полуфинале – Kurir.mk

Комплетирани полуфиналните дуели на Европското одбојкарско првенство

Тале Кристо — Wed, 13 Sep 2023 09:15:37 +0000

Последен патник во полуфиналето на Европското одбојкарско првенство е домаќинот Италија, која синоќа во неизвесен натпревар во Бари ја совлада Холандија со 3-2 (19-25, 25-17, 25-16, 23-25, 15-12). Завршницата на Европското првенство од четврток се сели во Рим со двата полуфинални натпревари во кои Италија ја продолжува одбраната на титулата против Франција, додека противник на Полска за пласман во финалето ќе биде Словенија. Полјаците во вчерашниот полуфинален дуел ја совладаа Србија со 3-1 (26-28, 25-15, 36-34, 25-17). Финалето е на програмата в сабота во Рим.

Комплетирани полуфиналните парови на СП во кошарка

Тале Кристо — Wed, 06 Sep 2023 18:14:59 +0000

Германија и Канада обезбедија денеска место меѓу најдобрите четири репрезентации на Светското кошаркарско првенство со што се познати сите полуфиналисти на завршниот турнир кој се игра во Јапонија, Филипини и Индонезија. Канада попладнево беше поуспешна од Словенија со 100-89, додека претходно во првото денешно четвртфинале, Германија во драматичен натпревар со 81-79 ја совлада Летонија во чиј редови Давис Бертанс на две секунди пред последниот свиреж беше непрецизен во обидот за три поени. За место во финалето на кошаркарскиот Мундијал репрезентацијата на Германија ќе игра в петок против САД, додека противник на Канада ќе биде Србија. Покрај пласманот во полуфиналето, Германија и Србија обезбедија и директен пласман на Олимписките игри 2024 како две најдобро пласирани европски репрезентации на Мундијалот.

Комплетирани полуфиналните натпревари на СП во хокеј на мраз

Тале Кристо — Fri, 26 May 2023 09:14:27 +0000

Хокеарите на Летонија со сензационална победа од 3-1 над фаворизираната Шведска во Рига првпат во историјата изборија пласман во полуфиналето на Светското првенство. До историскиот триумф Летонците ги предводеше феноменалниот голман Артурс Шиловс, кој одбрани 40 од 41 удари на шведските хокеари и со тоа им овозможи на своите соиграчи со три голови од 15 обиди да и обезбедат на Летонија место во борбата за медалите. Противник на Летонија во полуфиналето в сабота ќе биде Канада, која во четвртфиналето одиграно синоќа во Тампере со 4-1 ја совлада Финска. Канада, која е најтрофејна репрезентација во историјата на СП, против Летонија ќе се обиде по седми пат во последните осум настапи да обезбеди мундијалско финале. Во второто саботно финале ќе играат САД и Германија. Американците во четвртфиналето ја совладаа Чешка со 3-0, додека Германците беа поуспешни од Швајцарија со 3-1. Германија ќе се обиде за прв пат во историјата да се пласира во финалето, а иако во својата колекција имаат две златни и девет сребрени медали, ниту американските хокеари немаат настап во финале, откако на СП е воведен нокаут системот во 1992 година. Финалето е на програмата в недела (19:20 часот), а претходно (14:20 часот) ќе биде познато која репрезентација ќе замине од Тампере со бронзениот медал.

Македонскиот тенисер Калин Ивановски се пласираше во полуфиналето на турнирот во Франција

Бошко Тасиќ — Sat, 18 Mar 2023 08:15:09 +0000

Најдобриот македонски тенисер Калин Ивановски продолжува со извонредните настапи на ИТФ турнирот што се одржува во Франција. Тој успеа да се пласира во полуфиналето откако во два сета со 7:5 и 6:1 триумфираше над домашниот тенисер Александер Реко. Ивановски кој на турнирот е поставен за трет фаворит во решавачкиот меч за пласман во финалето повторно за противник има играч од Франција. Првиот македонски рекет во полуфиналето ќе се соочи со Гимар Вајенбург кој денеска успеа со 2:0 да го совлада Симон Бупен од Белгија препуштајќи му само еден гем.

Прво полуфинале на Линет на еден Грен слем

Тале Кристо — Wed, 25 Jan 2023 08:54:55 +0000

Полската тенисерка, Магда Линет ја победи Каролина Плишкова со 6:3 и 7:5 во првиот денешен четвртфинален меч на Австралија Опен. Триесетгодишната Линет за прв пат се пласираше во полуфинале на Грен слем турнир. Досега не стигнала подалеку од третото коло. Во Мелбурн, Линет победи четири тенисерки, вклучувајќи ја и светската тенисерка број 4, Каролин Гарсија. Таа во полуфиналето ќе ги одмери силите со Арина Сабаленка од Белорусија. Во четвртфиналето, Сабаланека ја победи Дона Векиќ со 6:3 и 6:2. Белорусинката по четврти пат играше во четвртфиналето на Грен слем турнирот и победи четврти пат. Досега нема пласман во финале на Грен слем турнир.

Дополнителни 13.000 влезници за мароканските навивачи за полуфиналето

Дарко Андоновски — Wed, 14 Dec 2022 10:58:18 +0000

Фудбалската федерација на Мароко одлучи за вечерашното полуфинале против Франција бесплатно да им додели на своите навивачи дополнителни 13.000 влезници, кои организаторите на Светското првенство во Катар ги наменија за таа африканска репрезентација. Натпреварот е на програмата вечерва од 20 часот стадионот „Ал Бајт“, оддалечен 35 километри од центарот на Доха. Стадионот е со капацитет од 68.895 седишта, а се очекува мароканските фудбалери да имаат поддршка од околу 45.000 навивачи. Фудбалската федерација на Мароко најави дека во Катар од Казабланка денеска ќе слетаат 30 џамбо џети, а навивачите ќе можат да ги подигнат влезниците во мароканскиот конзулат во Доха.

Аргентина против Хрватска во првото полуфинале

Дарко Андоновски — Tue, 13 Dec 2022 08:17:09 +0000

Репрезентациите на Аргентина и на Хрватска вечер од 20 часот во Лусаил ќе го почнат првото полуфинале на Светското фудбалско првенство во Катар. Аргентина важи за фаворит на овој дуел. „Гаучосите“ во осминафиналето ја совладаа селекцијата на Австралија (2:1), а во четвртфиналето ја победија Холандија (2:2, 4:3) по изведување на пенали. Хрватската репрезентација ги доби двата меча од плејоф фазата по изведување пенали. Против Јапонија (1:1, 3:1) и Бразил (1:1, 4:2). Во второто полуфинале утревечер во Ал Хор ќе се соочат Мароко и Франција.

Македонскиот тенисер Калин Ивановски се пласираше во полуфиналето во Мадрид

Тале Кристо — Fri, 02 Dec 2022 13:41:24 +0000

Македонски тенисер, Калин Ивановски го совлада Мексиканецот Рубио Фиерос и се пласираше во полуфиналето на фјучрсот во Мадрид. Имено, Ивановски во два сета и со само пет загубени гејма го победи противникот Фиерос, односно со 6-4 и 6-1 во сетови. Во полуфиналето Ивановски ќе игра против Сидан Понтјодикромо од Холандија.

ЕХФ Еуро 2022: Норвешка обезбеди полуфинале, Шведска ја совлада Словенија

Дарко Андоновски — Tue, 15 Nov 2022 08:08:14 +0000

Репрезентациите на Шведска и на Норвешка забележаа победи во четвртото коло од Групата-1 на Европското ракометно првенство за жени. Норвежанките беа поуспешни од Словенија со 26:23, додека Шведска ја победи Унграија со 30:25. По четири кола Норвешка е лидер со осум бода, Данска има шест, Шведска и Словенија по четири, Хрватска 2, Унгарија е последна без освоен бод. Вечер ќе се играат два натпревара од 4.коло во Групата-2 која се игра во СЦ „Борис Трајковски“ во Скопје: Романија – Црна Гора (18 часот) Франција – Германија (20:30 часот).

У20: Македонските кошаркари без полуфинале на ЕП

Тале Кристо — Fri, 22 Jul 2022 13:32:01 +0000

Македонската кошаркарска репрезентација до 20 години не успеа да се пласира во полуфиналето на Европското првенство „Б“ Дивизија, откако попладнево во Тбилиси загуби од Естонија со 81-59. Естонците, кои во групната фаза имаа максимален ефект од четири победи, ја оправдаа фаворитската улога во четвртфиналната пресметка со „црвено – жолтите“ и во текот на целиот натпревар го контролираа резултатот. Избраниците на македонскиот селектор Никола Василев заминаа на полувреме со негатива од десет поени (43-33), а беа немоќни да направат резултатски пресврт во продолжението. Репрезентацијата на Естонија континуирано ја зголемуваше предноста во третата и четвртата четвртина и на крајот со убедлив триумф над Македонија обезбеди полуфинале на ЕП во Грузија. За македонските кошаркари на турнирот во Тбилиси преостанува да разигруваат за пласман од 5 до 8 место.