политички азил – Kurir.mk

Мексико нуди политички азил за Асанж

Ивона Петрова — Tue, 05 Jan 2021 08:19:28 +0000

Мексиканската влада соопшти дека е подготвена да понуди политички азил на основачот на Викиликс, Џулијан Асанж. Британски судија вчера ја блокираше екстрадицијата на Асанж во САД. – Ќе го замолам министерот за надворешни работи да организира британската влада да го ослободи г. Асанж и Мексико да му понуди политички азил, изјави претседателот на Мексико, Мануел Лопез Обрадор. Шефот на државата ја поздрави одлуката на британскиот суд и ја опиша како „триумф на правдата“. – Асанж е новинар и заслужува шанса, нагласи Обрадор. Мексиканскиот лидер вети државата да не се меша во политичките работи на други земји. Во минатото, Мексико им обезбеди политички азил на многу луѓе, вклучувајќи ги Ево Моралес, Августо Сесар Сандино и Леон Троцки.

Орбан со прва изјава по барањето за политички азил на Груевски

Ивона Петрова — Thu, 15 Nov 2018 13:20:23 +0000

Унгарскиот премиер, Виктор Орбан денес гo упати новинарoт од унгарската телевизија „24“ одговори да побара од правните експерти околу прашањето за политичкиот азил на поранешниот премиер на Македонија, Никола Груевски. -Тоа е правно прашање, одговорот побарајте го кај адвокатите“, одговори Орбан запрашан да ги објасни основите на Груевски за престојот во Унгарија, односно зошто не е во транзитната зона за време на неговото барање за азил.

Груевски поднел барање за азил во Унгарија од трета земја

Ивона Петрова — Thu, 15 Nov 2018 10:50:54 +0000

Поранешниот македонски премиер Никола Груевски се изјаснил дека сака да побара политички азил во унгарско претставништво надвор од Македонија, и Будимпешта нема никаква врска со неговото бегство од матичната држава, изјави денеска Гергеј Гујаш, шеф на Кабинетот на претседателот на унгарската Влада, Виктор Орбан. Тој не сакаше да открие во која земја Груевски го поднел барањето и како стигнал до Службата за имиграција и азил во Будимпешта каде што ги поднел документите и бил сослушан од службениците. Гујаш истакна и дека Унгарија се уште не добила официјално барање од Македонија за екстрадицијата на Груевски, но нагласи дека ако такво барање пристигне, тогаш Будимпешта ќе постапи согласно законите. Од македонското Министерство за правда вчера соопштија дека се подготвува потребната документација за екстрадицијата, откако кај нив стигнало известување од Министерството за внатрешни работи дека Груевски се наоѓа во Унгарија. За екстрадиција на Груевски потребни се документи од Судот односно правосилна пресуда, извадок од КЗ за описот на делото и застареноста на кривичното гонење односно за извршувањето и барање од Судот до надлежниот орган во државата каде што треба да се постапи за екстрадиција. МИА

Што предвидува унгарскиот закон за политички азил?

Катерина Бојаџиева — Tue, 13 Nov 2018 17:25:11 +0000

Шефот на унгарската дипломатија Петер Сијарто попладнево за унгарските медиумите ниту ја потврди, ниту ја демантира информацијата за азилот на Никола Груевски. Унгарските медиуми пак, веќе објавија што предвидува законот за политички азил во земјата. Анализираат и дека Груевски не би можел да се стекне со овој статус до крајот на годинава. -Лицето кое бара азил мора да аплицира до Управата за имиграција и азил, веднаш штом се најде на територијата на земјата. Овој орган има законски рок од 60 дена да го прифати или одбие барањето, до кога треба да ги слушне причините зошто апликантот бара политички азил. Унгарскиот закон предвидува и забрзана постапка, во која може да се одлучи за 15 дена.

Груевски на Фејсбук: Примив безброј закани по мојот живот, во Будимпешта сум и побарав политички азил

Ивона Петрова — Tue, 13 Nov 2018 12:30:55 +0000

Поранешниот премиер Никола Груевски и почесен претседател на ВМРО-ДПМНЕ, Никола Груевски се огласи на социјалните мрежи по распишаната потерница за него. -Во последните неколку денови примив безброј закани по мојот живот. Јас сум во Будимпешта сега, и побарав политички азил од Унгарските власти. Секогаш ќе останам верен на каузата на Македонија. Никогаш нема да отстапам, напиша Груевски на Фејсбук.