полубрат – Kurir.mk

Боно откри оти има полубрат

Ивона Петрова — Mon, 27 Jun 2022 10:17:24 +0000

Боно Вокс, пејачот на ирскиот поп-рок бенд „Ју-ту“, ѝ откри на јавноста дека има полубрат за кој со десетлетија не знаел дека постои. – Имам уште еден брат, кого го сакам и обожавам, за кого не знаев дека го имам… Дознав за својот полубрат во 2000 година, па и „се помирив“ со тоа, рече Боно (со вистинско име Пол Дејвид Хјусон) за „Би-би-си рејдио 4“. Пејачот притоа додаде дека неговата мајка Ајрис, која починала 1974 година, не знаела дека нејзиниот сопруг има дете со друга жена. – Тоа е многу блиско семејство и сфатив дека татко ми има длабоко пријателство со таа убава жена… И потоа, добиле бебе. И сѐ тоа беше чувано во тајност, појасни Боно. Боно дознал за тоа од татко му Боб пред неговата смрт во 2001 година. – Го прашав дали ја сака мајка ми и тој рече „да“. Реков: Тогаш, како можеше да се случи тоа?“ А, татко ми одговори: „Е па, можеше“. Не ми се извини, само ми рече – „се помирив со тоа“, раскажува Боно.

Јорданскиот крал Абдула Втори и официјално го стави во домашен притвор својот полубрат Хамза

Тале Кристо — Thu, 19 May 2022 17:09:55 +0000

Јорданскиот крал Абдула Втори денеска во многу остро писмо јавно го потврди своето несогласување со својот полубрат принцот Хамза и го официјализираше куќниот притвор на поранешниот престолонаследник, нарекувајќи го „нестабилен“. Како што е наведено во посмото, кралот одобрил притворање на принцот Хамза во неговата палата и ги ограничил неговите комуникации и движење, наведувајќи ги како причина „непредвидливото однесување и аспирациите“ на полубратот. „Ќе му обезбедиме на Хамзи сè што сака да живее удобно, но тој нема да го има просторот што некогаш го злоупотребил за да ја навреди нацијата, нејзините институции и неговото семејство, за да ја поткопа стабилноста на Јордан“, напиша кралот. Писмото е најновото поглавје во кавгата на кралскиот двор. Помладиот член на кралското семејство прво беше приведен, а во јавноста стигнаа внатрешни недоразбирања, кои досега не се случиле. Хамза и Абдула се синови на кралот Хусеин, кој владееше со Јордан речиси половина век, до неговата смрт во 1999 година. По неговото крунисување, Абдула го назначи Хамза за наследник на тронот, но во 2004 година му ја одзеде оваа титула. Хамза и лани во април беше ставен во домашен притвор поради наводен заговор за дестабилизација на оваа прозападна хашемитска монархија. Принцот Хамза во март му се извини на кралот, судејќи според писмото објавено од кралската палата, и изрази надеж дека може да се сврти нова страница во ова поглавје од историјата на нивната земја и семејство.

Полубратот на Дарко Лазиќ кој исто така е пејач никој го нема видено: Влегува во реално шоу, а да застанат еден до друг фановите ќе ги помешаа

Дарко Андоновски — Tue, 24 Aug 2021 09:04:42 +0000

Познатиот пејач Дарко Лазиќ малкумина знаат дека има полубрат кој сега се повеќе е во центарот на медиумското внимание поради влегувањето во реалното шоу „Задруга“. -Давор Лазиќ, полубрат на Дарко Лазиќ, доаѓам од Марибор и имам 30 години, може сум малку полош во некои ситуации од него, крвта не е вода. Во добри односи сме, вака вели Давор во своето претставување за потребите на шоуто и додава дека пејачот се сложува тој да влезе во „Задруга“.

View this post on Instagram

A post shared by Davor Lazić (@officialdavorlazic)

Тој додава дека се уште не ја запознал новата снаа. -Семејството одлично реагира на новата снаа, тврди полубратот на Лазиќ.

View this post on Instagram

A post shared by Davor Lazić (@officialdavorlazic)

Инаку тој откри дека со Дарко Лазиќ се браќа по таткова страна.

View this post on Instagram

A post shared by Davor Lazić (@officialdavorlazic)

Таткото на Карлеуша скршен од тага пристигна во домот на неговата ќерка заедно со полубратот на пејачката (ФОТО)

Дарко Андоновски — Mon, 04 Mar 2019 19:35:34 +0000

Таткото на Јелена Карлеуша Драган со својот син денеска рано наутро пристигна во домот на својата ќерка. Поранешниот полициски- криминалистички инспектор не сакал да дава изјави за медиумите, а на неговото лице се гледало тага поради смртта на неговата поранешна сопруга. Тие инаку се запознале во 19770-та година кога Дивна имала 19 години во 1977-та година и таа била студент на правниот факултет. Парот се венчал во 1978-та година кога ја добиле ќерката Јелена, а по разводот тие останале во добри односи. ФОТО: ТЕЛЕГРАФ.РС/НИКОЛА ТОМИЌ.