поместување – Kurir.mk

Штетни последици од поместувањето на часовникот

Тале Кристо — Mon, 27 Mar 2023 11:13:01 +0000

Часовниците викендов се префрлија од зимско на летно сметање на времето. Но, последниве неколку години сѐ поголем број лекари се против тоа „поместување на стрелките“... Се верува дека тоа е причина за своевидно нарушување на спиењето и предизвикува тн. социјална нерамнотежа во спиењето. Оваа појава се јавува како последица на десинхронизација на внатрешниот и надворешниот ритам на будност и сон. Притоа луѓето обично имаат несоница, прекумерна поспаност или и двете, што обично завршува откако „внатрешниот часовник“ ќе се прилагоди, т.е. „ќе се ресетира". Истражувањата покажаа дека „социјалната нерамнотежа во спиењето“ предизвикува дијабетес, ја зголемува и опасноста од срцеви заболувања и мозочен удар, го влошува расположението, вклучително и на можна депресија и негативно влијае на дигестивниот и ендокриниот систем. Според стручњаците, тоа може дури и да го намали животниот век. „Доказите го поддржуваат усвојувањето стандарден систем за времето во целата година што се усогласува со деноноќниот ритам на луѓето и обезбедува здравствени придобивки“, се вели во извештајот на Американската академија за медицина на спиењето. Поради овие последици, оваа институција ја повика Владата на САД да го откаже менувањето на времето. Сенатот го усвои овој предлог во март 2022 година, но Претставничкиот дом ја поништи таа одлука.

Земјотресот ја помести Турција за три метри

Ивона Петрова — Wed, 08 Feb 2023 07:36:23 +0000

Претседателот на италијанскиот Национален институт за геофизика и вулканологија, Карло Долони истакнува дека поместување на тектонска плоча го предизвика катастрофалниот земјотрес во Турција, по што територијата на државата е поместена за три метри. -Она што го нарекуваме арапска плоча се помести за три метри во насока кон североисток-југозапад во однос на анадолиската плоча, вели Долони. Додава дека поместувањето од три метри е во должина од околу 160 километри. Поголемиот дел од Турција лежи на анадолиската, но југоисточната плоча преминува над арапската плоча, кај Сирија.

ОД УТРЕ ЛЕТНО СМЕТАЊЕ НА ВРЕМЕТО, СТРЕЛКИТЕ ОД 2 ГИ ПОМЕСТУВАМЕ НА 3 ЧАСОТ: Идејата на ЕУ за укинување на поместувањето на стрелките најверојатно не успеа

Ристе Здравков — Sat, 26 Mar 2022 07:49:15 +0000

Летното сметање на времето започнува ноќва кон недела на 27 март во два часот со поместување за еден час нанапред. Времето во два часот ќе се смета како три часот. Со оглед на тоа што земјите-членки на ЕУ не се договорија за предложеното укинување на часовникот, овој режим останува на сила. Иако Европската комисија пред неколку години предложи да се укине сезонското поместување на часовникот, земјите-членки се уште не се договориле за тоа, а се чини дека нема да се договорат во догледно време. Европската комисија испрати предлог до Европскиот парламент и Советот на Европската унија во септември 2018 година според кој земјите-членки би можеле самостојно да одлучуваат за понатамошниот постојан избор на нивното стандардно време, односно дали трајно ќе го задржат зимското или летното сметање на времето, но ќе бидат обврзани да ја известат Комисијата за нивниот избор најмалку шест месеци пред промената да стапи на сила. Во дебатата започната во есента 2018 година, земјите-членки истакнаа дека примената на хармонизиран и добро координиран пристап низ ЕУ, во однос на изборот на стандардно време, ќе биде од клучно значење за да се избегне поделеноста и нееднаквоста на временските.