Градоначалничката Арсовска на средба со амбасадорот на Полска, Тицињски

Магдалена Андонова — Mon, 28 Mar 2022 16:29:30 +0000

Градоначалничката на Град Скопје, Данела Арсовска, денеска оствари средба со амбасадорот на Полска Н.Е. Војциех Тицињски. На средбата стана збор за проектите што се приоритет во работењето на градската администрација, со посебен осврт на зелената транзиција, подигањето нови мега паркови и активностите што се преземаат за подобрување на квалитетот на живот на граѓаните и заштита на животната средина. Арсовска и Тицињски разговараа и за можностите за продлабочување на соработката меѓу Градот Скопје и Амбасадата на Полска, за развој на туризмот во Скопје и зголемување на бројот на туристи од Полска, привлекување странски инвестиции со оглед на фактот што Полска е единаесетти трговски партнер на Македонија.

Иванов ги прими акредитивните писма од новиот полски амбасадор Тичињски

Ивона Петрова — Thu, 18 Oct 2018 15:49:17 +0000

Претседателот Ѓорге Иванов денеска гиприми акредитивните писма на Војчех Јежи Тичињски, новоименуван амбасадор на Република Полска во Република Македонија. Иванов на церемонијата на предавање акредитиви, како што соопшти неговиот кабинет, истакнал дека македонско-полските односи ги карактеризира искрено пријателство, меѓусебна почит, континуиран политички дијалог и значајна динамика во соработката во повеќе области од взаемен интерес. Претседателот Иванов порачал дека за нашата земја од особено значење е поддршката и помошта од Република Полска за реализација на нашите зацртани стратешки цели, членство во НАТО и во Европската Унија. – Јас како Претседател на Република Македонија немам апсолутно никаква дилема дека местото на Република Македонија е во Европската Унија и 10/18/2018 Претседателот Иванов ги прими акредитивните писма од новиот полски амбасадор Тичињски НАТО. Но, таму треба да влеземе со нашето човечко достоинство, без уцени, притисоци и двојни стандарди. Суверената волја на македонските граѓани на референдумот треба да се почитува. Затоа, и по референдумот се надевам дека процесот за зачленување на Република Македонија во НАТО и во Европската Унија ќе продолжи, рече Иванов. Во таа насока, тој побара поддршка од Република Полска за деблокирање на процесот за членство на Република Македонија во НАТО и во Европската Унија без притоа да се крши правото на самоопределување. – Искрено очекувам и се надевам дека Република Полска ќе ги има предвид нашите аргументи, нашите постигнувања и дека поддршката во реализацијата на нашите цели ќе продолжи и во наредниот, исклучително значаен период. Европската перспектива е најдобрата гаранција за просперитет и стабилност на Балканот, порачал македонскиот претседател. Амбасадорот Тичињски истакнал дека неговата земја придава големо значење на унапредувањето на билатералните односи и на зацврстувањето на пријателските односи меѓу двата пријателски народи. Во таа насока Тичињски посочил дека на вредностите кои ги приближуваат двата народи и двете држави треба да им се додаде уште едно нешто, а тоа е компатибилноста на заедничките интереси како партнери во меѓународните односи. – Како земја што одигра важна улога во соборувањето на комунистичкиот систем во нашиот дел на Европа, ние веруваме дека секоја држава ја заслужува нашата поддршка за своите амбиции да ја обликува својата судбина во согласност со волјата на нацијата и принципите на демократскиот свет, изјавил амбасадорот Тичињски. Според него, прифаќањето на ваква политичка филозофија од страна на Полска, исто така, резултира од претпоставката дека слободната, демократска, развојна и добра соработка со Македонија претставува важна цел не само за Македонците, туку и за целокупниот Балкански регион и Европа како целина и дека Европа не може да биде стабилна доколку сите европски земји не останат стабилни. МИА

полски амбасадор – Kurir.mk

Градоначалничката Арсовска на средба со амбасадорот на Полска, Тицињски

Иванов ги прими акредитивните писма од новиот полски амбасадор Тичињски