Полов напад врз дете – Kurir.mk

На лице од Гевгелија му оставиле три малолетни деца да ги чува, а тој вршел обљуба врз најстарото дете

Магдалена Андонова — Tue, 04 Oct 2022 12:43:29 +0000

Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило продолжено кривично дело – Полов напад врз дете кое не наполнило 14 години од член 188 став 1 во врска со член 45 од Кривичниот законик. Осомничениот, на кого родителите му ги доверувале на чување трите деца на возраст од 8, 6 и 2 години, искористувал исти прилики и во повеќе наврати вршел кривично дело обљуба врз најстарото дете. Бидејќи постојат околности кои го оправдуваат стравот дека осомничениот ќе се даде во бегство, ќе ја попречува истагата со влијание врз сведоците и соучесниците и дека ќе го повтори кривичното дело, надлежниот јавен обвинител до Основниот суд во Гевгелија достави предлог за определување мерка притвор. Судијата за претходна постапка го прифати предлогот и му определи мерка притвор во траење од 30 дена. (МИА)

ГРОЗОМОРНО: Наставник од Струмица преку Фејсбук испраќал пораки до малолетна ученичка со цел да ја наведе на с*ксуален однос – поднесена кривична пријава

Магдалена Андонова — Mon, 23 May 2022 11:37:59 +0000

СВР Струмица до надлежното обвинителство поднесе кривична пријава против 40-годишен наставник од Струмица поради постоење основи на сомнение за сторено кривично дело „полов напад врз дете кое не наполнило 14 години" , казниво по член 188 од Кривичниот законик. Пријавениот, наставник во основно училиште во струмичко, е осомничен дека во периодот од октомври 2020 до април 2022 година преку социјална мрежа Фејсбук праќал пораки на малолетна ученичка во училиштето со кои сакал да ја наведе на сексуален однос, а во два наврати и ја допирал по телото. На 20.05.2022, таткото на девојчето го пријавил случајот во полициска станица и приложил докази, по што биле преземени мерки и наставникот на 21.05.2022 бил лишен од слобода во Куманово, а подоцна бил спроведен во СВР Струмица и со него бил извршен службен разговор.

Обвинение за полов напад врз дете во Кавадарци, за сторителот предложено и задолжително психијатриско лекување

Дарко Андоновски — Wed, 30 Mar 2022 09:38:21 +0000

Основното јавно обвинителство Кавадарци поднесе Обвинителен акт против 19-годишен жител на селото Дреново, осомничен дека сторил кривично дело – Полов напад врз дете кое не наполнило 14 години од член 188 став 1 во врска со член 19 став 1 од Кривичниот законик.

Обвинетиот, во периодот од 13.12 до 15.12.2021 година, во состојба на битно намалена пресметливост, искористил момент додека бил сам во домот со неговата 11-годишна сестра, па се обидел врз неа да изврши полови дејствија. Оштетената го оттурнала и тој паднал на земјата, па делото останало недовршено.

Јавниот обвинител до Основниот суд во Кавадарци достави предлог за продолжување на претходно определената мерка притвор за обвинетото лице. Исто така, со оглед на тоа што со психијатриско вештачење беше утврдено дела делото е сторено во состојба на битно намалена пресметливост, јавниот обвинител му предложи на Судот, согласно член 525 од Законот за кривична постапка во врска со член 62 став 4 од Кривичниот законик, покрај изречената казна, на обвинетиот да му изрече и мерка – Задолжително психијатриско лекување и чување во здравствена установа.

УЖАС ВО КОЧАНИ: Лажен оџа половo нападнал дете, мајката го викнала да го лечи од црни магии – ова се деталите

Ивана Ефремовски — Tue, 07 Dec 2021 11:22:37 +0000

Основното јавно обвинителство Гостивар донесе Наредба за спроведување истражна постапка против едно лице за продолжено кривично дело – Полов напад врз дете кое не наполнило 14 години од член 188 став 1 во врска со член 45 од Кривичниот законик. Против истото лице, како и против двајца други осомничени соизвршители, поведена е постапка и за кривично дело – Измама согласно член 247 став 1 во врска со член 22 од Кривичниот законик. Првиот осомничен, 37-годишен жител на Кочани, во два наврати на 23 и 24 ноември во стан во Гостивар, извршил полово дејствие врз дете родено 2012 година. Мајката на детето го повикала осомничениот кој се претставил како оџа, да пее и да го „лекува“ детето од црни магии. Осомничениот побарал да остане сам со детето-жртва во собата и притоа ја принудил на други полови дејствија. Оштетената од страв во прв момент не кажала ништо на мајката. Кога на 5 декември мајката сакала по третпат да го повика осомничениот, девојчето вознемирено раскажало што му се случува, по што настанот бил пријавен во полиција. Истиот осомничен, заедно со уште двајца соизвршители од Гостивар, измамиле друга оштетена. Првопријавеното лице, во договор со другите двајца, на оштетената исто така и се претставило како оџа кој ќе и помогне да ги тргне магиите од нејзината куќа. Во повеќе наврати тројцата ја убедувале дека за да ги отстранат магиите треба да откопуваат различни предмети од гробишта и со тоа ги влечат магиите од неа и од нејзиниот дом. За услугата и наплатиле вкупно 98.000 денари. Кога почнале да се договараат за нова средба, оштетената се посомневала дека е измамена и ги пријавила. За првопријавениот Основното јавно обвинителство Гостивар до судијата на претходна постапка достави предлог за определување мерка притвор, додека за останатите двајца осомничени се предложени мерки на претпазливост.