помирување – Kurir.mk

Мастер план на Чарлс: Дали ова ги охрабри Хари и Вилијам да разговараат по погребот?

Магдалена Андонова — Mon, 19 Apr 2021 16:00:45 +0000

Извори блиски до кралското семејство тврдат дека принцот Чарлс измешал прсти во поврзувањето на Хари и Вилијам по погребот на нивниот дедо принцот Филип. Дики Арбитер, поранешниот службеник за односи со јавноста на Кралицата, изјави во емисијата „Добро утро Велика Британија“ дека Чарлс најверојатно сакал неговите синови да го искористат токму тоа време за да го „скршат мразот“. - Веројатно Чарлс нареди да не ги чекаат автомобили за да може сите заедно да одат од капелата Свети Џорџ до замокот, рече Арбитер. - Би бил многу изненаден ако браќата не го искористеа тоа време да разговараат, додаде Арбитер. За време на погребот, Вилијам и Хари одеа покрај ковчегот на нивниот дедо, но одделно. Меѓу нив беше и братучедот Питер Филипс. Сепак, по погребот, тие биле снимени како заедно шетаат и разговараат. Откако фотографиите и снимките од состаноците и разговорите ги преплавија социјалните мрежи, многумина забележаа интересен детал поврзан со Кејт Мидлтон што ги тера сега да мислат дека Кејт била миротворец таму. Имено, Кејт, Вилијам и Хари заедно се упатиле од капелата Св. Џорџ, но во еден момент Кејт заостана зад нив и ги остави браќата да зборуваат сами. Многумина денес тврдат дека таа го сторила тоа намерно за да ги остави да бидат сами и да разговараат по долго време на разделба.

Макрон се заложи за помирување со Алжир

Тале Кристо — Mon, 19 Apr 2021 06:16:17 +0000

Францускиот претседател, Емануел Макрон, изрази волја за помирување на спомените меѓу Французите и Алжирците и покрај „одредениот отпор“ што постои во Алжир. „Верувам дека оваа волја е широко прифатена и од алжирскиот претседател, Абделмаџид Тебун. Точно е дека треба да се земе предвид и одредениот отпор“, рече Макрон за „Фигаро“. Францускиот претседател како неприфатлива ја оцени неодамнешната изјава на алжирскиот министер за труд, Хачеми Џaабуба, кој кажа дека Франција е „традиционален и вечен непријател“ на Алжирците. Традиционално чувствителните односи меѓу Франција и Алжир неодамна дополнително с заладија по одложувањето на патувањето на францускиот премиер Жан Кастекс во Алжир. Од крајот на Алжирската војна за независност во 1962 година, Франција и Алжир истовремено одржуваат и блиски и сложени односи, во заднината на бурното помирување. Двете земји имаат силни економски врски, добра разузнавачка соработка, но болно колонијално минато. А во Франција живее и бројна алжирска заедница.

ФОТО: По секси позата, откриена е најголемата тајна на Клои Кардашијан

Дарко Андоновски — Sat, 29 Aug 2020 18:00:10 +0000

Клои Кардашијан и Тристан Томпсон со месеци одбиваат да откријат дали се помириле или не, но сега нејзиниот поранешен зет Скот Дисик ги разоткри. Откако Клои објави секси фотографија, Скот не можеше да одолее да остави сочен коментар.

View this post on Instagram

The Details ✨excuse me; my @skims are showing Makeup: @ash_kholm Hair: @andrewfitzsimons Dress: @yousef_aljasmi Photo Credit: @amberasaly

A post shared by Khloé (@khloekardashian) on Jul 1, 2020 at 10:50am PDT

„Тристан Томпсон е среќен човек“, напиша тој, потврдувајќи дека се случило помирувањето на старлетата и кошаркарот што ја изневери. Клои позира во црно бикини за да ја покаже својата совршена линија, но и новата колекција бикини од нејзиниот бренд.

View this post on Instagram

Good Swim back in stock NOW!!!!

A post shared by Khloé (@khloekardashian) on Aug 28, 2020 at 7:48am PDT

Во последните месеци, ријалити sвездата тврди дека се гледа со Томпсон само поради нивната заедничка ќерка Тру. Извори блиски до парот споделија со медиумите дека се помириле и се посреќни од кога било. Ако им се верува, Клое се надева дека кошаркарот се сменил и дека овој пат нема да биде снимен како ја изневерува со други девојки во ноќните клубови.

View this post on Instagram

✨ dreaming I was still there ✨

A post shared by Khloé (@khloekardashian) on Aug 25, 2020 at 5:34pm PDT

Во време кога Клои беше бремена, Томпсон беше снимен со серија жени, а потоа фатен како се бакнува со Џордин Вудс, најдобрата пријателка на сестрата на Клои, Кајли Џенер. После тоа, неговата врска со Клои се прекина, но изгледа не засекогаш.

Постигната согласност за процесот на помирување

Ивона Петрова — Fri, 30 Nov 2018 12:10:54 +0000

Претседателот на Владата Зоран Заев по средбата со координативното тело за помирување и интеграција во Собранието изјави дека е постигната согласност за процесот на помирување и за изготвување законско решение. Покажавме политичка волја, рече Заев, дека сме подготвени за еден ваков чекор, посочувајќи дека мора да се направи дистинкција помеѓу оние кои учествувале во настаните од 27 април. -Да оставиме сега на правните тимови кои под раководство на овие посебни групи ќе ги направат следните чекори. Ние денеска изразивме политичка волја. Со моето гостување на самата група јас ја потврдив мојата лична волја и волјата како премиер, рече Заев и изрази убедување дека во натамошната постапка ќе се дознаат сите стручни аспекти на механизмите како да се направи помирување во државата, а истовремено како да се постават и другите апсекти на целите на интерпарламентарната група. Премиерот кажа дека волја и желба постојат, но дека црвените линии не смеат да се поминуваат, што е многу важно за да не ни падне, како што рече, на памет да влијаеме врз правосудниот систем. Потсети дека реформите и независноста на судството се многу важен императив во евроинтеграциските процеси за влез во НАТО и во ЕУ. Не навлегувајќи во деталите од разговорите на средбата, Заев кажа дека треба да се разграничи што е насилство, а што не е насилство, што е тоа насилство, а што е физичко насилство, што е тоа реализација и осмислување и што е тоа некој да учествува во толпата, да биде заведен или понесен. -Сите може да се согласиме дека терористичко загрозување на уставниот поредок не е нешто кое треба да ги опфати сите и не навлегувам подетално само кажувам како пример дека имаме потреба да направиме јасна динстикција и разграничување. Секако, пораката на помирување и подадена рака мора да постои, но и пораката на неповторување на вакви работи исто така мора да постои, рече Заев. МИА

Координација во Собранието за телото за помирување

Ивона Петрова — Tue, 06 Nov 2018 07:07:49 +0000

Претседателот на Собранието на Република Македонија Талат Џафери денеска ќе одржи координација со потпретседателите на Собранието, координаторите на пратеничките групи и претставниците на политичките партии што не се организирани во пратенички групи, со една точка на дневен ред – формирање „Интерпартиско парламентарно тело за помирување и интеграција“. Пратениците на ВМРО-ДПМНЕ нема да учествуваат во телото за помирување, затоа што сметаат дека правдата не треба да биде селективна, туку сите што се вмешани во настаните од 27 април 2017 да бидат амнестирани. Тоа беше и еден од заклучоците на координацијата на нивната пратеничка група која ја одржаа вчеравечер. -Нема да учествуваме во Коодинативното тело за помирување затоа што сè уште немаме содржина на она што би требало да се случува, и според нас тоа е селективноста во правдата која во изминатиот период ја гледаме. Доколку тоа координативно тело донесе заклучоци, одлука или каков било начин за ослободување или решение на проблемите на сите инволвирани од 27 април, ние како пратеничка група ќе го поддржиме тој процес, одлука, закон или што било, изјави Никола Мицевски, координатор на пратеничката група на ВМРО-ДПМНЕ. Во Собранието утре ќе почнат и комисиските расправи за нацрт-амнадманите за измени на Уставот, и за предлогот за одземање на мандатот на пратеникот Никола Груевски, кој според судско решение најдоцна задутре треба да се јави за издржување двегодишна затворска казна по пресудата за „Тенк“. Нацрт-амандманите за уставни измени, кои Владата во петокот ги утврди и му ги достави на Собранието, утре се на дневен ред на Комисијата за уставни прашања. По однос на ова, пратениците на ВМРО-ДПМНЕ, како што соопшти нивниот координатор Мицевски, „ќе дебатираат жестоко за да ги разобличат сите уставни амандмани и она што се случиува во Македонија“. За предлогот за одземање на мандатот на Груевски, пак, утре ќе заседава Комисијата за деловнички и мандатно-имунитени прашања. Неговите сопартијци сметаат дека процесот е политички и својот став ќе го искажат во Собранието. -Согласно законот, се знае кога и како се одзема мандатот на пратениците. ВМРО-ДПМНЕ утре ќе го соопшти својот став по однос на оваа комисија. Ќе видиме како ќе настапат и другите пратенички групи, додаде вчера Мицевски. МИА

Србов: Власта селективно го отвора прашањето за помирување кога тоа и е потребно за уставни измени

Ивона Петрова — Tue, 30 Oct 2018 19:50:05 +0000

Се отвора прашањето за помирување кога на власта тоа и е потребно, кога и се потребни тројца пратеници,кои беа во редовите на ВМРО-ДПМНЕ, а сега се наоѓаат во нивни редови, изјави Никола Србов од ВМРО-ДПМНЕ во емисијата Отворено на Алфа Телевизија. Србов потенцираше дека постои селективност кај власта затоа што премиерот Зоран Заев сака да ги ослободи тројцата пратеници кои со намера овозможиле толпата народ да влезе во зградата на Собранието на Република Македонија, а притоа во затвор да седат луѓе како типот на дедото кој ја повлече Шекеринска за коса. - ВМРО-ДПМНЕ нема да учествува во оваа фарса која ја спроведува власта за наводно помирување и ќе се обидеме овој закон кој веќе го предложивме да помине во Собрание. Бидејќи за да дојде до помирување мора тој закон да ги опфати сите учесници во 27 април. Во друг случај нема помирување туку поделба, истакна Србов. На прашањето дали со законот за амнестија кој го поднесува ВМРО-ДПМНЕ автоматски се учествува и во уставните измени Србов нагласи дека помилувањето и законот не смее да се поврзуваат со уставните измени кои произлегуваат од договорот со Грција и дека власта и Заев намерно ги поврзуваат токму затоа што нив им зависат едно од друго, иако тоа се две различни нешта.