полуматуранти – Kurir.mk

Во Штип фото студио понудило за 0 денари да ги фотографира полуматурантите, но на тендерот била одбрана фирма со пониска цена!

Дарко Андоновски — Fri, 09 Apr 2021 09:36:06 +0000

Славко Ѓоргиев од Штип преку статус на Фејсбук пишува дека политиката вмешала прсти во избирањето на фото студио за сликање на полуматурантите оваа година во градот. Имено тој преку статус пишува дека фото студио се одлучило бесплатно да ги фотографира учениците поради ковид состојбата, но тоа било одбиено и тендерот го добила друга фирма со пониска цена од 0 денари. -Фирма од Штип, заради пандемијата, за да им олесни на родителите на полуматурантите, одлучиле да ги фотографираат учениците за цена од О,оо денари. ....повторувам....цена од О,оо денари за фотографирање, 8 фотографии и големо, заедничко табло.....Денес, од некои училишта добиле известување, дека на тендерот е избрана друга фирма, која, замислете, понудила ПОНИСКА ЦЕНА......Очекуваме да видиме која е таа пониска цена од О,оо денари, или, политиката вмешала прсти....., стои во неговиот пост на Фејсбук.

Свидетелства за полуматурантите од Аеродром денеска од 8 до 15 часот

Ивона Петрова — Mon, 15 Jun 2020 08:07:50 +0000

Заврши учебната 2019/2020 година за сите ученици, во која првпат се реализира настава по електронски пат и во вонредни услови. Свидителствата за деветтоодделенците ќе се доделуваат денеска во сите основни училишта на територијата на Општина Аеродром од 8 до 15 часот. Запишувањето во средните училишта, како што соопшти Општината, ќе се одвива од 16 до 18 јуни 2020 година во периодот од 7 до 19 часот и на 19 јуни 2020 од 7 до 13 часот. – Градоначалникот Златко Марин и Општина Аеродром им го честитаат крајот на учебната година на сите ученици и наставници, кои во специфични околности успешно ја реализираа наставата и ги надминаа предизвиците, се наведува во соопштението.

Полуматурантите со трубачи, ора и солзи не сакаат да завршат основно образование- Вака во Македонија започна школскиот распуст (ВИДЕО)

Дарко Андоновски — Mon, 10 Jun 2019 14:48:43 +0000

Трубачи за крај на основното образование...Весело и разиграно, но и со по некоја солза, полуматурантите ќе ги напуштат училниците каде девет години го стекнуваа и надградуваа своето знаење, објавува Сител. -Мило ми е што вака завршуваме, со песна, весело, вели Мартин Тодоровски, полуматурант во ОУ Мирче Ацев Промени во образовниот процес, учење по Кембриџ...за некои лесно, за некои со мали потешкотии, но на крај сите продолжуваат понатаму. -Ако се внимава и се слушаат наставниците, нема тешкотии, вели Ивана Топчаревска, полуматурант во ОУ Мирче Ацев -Имаше и потешкотии, но не беше страшно, вели Михаил Пеповски, полуматурант во ОУ Мирче Ацев -Па интересно беше овие години, вели Михаило Заревски, полумантурант во ОУ Мирче Ацев Сакаат деветгодишното дружење да го продолжат и во иднина иако на многумина патиштата ќе им се разминат. Со трубачи, песни и ора се збогуваат од училиштето во кое поминаа девет години. Оваа недела деветоодделенците ќе одморат а од наредната ги очекуваат уписите во средните училишта. -Сакам да продолжам во Јосип Броз Тито -Уште не сум одлучил, но сакам некоја подобра гиманзија за развивање на знаењето. И додека основците размислуваат дали општа гимназија или стручно образование, на поголема мака се учениците кои завршија средно образование. Скопскиот градоначалник денеска на 27 матуранти првенци на генерацијата им додели специјални признанија и парични награди. Но голем дел од нив не ја гледаат иднината во земјата. -Ќе продолжам на медицински факултет. Дали ја гледаш иднината во земјата? За жал не. Ќе видам, мислам дека Англија е најпогодна за мене, вели Вероника Станоевска, матурант -Па сакам да продолжам на психологија. Па ќе останам овде, но ако ми се пружи прилика ќе заминам, вели Татјана Давидовска, матурант. Школската година заврши. Со нови сили и предизвици учениците ќе продолжат на 1 семптември.

Полуматурантите од Берово славеа во фонтана: Чочек, трубачи и разладување (ВИДЕО)

Ивана Ефремовски — Fri, 07 Jun 2019 10:03:29 +0000

Полуматурантите од Берово, по прославата за завршување на основното училиште, одлучија малку да се разладат. Тие влегоа во фонтаната во градот и играа на музиката. Со трубачи, чочек, песна се разладуваа во градската фонтана веејќи македонски знамиња. Видео: Делчево 365

Полуматурантите во понеделник и вторник ќе се запишуваат во средните училишта

Катерина Бојаџиева — Thu, 14 Jun 2018 09:20:01 +0000

Во јавните средни училишта во земјава во понеделник и вторник, 18-ти и 19 јуни, ќе се спроведе првото пријавување и запишување ученици за учебната 2018/2019 година во јунскиот уписен рок. Ранг-листите со резултатите од запишувањето и слободните места ќе бидат објавени на 20 јуни. Квалификациското тестирање ќе се организира на 22 јуни, а конечните ранг-листи со резултатите ќе бидат објавени на 25 јуни. Второто пријавување и запишување на учениците во јуни ќе се врши на 28-ми, а резултатите од запишувањето и слободните места ќе бидат објавени наредниот ден, 29 јуни. Според конкурсот кој МОН го објави во март, учениците може да изберат гимназиско образование, стручно образование (техничко образование – четиригодишно траење, стручно образование за занимање – тригодишно траење и двегодишно траење), средно уметничко образование и средно образование за ученици со посебни образовни потреби. Пријавувањето и запишувањето на учениците во августовскиот рок ќе биде на 23 август.