полнети – Kurir.mk

КРОФНИ ПОЛНЕТИ СО ОРЕВИ: Пециво меко како душа (РЕЦЕПТ)

Ристе Здравков — Mon, 13 Mar 2023 08:53:28 +0000

Ако сакате крофни или мекици, ова тесто е нешто помеѓу овие совршени пецива. Тестото е меко како душа, па дури и полнето со ореви, тоа е едно од најдобрите слатки теста. Состојки: 250 мл вода 10 гр квасец 1 лажичка шеќер 400-450 гр брашно 2 лажици масло 100 гр мелени ореви шеќер по желба 50 гр суво грозје Подготовка:

ПОЛНЕТИ ПИПЕРКИ СО ПИЛЕШКО И ПЕЧУРКИ! Вкусна вечера за целото семејство (ВИДЕО)

Ристе Здравков — Mon, 13 Feb 2023 12:25:45 +0000

Доколку немате идеја што да подготвите за вашите најблиски, можете да направите полнети пиперки со пилешко и ќе имате вкусен оброк. Состојки: 3 големи пиперки 250-300 гр печурки 300 гр пилешко филе 1 лажичка зачин за пилешко 1 чешне лук 200 гр тврдо сирење 200 гр јогурт магдонос Подготовка: Исечете ги пиперките на половина по должина, па исчистете ги. Печурките и белото месо исечкајте ги на коцки. Ставете го месото во сад, зачинете со сол и бибер, посипете со зачинот за пилешко и прелијте со маслото. Измешајте, па додадете го сечканиот лук. Посолете ја и попбиберете секоја половина пиперка, па премачкајте ја со масло. Додадете малку печурки, па изрендано тврдо сирење, премачкајте со јогурт, а потоа додадете го белото месо. Повторно премачкајте со јогурт и посипете со сирење. Наредете ги пиперките во тепсија и печете ги на 180 степени околу 35-40 минути. Готовите пиперки посипете ги со сечкан магдонос.

ПЕЧУРКИ ПОЛНЕНИ СО ЗЕЛЕНЧУК! Вкусна вечера готова за само 20 минути (РЕЦЕПТ)

Ристе Здравков — Mon, 22 Aug 2022 14:16:21 +0000

Доколку сте расположени за лесен летен оброк, ви препорачуваме полнети печурки со зеленчук СОСТОЈКИ: 600 гр поголеми печурки главица кромид морков, тиквички црвена и жолта пиперка два домати маслиново масло половина чаша пармезан сирење половина шолја рендана гауда сол, бибер, зачини ПОДГОТОВКА: Печурките измијте ги, исушете ги, извадете ги дршките, па ситно исечкајте ги. Морковите, тиквичките, пиперките и доматите исечкајте ги на ситни коцки. Во тава на малку масло на кратко пропржете ситно сечканиот кромид и стебленцата од печурките, па додадете го преостанатиот зеленчук. Динстајте десет минути, додека зеленчукот не омекне, а вишокот течност не испари. Потоа додадете сол, бибер и пармезан, па тргнете го од оган. Наполнете ги печурките со подготвената смеса, ставете ги на плех обложен со хартија за печење, посипете со рендана гауда и печете во рерна на 200 степени околу 15-20 минути.

Идеја за ручек: Посни полнети пиперки, повкусни од оние со месо (РЕЦЕПТ)

Ристе Здравков — Fri, 19 Aug 2022 15:04:48 +0000

Во деновите на пост не морате да се откажете од омиленото јадење – заменете го месото со зеленчук и ќе биде повкусно! СОСТОЈКИ: 10 пиперки 200 гр ориз 200 гр грашок 200 гр моркови 1 главица лук 1 главица кромид 3 компири 2 дл масло 2 лажици брашно магдонос сол, бибер НАЧИН НА ПОДГОТОВКА: Грашакот и оризот згответе ги одвоено, а пиперките исчистете ги од семки. Во посебен сад на масло пропржете кромид, лук и моркови (претходно сè сомелете), па додајте зготвен ориз и грашок. Измешајте и зачинете по вкус, а потоа со подготвената смеса полнете ги пиперките. Секоја затворете ја со парче компир, наредете ги пиперките во во сад и прелијте ги со бел сос. Сосот се подготвува така што на масло ќе пропржите брашно, ќе додадете вода и ситно сечкан лук и зачини по вкус. Пиперките запечете ги во рерна околу 45 минути на температура од 200 степени.

Полнети тиквички со говедско месо и кускус

Ристе Здравков — Wed, 17 Aug 2022 13:35:53 +0000

Интересно летно јадење со кускус. Состојки: 200 мелено говедско месо 4 тиквички кус куса 1 црвена пиперка 1 лук маслиново масло лук во прав магдонос сол и црн пипер сирење по желба Подготовка 1. Зеленчукот исечкајте го На малку маслиново масло пропржете го кромидот и лукот, додадете пиперка и продолжете да крчкате на тивок оган со постојано мешање. Додадете го меленото говедско месо и измешајте. Оставете да се готви на тивок оган. 2. Излупете ја кората Излупете го и исцедете го сокот. Тоа што сте го ископале, исечкајте го на ситни парчиња и додајте го во смесата што ја крчкате. Измешајте сè, покријте со малку вода и продолжете да готвите на тивок оган со повремено мешање. 3. Подгответе кускус Кускусот прелијте го во сад со топла вода, оставете го да отстои во водата 5 минути, добро процедете го и додадете го во месото што го динстате. Кога месото ќе се свари, додадете ги зачините (по вкус), измешајте сè заедно. 4. Печете Издлабените тиквички наредете ги во огноотпорен сад, посипете ги со малку масло и ставете ги во рерна на 180С околу 15 минути. Потоа извадете ги тиквичките од рерна, наполнете ја секоја половина со одредена количина динстано месо, одозгора посипете со рендано сирење и печете ги 10 до 15 минути. Извадете ги тиквичките од рерна, оставете ги малку да се изладат и послужете!

Запечени ПОЛНЕТИ ПИПЕРКИ: Совршен ручек на ПОЛЕСЕН и поинаков начин, идеален за оние кои немаат време да готват

Ристе Здравков — Mon, 04 Jul 2022 11:34:56 +0000

Многумина тврдат дека се подобро дури и од стандардните полнети пиперки Кога доаѓаат летните денови, полнетите пиперки се број еден на трпезата. Се подготвуваат на различни начини, а повеќето ги полнат со месо. Овој рецепт е совршен за сите оние кои не се толку искусни во кујната но и за оние кои немаат толку време. Состојки: Десет пиперки 400 гр мелено месо 50 гр ориз еден домат еден морков 500 мл сок од домати еден кромид сол, бибер Подготовка: Кромидот ситно се сечка, морковот се ренда, се соединуваат со меленото месо и оризот, па се додаваат зачините. Сè убаво се меша, а најдобро е смесата да ја измешате со раце за да се соединат добро сите состојки. Пиперките исчистете ги и исечете им ги капачињата, па наполнете ги со подготвената смеса од месо. Направете капаци од доматите и затворете ги полнетите пиперки. Во садот за печење сипете масло и сок од домати, наредете ги пиперките, а потоа додајте вода колку што е потребно за да ги натопите пиперките. Садот се покрива со фолија и се става во рерна загреана на 200 степени да се зготват, односно испечат. По 45 минути извадете ја фолијата и оставете ги пиперките да се печат уште половина час. Доколку е потребно, намалете ја температурата на рерната.

Сочно, брзо и превкусно: Тиквички полнети со месо и ТОПЕНА МОЦАРЕЛА се совршениот ЛЕТЕН РУЧЕК

Ристе Здравков — Tue, 07 Jun 2022 07:05:31 +0000

Тиквичките полнети со бело месо се идеално решение за овие топли денови кога не сакате да поминувате многу време во кујната, а ви треба убав ручек. Не е класичен фил со бело месо, туку специјална смеса со два вида сирење, па ќе имате нов омилен специјалитет за семејството. Состојки: 3 тиквички 300 гр пилешко филе 20 мл масло 2 јајца 100 гр кисела павлака 50 гр тврдо сирење 50 гр моцарела 70 гр колбас Подготовка: Тиквичките исечкајте ги по должина и издлабете ги. Белото месо исечкајте го на ситни парчиња и зачинете, додадете масло и сето тоа измешајте. Изматете ги јајцата и павлаката, додадете зачини и измешајте ги со месото. Во смесата додајте рендано сирење и издлабениот дел од тиквичките и повторно убаво измешајте. Наредените тиквички во тавата наполнете ги со смесата и посипете ги со рендана моцарела, а на површината наредете ги колбасите, по желба можете да ги исечете на прстени. Се пече на 180 степени околу половина час.

6 состојки и 1 трик даваат совршено јадење: Полнети печурки кои толку ќе ги засакате што секоја недела ќе ги готвите!

Ристе Здравков — Mon, 14 Feb 2022 14:20:36 +0000

Состојки: 2 лажици кисела павлака 10 гр сирење лажичка сол лажичка бибер 150 гр шампињони 2 чешниња лук Подготовка: Кога ќе ги отпакувате шампињоните, извадете ја внатрешноста за да се направи простор за филот. Делот што го извадивте ситно исечкајте го и во еден сад измешајте го прво со павлаката, а потоа посолете, ставете бибер, лук и сирење. Потоа во печурките ставете го филот кој ќе го наредите во тавче. Кога ќе го потрошите филот, ставете ги печурките на 180 степени и печете 20-30 минути.

Толку вкусно, а толку убаво: Полнети печени патлиџани кои ќе ве одушеват со вкусот, а и изгледот

Ристе Здравков — Mon, 25 Oct 2021 10:00:09 +0000

Вкусно и визуелно многу привлечно јадење – полнетите печени домати се вистинска рапсодија на вкус, боја и арома, а сите ќе уживаат во оваа комбинација. Кускусот е храна која се добива од здробена тврда пченица и е многу популарна храна во кујните на арапските земји. Со него често се подготвуваат салати, и тоа е одличен додаток на чорби или како прилог. Во овој рецепт ќе служи како главна состојка, заедно со фета сирењето, за полнење на вкусни печени домати. Потребни состојки: 8 поголеми домати 3 млади главици кромид, со зелен дел 250 гр кускус 100 гр фета сирење 1 лажичка куркума 1 лажица семки од сончоглед 1 лажичка црн сусам 4 лажици екстра девствено маслиново масло сол пиперка Подготовка: Загрејте ја рерната на 190 степени. Со доматите исечете ја ’шапката’ на горниот дел на патлиџанот кај дршката, приближно 2/3 од висината. Извадете ја пулпата со лажица, внимавајќи да не ги оштетите ѕидовите. Наредете ги наопаку во плех и печете ги на 190 степени околу 20 минути. Младиот лук излупете го и исечете го на парчиња. Распарчите фета сирење. Во тенџере сварете 250 милилитри вода. Зовриената вода тргнете ја од оган, додадете ги кускусот и куркумата, промешајте, па оставете да отстои 5 минути да се излади. Смесата од кускус и куркума се истура во сад за салата, се додава издробеното фета сирење, прстените кромид, црн сусам, семките од сончоглед и маслото, па сето убаво се меша. Извадете ги доматите од рерна, зачинете ја внатрешноста и наполнете ги со смесата од садот за салата. Полнетите домати покријте ги со „шеширот“ односно горниот дел. Пријатно јадење!