полошки регион – Kurir.mk

Општина Брвеница на прво место за активна транспарентност во Полошкиот регион

Тале Кристо — Wed, 12 Jul 2023 13:58:25 +0000

Општина Брвеница е рангираната на прво место за активна транспарентност во Полошкиот регион во истражувањето што секоја година го прави Центарот за граѓански комуникации околу тоа колку институциите самите ги објавуваат информациите од јавен карактер без притоа некој да има доставено до нив барање за пристап до нив. Во рангирањето се вклучени 98 институции, односно Владата и сите министерства и општини. Општина Брвеница има резултат од 92,8 % за активна транспарентност, а според Центарот годинава добиле нови 10 проценти поени. -И оваа година напреднавме во делот на јавното информирање а нашата цел е секоја информација без исклучок да стигне до секој граѓанин навремено и точна, изјави градоначалникот на Општина Брвеница, Јовица Илиевски. На табелата за Полошки регион Општина Тетово со 80% е на второ место, додека Теарце со 79,7% на трета позиција. Според Центарот за граѓански комуникации просечната активна транспарентност на министерствата, на Владата и на општините за 2023 година изнесува 76 % (од максимално можни 100 %) и во однос на лани е подобрена само за 3 процентни поени (од 73 % на 76 %).

ЗА САМО 5 ЧАСА: Во Полошкиот регион казнати 246 возачи за пребрзо возење

Магдалена Андонова — Sun, 13 Mar 2022 18:39:52 +0000

Полициски службеници на СВР Тетово денеска (13 март) од 10 до 15 часот спровеле сообраќајно-контролни активности, во рамките на кои биле откриени и санкционирани вкупно 161 пречекорување на максимално дозволената брзина надвор од населено место (ТЕ-94 и ГВ-67), од кои 6 пречекорувања (ТЕ-4 и ГВ-2) биле за повеќе од 70 километри на час.Покрај ова, санкционирани се и 85 возачи (ТЕ-68 и ГВ-17) кои ја пречекориле брзината во населено место. Во контролата, со законски предвидените мерки, односно поднесоци биле санкционирани и 11 други видови сообраќајни прекршоци (ТЕ-6 и ГВ-5).СВР Тетово уште еднаш апелира до возачите да ја прилагодат брзината според условите на патот и да не ја доведуваат во прашање сопствената и безбедноста на другите учесници во сообраќајот, со што најнепосредно ќе придонесат за посигурни патишта на тетовско-гостиварското подрачје и пошироко.

Контроли на мотоциклистите во полошко, откриени 129 прекршоци

Даниел Василев — Mon, 30 Apr 2018 10:04:04 +0000

Во последната акциска контрола на моторциклисти, учесници во сообраќајот низ полошкиот регион, откриени се 129 прекршоци. Во тетовските контролни активности бил откриен 71 прекршок, додека вкупниот број на прекршоците во Гостивар изнесувал 58. Најмногу некористење заштитна кацига, управување без возачка дозвола и истечена регистрација. Од СВР Тетово информираат дека сите прекршоци заокружени се со соодветни прекршочни и мандатни платни налози и со глоби, кои зависно од видот на прекршокот, се движат од 50 до 500 евра. Покрај ова, поради царински прекршок, одземени се и два моторицикли, по еден во Тетово и Гостивар. - Најголемиот број од прекршителите, исто така, ќе бидат повикани на сообраќајна поука и пред сé оние кои управувале без возачка дозвола и без потребната заштитна опрема, особено кацига, изјави Марјан Јосифоски портпарол на СВР Тетово. Јосифоски најавува, вакви или слични превентивно-контролни активности и во наредните месеци, при што посебен акцент ќе им биде ставен на најчестите прекршоци управување без дозвола и заштитна кацига. Тој потсетува дека месецов на поширокото полошко подрачје се случија неколку сообраќајни несреќи со мошне сериозни последици, во кои непосредни учесници беа моторциклисти. Од СВР Тетово упатуваат апел до оваа категорија учесници во сообраќајот, чиј број во деновите кои претстојат ќе биде далеку поголем, задолжително да користат кациги и друга заштитна опрема, најмногу заради својата безбедност и да не седнуваат зад волан без претходно положен возачки испит. МИА