува. Општина Бутел не заслужува корумпирана, криминална и неодговорна власт! Следува период на промени, а одговорност ќе има за сите криминали! Општина Бутел мора да биде едно подобро место за живеење со многу можности за младите и стабилност на постарите!

ФОТО КУРИР: Амбулантата во Бутел пред распаѓање, ветената поликлиника ја менуваат со контејнери

Ристе Здравков — Sun, 23 May 2021 07:19:33 +0000

Иако беше ветена поликлиника, општина Бутел на местото на старата амбуланта ќе добие контејнери, дознава КУРИР. Четврта година откако СДСМ е на власт, четврта година жителите на општина Бутел чекаат на местото на старата амбуланта да никне голема поликлиника, налик на таа во општина Чаир. Но, како што дознаваме тоа нема да се случи. Бутел нема да добие поликлиника, а на местото на сегашната амбиланта ќе се донесат контејнери кои ќе бидат замена за ветената поликлиника. Планот е ова да започне на 1 јули оваа година, неколку месеци пред локалните избори, каде по се изгледа Велимир Смилевски ќе ја бара довербата за уште еден градоначалнички мандат. Но тоа не е најголемиот проблем за граѓаните на Бутел, екипа на Курир влезе во амбулантата и успеа да направи неколку фотографии од внатре. Внатрешниот дел на амбулантата е вистински ХОРОР, распаднати ѕидови, тоалети какви што нема во најмизерните афрички земји, ходниците служат како магацини, а шалтери речиси и да нема. Таму затекнавме и мали деца кои со своите родители дошле на преглед, ситуацијата која ја затекнавме беше вистински хорор, а вработените беа седнати во една просторија бидејќи останатите се приказна за себе.

КУРИР ДОЗНАВА: Наместо поликлиника Бутел ќе добие контејнери

Ристе Здравков — Sat, 22 May 2021 09:20:49 +0000

Во поликлиниката „Јане Сандански“ во Аеродром утре започнува вакцинацијата со „Спутник V“

Тале Кристо — Tue, 09 Mar 2021 12:06:01 +0000

Во поликлиниката Букурешт утре почнува ревакцинацијата со вакцината „Фајзер“. Во поликлиниката „Јане Сандански“ ќе се одвива имунизација со вакцината „Спутник V“, информираат за МИА од Министерството за здравство. Вакциналните пунктови и во двете поликлиники ќе работат во две смени, од 8 часот наутро до 20 часот навечер, од понеделник заклучно со сабота. -Поради проширувањето на ковид капацитети и актуелната состојба, вакцинацијата продолжува со здравствените работници коишто се под висок ризик за добивање ковид инфекција, од сите институции во државата, соопшти Министерството за здарвство.