помфрит – Kurir.mk

Сите сакаме да го јадеме, а знаеме дека е калоричен: Има една тајна за да направите здрав и вкусен помфрит

Ивана Ефремовски — Thu, 27 Apr 2023 09:44:56 +0000

Помфритот е идеален додаток за хамбургери или друго месо на скара. Сепак, многу луѓе го јадат и како главно јадење, со малку салата. Но, поради начинот на подготовка кој бара пржење во големи количини масло, помфритот е меѓу намирниците кои воопшто не се најздравиот избор. Компирите сами по себе се многу добар извор на витамините Б, но откако ќе се натопи во врело масло, оваа нискокалорична храна се претвора во калориска бомба која го зголемува лошиот холестерол. За среќа на многумина, можно е да се подготви и без масло, а вкусот е исто толку добар благодарение на една состојка. Тајната е во белката Освен компири, за оваа поздрава варијанта на помфрит ќе ви требаат белки од јајца и зачини по вкус. За почеток, излупете ги компирите и исечете ги за да добиете форма на помфрит. Потоа валкајте го во изматени белки во кои претходно сте додале зачини по желба. Помфритот наредете го во плех обложен со хартија за печење и печете го во загреана рерна на 200 степени додека не поруменат. Времето на печење ќе зависи од моќноста на рерната. Благодарение на „лушпата“ од белка ќе ја добие добро познатата крцкава кора, а внатрешноста ќе остане совршено мека.

Не можат да ве заситат: Овие намирници често прават да се чувствувате гладни

Ристе Здравков — Thu, 22 Dec 2022 09:43:46 +0000

Ако постојано сте гладни, имате потреба да внесувате поголемо количество шеќер, ви се јаде благо и не можете да се контролирате, треба да обратите внимание на храната која постојано ја користите а всушност го засилува чувството на глад. Некои прехранбени продукти, наместо да заситат повеќе поттикнуваат гладта да се засили. Ако сте започнале диета, или едноставно не сакате да се прејадете, откријте кои намирници делуваат спротивно, и ве прават зависници од таа исхрана. Помфрит – вкусен прилог на многу јадења, можете да го јадете и само него, најчесто со додаток на кечап. Но, иако ретко кој може да му одолее, овие јаглехидрати се преполни со скроб, така што многу брзо ќе огладнете без оглед колку помфрит ќе изедете. Бела тестенина – поради индустриската обработка, оваа намирница не содржи доволно хранливи состојки и влакна, па затоа е поконцентрирана отколку здравите намирници. Таа пропаѓа на едноставните јаглени хидрати што го зголемуваат нивото на гликоза во крвта, поради што ќе чувствувате повеќе глад. Овошен јогурт – јогуртот е одличен извор на калциум кој е добар за поздрави коски. Но, ако го консумирате оној со вкус на некое овошје, ќе внесете во организмот многу повеќе шеќер отколку хранливи состојки.

Пробајте нешто ново: Печен помфрит со печурки (РЕЦЕПТ+ВИДЕО)

Ристе Здравков — Mon, 19 Dec 2022 08:47:23 +0000

За овој брз ручек не ви требаат многу пари или време. Како ви звучи помфрит со печурки? Одлично, нели? Состојки: 600 гр компири 2 чешниња лук 100 гр печурки малку сув зачин малку кари 1 чаша пченкарно брашно мелен бибер масло Подготовка: Исечете ги компирите како за помфрит, изгмечете го лукот и прелијте со малку вода. Процедете го кромидот во цедалка и истурете ја течноста во компирите, оставајќи малку и за печурките. Во компирот додадете суви зачини, малку кари, мелен бибер и масло. Сè измешајте со пченкарно брашно и распоредете во намрсен плех. Посолете ги печурките и измешајте ги со компирите. Печете на 220 степени околу 30 до 40 минути. Погледнете го упатството за подготовка чекор по чекор:

ФОТО: Ја реновирале куќата па нашле помфрит од Мекдоналдс стар 60 години

Ивона Петрова — Mon, 02 May 2022 09:07:20 +0000

Брачниот пар Грејс и Роб Џонс неодамна при реновирање на својата куќа нашле помфрит од Мекдоналдс во обвивка стара 60 години. Добро сочуваните компирчиња наводно се направени меѓу 1955 и 1961 година, а биле најдени сокриени зад ѕидот од бањата во семејната куќа. На ќесичката се наоѓа логото на Мекдоналдс од тоа време, односно Спиди - оригиналната маскота на овој ланец на брза храна. При реновирањето во ѕидот пронашле мистериозна ќеса во која имало две обвивки за хамбургер и пакување помфрит кој не бил дојаден. -Кога го пронајдовме, со сопругот се погледнавме и се прашувавме дали да повикаме полиција бидејќи можеби сме откриле докази од место на злосторство, вели Грејс. Помфритот, како што појаснуваат, бил крцкав со кафена боја и не бил расипан иако е направен пред повеќе од шест децении. По откритието парот вели дека го пронашле човекот кој го јадел оброкот додека ја преправал бањата. Грејс и Роб велат дека планираат да го продадат оброкот на вистинскиот купец.

ПОРАДИ НЕДОСТИГ НА ЗЕЈТИН: Германските угостители го бришат помфритот од менито

Ивона Петрова — Wed, 30 Mar 2022 07:34:38 +0000

Поради украинската криза, во Германија граѓаните ги празнат полиците со сончогледово масло за готвење, а угостителите први го исфрлуваат помфритот од менито поради недостаток на зејтин и високата цена. Бидејќи Украина е значаен производител на сончогледов зејтин и маслодајна репка, земја од која Германија ги увезува овие производи, Германците стравуваат дека наскоро ќе мора да се откажат од помфритот. Првиот угостител кој го направил тоа е Фреди Базел од Дармштат. Како што изјавил за „Билд“ имал проблем со зејтинот за во фритеза, како и дека сончогледовиот е многу скап. Во јануари Базел плаќал 90 евро центи за литар масло од репка, а денеска истото чини и до четири евра за литар. Тоа е вели прескапо, и било неизбежно драстично да ја зголеми цената на помфритот. Потоа го тргнал од менито. Во германските супермаркети цените на зејтинот се поскапени за 29 проценти.

Направете ПОМФРИТ на здрав начин: Наместо масло, користете го ова!

Ристе Здравков — Thu, 17 Mar 2022 11:45:41 +0000

Помфрит е идеален прилог со хамбургери или некое грубо месо од скара. Сепак, многумина го користат и како главно јадење, а не како прилог. Сепак, поради начинот на подготовка кој бара пржење во големи количини на масло, помфритот е храна која воопшто не е најздравиот избор. Сепак, можно е да се подготви и без масло, а вкусот е подеднакво добар благодарение на една состојка. Освен компири, за оваа поздрава варијанта на помфрит ќе ви требаат белки и зачини по вкус. За почеток, излупете ги компирите и исечете ги за да добијат форма на помфрит. Потоа валкајте ги во изматени белки во кои претходно сте додале зачини по желба. Наредете го помфритот на плех обложен со хартија за печење и печете го во загреана рерна на 200 степени додека не порумени. Времето за печење ќе зависи од јачината на рерната.

Совршен трик со кој помфритот ќе ви испадне совршен како во ресторан

Магдалена Андонова — Mon, 13 Sep 2021 14:02:22 +0000

Помфрит во ресторан е секогаш повкусен од оној што го правиме дома, но има мал трик што може да ги претвори дури и оние обичните „домашни“ компирчиња во највкусниот специјалитет. За почеток, важно е да изберете совршен компир. Изберете ги оние „брашнасти“, со повеќе скроб, како и оние со потемна кора. Скробот е клучот за компирите да бидат крцкави однадвор и меки однатре, вели готвачот Пол Малвоне за Greatist. Следно, начинот на кој го сечете компирите е важен. Оптималната ширина е околу 6 милиметри, ако е потенка лесно ќе изгори, а внатре ќе остане сурова, а ако е подебела нема да биде доволно крцкава. После тоа, следи клучниот дел. Влагата на компирот го отежнува печењето затоа што маснотиите потешко се држат до површината на компирот, затоа исушете ги во кујнска крпа пред печење. А трикот, односно тајната состојка која прави чуда за помфритот, е пченкарно брашно кое едноставно малку го посипувате врз помфрит. Брашното или скробот од него ќе соберат вишок течност и ќе создадат слој на компирот што ќе ви помогне да постигнете крцкавост како во рестораните. Ова е токму клучот за добивање на совршен помфрит. Доволна е лажичка пченкарно брашно за килограм компир. Исто така, не ги „давете“ компирите во масло. Доволна е една лажица масло за килограм компир, и важно е само секој компир да се „премачка“ со масло. Потоа рамномерно распоредете ги на плехот за печење и ставете ги во рерна, која треба да се загрее. Идеалната температура е околу 230 степени Целзиусови. Печете ги околу 20 минути, а на половина од печењето, превртете ги и ќе имате совршен помфрит, како од ресторан.

Најскапата порција помфрит во светот чини 10.400 денари

Ивана Ефремовски — Fri, 30 Jul 2021 08:58:57 +0000

Ресторанот „Серендипити 3“ во Њујорк го собори Гинисовиот рекорд за најскапи пржени компирчиња во светот. Таква нарачка тука, односно новиот специјалитет чини 200 долари (скоро 10.400 денари). Главната состојка на овој специјалитет, се компири зачинети со масло од тартуфи, послужени со сос од сирење и тартуфи. Пред приготвувањето, се бланшираат во шампањски оцет и се пржат во чиста маст. На крајот, тие се украсени и со златна прашина што се јаде. Ова е десетто јадење на ресторанот со кое го соборија Гинисовиот рекорд. Тие претходно веќе ја направија најголемата свадбена торта, најскапиот сладолед, најголемата шоља какао, најскапата плескавица… Листата на чекање за пробување на најскапите компирчиња, е долга – луѓето чекаат 8 – 10 недели за својата резервација. (МИА)

Не е јајце и помфрит: Нешто здраво има во оваа чинија, ќе погодите ли што е тоа?

Ивана Ефремовски — Thu, 29 Jul 2021 15:52:21 +0000

На прв поглед на фотографијата нема ништо необично. Чинија со испржено јајце на око и помфрит. Ама не погодувате што навистина се наоѓа во оваа чинија. Збунети сте? Не грижете се, не сте единствени. Кога малку подобро ќе погледнете, ќе видите дека во чинијата всушност има само овошје. Јаболка исечена на дебели ленти, како помфрит, грчки јогурт кој личи на белка од јајце, а на средината е ставена праска наместо жолчка.

Не е здраво, но еве какво расположение предизвикува помфритот

Магдалена Андонова — Mon, 28 Sep 2020 13:44:16 +0000

Пржениот компир не е дел од здравата исхрана и здравиот начин на живот, но научниците ги открија добрите страни на оваа брза храна. Токму помфритот е одлична храна што го зголемува расположението, вели Мајк Грин, експерт за психологија на храна од Универзитетот Астон во Бирмингем. Д-р Грин спроведе истражување на 60 жени и мажи, дозволувајќи им да консумираат помфрит по трагичниот филм за уништувањето на Хирошима од атомската бомба во 1945 година. Сите испитаници пополнија прашалник за нивното расположение, како пред да го гледаат филмот, така и откако прочитаа списание додека конзумираа помфрит. - Психолошките податоци покажаа дека испитаниците кои се чувствувале лошо претходно, се чувствувале подобро откако јаделе компири, а пржениот компир го избрка лошото расположение по само 20 минути - рече раководителот на студијата. Научниците веруваат дека оваа нездрава храна има таков ефект поради јаглехидратите што ги содржи, и тие можат да го подобрат расположението. Причината може да биде тоа што помфритот со својот мирис и вкус ги потсетува луѓето на детството.