положување цвеќе – Kurir.mk

Делегации на ВМРО-ДПМНЕ по повод 2-ри Август ќе положат цвеќе на повеќе места

Катерина Бојаџиева — Wed, 02 Aug 2023 07:57:22 +0000

Денеска (02.08.2023) по повод националниот и државен празник 2-ри Август – Илинден, покрај делегација предводена од Претседателот на ВМРО-ДПМНЕ, Христијан Мицкоски која ќе биде присутна во Крушево, делегации на ВМРО-ДПМНЕ ќе положат цвеќе и на следните места: •Делегација предводена од портпарол и член на ИК на ВМРО-ДПМНЕ, Марија Митева, пратеник и член на ИК на ВМРО-ДПМНЕ, Рашела Мизрахи и претседателот на Градски Комитет на ВМРО-ДПМНЕ, Бојан Христовски ќе положат цвеќе пред споменикот на АСНОМ (Парк Жена борец), споменикот на Никола Карев (пред Собранието на Република Македонија), потоа пред споменикот на првиот претседател на Президиумот на АСНОМ Методиј Андонов Ченто (Плоштад „Македонија“). •Делегацијата предводена од Борис Шамбевски, претседател на Градскиот Комитет на Унија на млади сили на ВМРО-ДПМНЕ заедно со потпретседателите на Градскиот Комитет на Унија на млади сили на ВМРО-ДПМНЕ Адриан Наумоски и Љупчо Ристески ќе положат свежо цвеќе на тврдината Кале-Скопје. •Делегација предводена од пратеник и член на ИК на ВМРО-ДПМНЕ Драган Ковачки, пратеник и член на ИК на ВМРО-ДПМНЕ, Жаклина Пешевска и пратеникот Бране Петрушевски, ќе положат цвеќе во Меморијалниот центар „АСНОМ“, Пелинце. Го покануваме Вашиот медиум да го проследи настанот.

ФОТО: Делегација на ВМРО-ДПМНЕ оддаде почит на загинатите кај Карпалак

Магдалена Андонова — Mon, 08 Aug 2022 09:10:17 +0000

Делегација на ВМРО-ДПМНЕ предводена Александар Велјановски, пратеник од ВМРО-ДПМНЕ, Жаклина Пешевска, пратеник и претседател на УЖ на ВМРО-ДПМНЕ, Дафина Стојаноска, пратеник од ВМРО-ДПМНЕ, Сергеј Попов, претседател на УМС на ВМРО-ДПМНЕ и Ангел Карапетров, носител на советничката листа на ВМРО-ДПМНЕ и Коалицијата За обнова на Македонија во општина Тетово положи свежо цвеќе на спомен-обележјето на загинатите пропадници на Армијата кај Карпалак.

Делегација од градот Скопје положи цвеќе во чест на загинатите од земјотресот во Скопје

Магдалена Андонова — Tue, 26 Jul 2022 12:55:47 +0000

На градските гробишта во Бутел, денеска (26.07.2022 година, вторник), положија цвеќиња домашни и странски делегации, во чест на загинатите пред споменикот од катастрофалниот земјотрес во Скопје. Во земјотресот што се што се случи пред 59 години, животот го загубија 1070 наши сограѓањи, а 3000 беа повредени. Традиционално на споменикот, венец положи делегација на Град Скопје, предводена од градоначалничката на Град Скопје, Данела Арсовска, како и делегација од Советот на Град Скопје. Со положување цвеќиња почит на жртви во земјотресот во Скопје во далечната 1963 година, дадоа и делегаци од претставници од политичките партии во Република Македонија, делегации од сите општини во градот Скопје, претставници од Црвен крст на град Скопје и на РМ, делегација на Армијата на Република Македонија, претставници од Јавните претпријатија и Јавни културни установи на Град Скопје, претставници од институции во нашава земја, како и граѓани. Цвеќиња на гробиштата на загинатите од земјотресот, положија и официјални делегации од дипломатските претставништва на многу земји акредитирани во државава.

Кирил Пецаков положи цвеќе пред спомениците на македонсктие предци и упати честитка по повод денешниот празник (ФОТО)

Магдалена Андонова — Mon, 11 Oct 2021 15:11:37 +0000

Кандидатот за градоначалник на ВМРО-ДПМНЕ за општина Охрид, Кирил Пецаков денеска положи цвеќе пред спомениците на македонските предци по повод празникот 11 Октомври. Тој упати и честитка за денешниот празник која ви ја пренесуваме во целост:

„11 Октомври - Ден на народното востание на македонскиот народ е поука и аманет за сите Македонци за нашето постоење низ времето. Оруженото востание против фашистичкиот окупатор го симболизира непокорот на македонскиот народ и вечниот стремеж за слобода. Охрид и Македонија се нашата одговорност со цел подобра иднина за сите! Честит 11 Октомври! Да живее Република Македонија!“

Владата го прескокна првиот премиер Кљусев во положувањето цвеќе за независноста

Ивона Петрова — Wed, 08 Sep 2021 09:30:18 +0000

Денешниот празничен ден во кој се одбележуваат 30 години независност на Македонија, започна со оддавање почит и положување цвеќе на вечните почивалишта на поранешните претседатели Киро Глигоров и Борис Трајковски. Владата денеска во оддавањето почит го прескокна Никола Кљусев првиот премиер на првата експертска Влада на Република Македонија во периодот од 1991-1992 година кој одигра значајна улога во воспоставувањето на независноста и сувереноста на македонската држава. Во текот на неговиот мандат, била воведена македонската валута и се формирала Армијата на Репблика Македонија. Од Владата и од Кабинетот на претседателот Стево Пендаровски соопштија дека со положување венци свежо цвеќе на вечните почивалишта на поранешните претседатели на државата Киро Глигоров и Борис Трајковски и со оддавање почит за нивниот значаен придонес во воспоставувањето на самостојната државност на нашата земја, започнале програмските содржини со кои граѓаните на Македонија ја празнуваат и одбележуваат 30-годишнината од независноста. Според објавите на социјалните мрежи и официјалните соопштенија, досега само кандидатот за градоначалник на ВМРО-ДПМНЕ за Град Скопје, Данела Арсовска и делегација на партијата му оддадоа почит и положија цвеќе на вечното почивалиште на првиот премиер Кљусев. Како што е најавено, по повод трите децении независност Пендаровски денеска со орден „8 Септември“ ќе ги одликува Стојан Андов, прв претседател на првото повеќепартиско Собрание, како и пратениците во Собранието на Република Македонија во мандатниот период од 1990 до 1994 година.

Делегација на ВМРО-ДПМНЕ денеска положи свежо цвеќе на споменикот во чест на сесловенските просветители Свети Кирил и Методиј

Магдалена Андонова — Mon, 24 May 2021 11:20:26 +0000

Делегација на ВМРО-ДПМНЕ во состав претседател на Унијата на млади сили - Сергеј Попов, претседател на Градски комитет - Владимир Нелоски и Весна Јаневска - претседателка на Комисијата за образование и наука на ВМРО-ДПМНЕ, денеска положија свежо цвеќе на споменикот на сесловенските просветители Свети Кирил и Методиј во комплексот на УКИМ. - Македонските и сесловенски браќа Свети Кирил и Методиј како основоположници на словенската писменост и литература, се заслужни за културниот развој на сите словенски народи. Нивните неприкосновени дела должни сме да ги почитуваме и да ги чествуваме, како и да го уважуваме вечното слово кое го имаат создадено, азбуката и јазикот на кој говорат и творат милиони луѓе ширум светот. Вечно нека е нивното дело и спомен! Слава им, се вели во соопштението на ВМРО-ДПМНЕ.

Мицкоски положи цвеќе на спомен плочата на Ненад Серафимовски кој загина во Диво насеље: Хероите живеат вечно!

Магдалена Андонова — Sun, 09 May 2021 12:05:17 +0000

Положување на цвеќе на спомен плочата на Ненад Серафимовски кој загина во Диво насеље во 2015 година, стои во Фејсбук статусот на Христијан Мицкоски. - Загубата е ненадминлива, но остануваат сеќавањата за нивните дела по кои ќе ги паметиме. Хероите живеат вечно, пишува тој.

ФОТО: Делегација на УМС на ВМРО-ДПМНЕ положи свежо цвеќе на гробот на Гоце Делчев

Катерина Бојаџиева — Fri, 04 May 2018 09:34:14 +0000

Делегација на Унијата на млади сили на ВМРО-ДПМНЕ предводена од потпретседателот Филип Ѓорѓиев, денеска оддаде почит и положи свежо цвеќе пред гробот на револуционерот Гоце Делчев во црквата „Свети Спас“. Македонија денеска одбележува 115 години од смртта на револуционерот Гоце Делчев, кој на денешен ден во 1903 бил убиен од турската војска во селото Баница, на пат кон Сер.

Гоце Делчев, визионерот кој пред повеќе од еден век го разбра светот како поле за културен натпревар на народите, е роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата.

Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија. По убиството, неговите посмртни останки првин се чувале во Баница, до 1917 година, кога биле пренесени во Ксанти, а потоа во Софија. До 1923 година, ковчежето со коските се чувало во домот на Михаил Чаков. Останките на Делчев на 11 октомври 1946 година биле пренесени во црквата „Свети Спас“ во Скопје.