Полошко – Kurir.mk

Поради магла намалена видливост во Полошко и Кичевско

Тале Кристо — Thu, 22 Dec 2022 11:47:33 +0000

Намалена видливост поради појава на магла од 30 до 50 метри има на патниот правец Тетово-Желино-Гостивар, до 50 метри на патот Тетово- Јажинце и од 50 до 100 метри на патниот правец Македонски Брод-Кичево, известуваат од АМСМ. На останатите патишта, сообраќајот се одвива непречено, по претежно суви коловози, велат од АМСМ.

Фрапантни податоци: Во полошко полицијата за шест месеци открила 1.118 возачи без дозвола

Предраг Кукиќ — Tue, 28 Aug 2018 08:05:08 +0000

Полицијата на тетовското подрачје во првите шест месеци од годинава открила 597 возачи без положен возачки испит и валидна дозвола. Бројката на вакви „диви“ возачи фатени во гостиварско во истиот период изнесува 521, информираше портпаролот на СВР Тетово Марјан Јосифовски. Тој посочи дека главно станува збор за лица кои управувале патнички возила, мотоцикли, а неретко се среќаваат зад волан и на комбиња, камиони, па дури и на автобуси. Најголем број од овие лица, појасни, се на возраст од 17 до 30 години од кои не мал број годинава биле и непосредни учесници во сообраќајни несреќи меѓу кои и со посериозни, смртни последици. Тој најави дека и во следниот период ќе продолжат контролите во чие средиште се возачките дозволи и кои на тетовско-гостиварските простори ќе се спроведуваат со зголемен интензитет и динамика. Согласно Законот за безбедност на сообраќајот на патиштата (член 225) за прекршокот управување без возачка дозвола предвидена е парична глоба од 300 евра во денарска противвредност, а исто толку изнесува и глобата за лицата кои ќе ги дадат на користење возилата на тие кои не поседуваат возачка дозвола. (МИА)

Во Полошко во една ноќ откриени 11 алкохолизирани возачи

Даниел Василев — Mon, 14 May 2018 11:27:16 +0000

Во акција на полицијата ноќта меѓу сабота и недела на поширокото полошко подрачје откриени се 11 алкохолизирани возачи, информираат од СВР Тетово. Со контролната акцијата за возење под дејство на алкохол вкупно биле опфатени 107 возачи во Тетовско 60 и Гостиварско 47. Од нив на тест за алкохол биле подложени 67 во Тетовско 50 и Гостиварско 17. - Од вкупно алкотестираните, кај 11, четворица во Тетовско и седум во Гостиварско, откриено е присуство на алкохол, поради што сите се исклучени од сообраќај. На деветмина (ТЕ-2 и ГВ-7) времено им се одземени возачките дозволи. Покрај тоа, изготвени им се 11 мандатни платни налози и едно барање за поведување прекршочна постапка, наведува Марјан Јосифоски портпарол на СВР Тетово. Лицата кои се соочуваат со прекршоците ги очекуваат глоби од 250 до 500 евра во денарска противвредност. Во акцијата, исто така, биле констатирани и 19 други прекршоци, кои се заокружени со соодветни поднесоци. МИА

Во полошките локали годинава откриени 112 странски и 53 македонски државјанки

Александар Михаилов — Sat, 30 Dec 2017 08:40:48 +0000

Во 25 полициски контроли во локали во Полошко, годинава биле откриени 112 странски и 53 македонски државјанки, информираше портпаролот на СВР Тетово Марјан Јосифовски.

Според неговите податоци, акциските контроли имале за цел откривање на странски државјанки кои непријавено или спротивно на туристичкиот престој се во регионот, но и нивна можна вклученост во трговија со луѓе или оддавање на проституција.

Од откриените странски државјанки 65 биле од Албанија, 35 од Србија, осум од Косово и по една од Црна Гора и од Бугарија.

Според Јосифовски против најголем дел од нив биле поднесени соодветни поднесоци и изведени пред судии за прекршоци во основните судови во Тетово и Гостивар и по изречените парични казни тие биле депортирани во матичните земји, а им биле определени и казни забрана за влез во Македонија од една до пет години.

Девојките и жените откриени во овие контроли биле на возраст од 19 до 40 години и биле ангажирани како пејачки, танчарки и забавувачки на гостите во локалите низ полошко.

Според портпаролот на СВР Тетово споредено со пред пет до шест години, бројката на откриени странски државјанки се намалува. Исто така се забележува промена во однос на потеклото на жените бидејќи претходно најголем дел ваквите странски државјанки доаѓале од Молдавија, Бугарија и Украина за сега најбројни да се од Албанија и Србија.