полнач – Kurir.mk

Го оставате полначот во штекерот откако ќе го наполните мобилниот телефон? Еве зошто не е добро

Дарко Андоновски — Mon, 04 Jul 2022 12:58:41 +0000

Со овие неколку трикови можете да ја зачувате батеријата на вашиот мобилен телефон. Мобилните телефони станаа потреба, не можеме да замислиме ниту еден ден без нив. Употребата на мобилни телефони стана наше секојдневие, но при користење се зголемува бројот на пречки и оштетувања на мобилниот телефон. Неопходно е правилно одржување за подолг работен век на мобилниот телефон. Една од најважните работи е да знаете како правилно да ја наполните, но и какви грешки да избегнувате, пренесува Вечерњи лист. Ова се најчестите грешки кои луѓето ги прават со мобилните телефони и со тоа им го скратуваат животот: Оставање на полначот во штекерот Полначот оставен во штекерот не само што доведува до повисоки сметки за струја, туку е и многу опасен. Трансформаторот ослободува топлина и акумулацијата на топлина може да доведе до пожар или краток спој во трансформаторот што може да предизвика пожар. Празнење на батеријата до крај и полнење до 100 проценти Батериите на мобилните телефони се направени од литиум и работат во циклуси на полнење. Ако ја оставите батеријата бавно да се троши до крај, полека го уништувате вашиот уред. Исто така, не треба да се полни до 100 проценти, ниту пак да го оставате телефонот на полнач подолго од тоа. Полнењето до крај всушност го скратува животниот век поради одреден број циклуси на полнење. Дополнително, оставањето на мобилниот телефон на полначот преку ноќ доведува до повисока сметка за струја, нарушувајќи го циклусот на полнење и прегревање на уредот. Користење на мобилен телефон додека се полни Празнењето на батеријата додека се полни, става голем стрес врз батеријата. Ако треба да направите нешто на вашиот мобилен телефон, отстранете го од полначот и кога ќе завршите, вратете го на полначот. Како заклучок: Главното правило е целосно да го полните мобилниот телефон еднаш месечно, а батеријата да се полни помеѓу 20 и 80 проценти на дневна основа.

Телефонот на полнач преку цела ноќ: Добро или лошо за вашата батерија?

Ристе Здравков — Sun, 26 Jul 2020 15:27:27 +0000

Ваквото полнење на телефонот имало смисла кога на батериите им требало многу време да се наполнат, но во ерата на брзото и безжично полнење, тоа баш и не мора да биде наш прв избор. Литиум-јонската батерија која денес се наоѓа во мобилните телефони се полни побрзо, а трае подолго од порано. Уште една работа по која се разликуваат во однос на батериите кои порано се наоѓаа во телефоните, е тоа што “не сакаат” да се испразнат до крај и потоа повторно да се полнат до 100 проценти. Консензусот на произведувачите на паметни телефони е дека батеријата најдолго ќе ви трае ако постојано се наоѓа меѓу 40 и 80 проценти. И тука постои исклучок – се смета дека е добро батеријата еднаш месечно да се испразни целосно, и потоа да се наполни до 100 проценти. Што се однесува до оптималната температура на батеријата, најдобро е да биде некаде меѓу 30 и 40 степени Целзиусови, а се под или над тоа треба да ви сугерира дека нешто не е во ред. Исто така, корисниците се советуваат да користат само полнач добиен со телефонот, бидејќи некои поевтини полначи може да го скратат животот на вашиот мобилен.

Го полните ли и вие мобилниот телефон во текот на ноќта- oткако ќе дознаете колкава штета му направи на овој сопственик ќе се запрашате

Дарко Андоновски — Thu, 01 Aug 2019 07:48:41 +0000

Прегревањето на батерија која цела ноќ била на полнач предизвикала пожар во еден стан во центарот на Задар. Пожарникарската екипа во Задар примиле дојава за пожар на полуостровот во стан на третиот кат од една зграда, објавуваат хрватските медиуми. На местото на случувањето веднаш пристигнале пожарникарите и полицијата, а тие утврдиле дека пожарот избил во стан на 54 годишен сопственик. Надлежните после истрагата утврдиле дека пожарот избил поради загревање на батеријата на телефонот кој бил приклучен на полнач во дневната соба, а потоа пожарот се проширил низ целата соба. Материјалната штета допрва ќе се утврдува, а надлежните упатуваат апел мобилните телефони да не се полнат навечер додека сопствениците спијат.

Научете нешто на нејзината трагедија: Млада девојка почина од струен удар откако полначот и паднал во када

Ивана Ефремовски — Tue, 11 Dec 2018 16:42:12 +0000

Русинката Ирина Рубникова починала од струен удар додека се капела, пишува британски „Сан“. Ирина настрадала откако нејзиниот полнач за iPhone паднал во водата. 15-годишното девојче било пронајдено мртво во саботата во нејзиниот дом во Братск, Русија. Нејзиното семејство и пријатели со голема болка ја примија веста за прераната смрт. Ирина била шампион во борење во панкратион, античка грчка боречка вештина, која подразбира борење и боксување без никакви правила. Таа била дел од националниот руски боречки тим. „Ирина сонуваше да стане светски шампион. Таа беше прекрасна личност. Најдобрата и најсакана од сите“, изјавиле нејзините пријатели. „Отсекогаш сонуваше да успее во спортот. Сакавме да заминеме заедно во друг град и да учиме таму. Сите ја сакаа. Ирина беше мила и убава“, велат нејзините пријатели Нејзината сестра Татјана (25) за весникот „Комсомолскаја правда“ изјавила дека таа била прекрасна девојка која имала многу пријатели. „Таа повеќе не е со нас. Нашите срца се скршени. Сега во домот е толку е тивко и празно без неа“, изјавила Татјана. Со соопштение излегле и од Спортската федерација на Русија, од каде испратиле сочувство за прерано изгубениот живот. „Трагична несреќа ѝ се случи на нашиот шампион, пријател и студент Ирина Рубникова. Нека почива во мир“, соопштиле од Спортската федерација на Русија. Руските безбедносни лица претходно предупредиле за опасноста од користењето на мобилните телефони и полначите во бањите. Во февруари уште една руска девојка по име Ксенија П. настрада од полнач за смартфон, кој паднал во водата додека таа се капела.