понуда – Kurir.mk

Луда работа: Мбапе летово одбил понуда од 700 милиони евра

Ристе Здравков — Thu, 05 Oct 2023 12:54:55 +0000

Килијан Мбапе ги поминува можеби најлошите денови во кариерата откако составот на ПСЖ буквално се растури, а во текот на летото, за него не бил заинтересиран само Реал Мадрид. Француските медиуми тврдат дека репрезентативецот на оваа земја одбил понуда да заигра една сезона во Саудиска Арабија и да заработи 700 милиони евра. Тоа воопшто немаше да ги поремети неговите планови бидејќи ионака на крајот од сезоната ќе биде слободен играч затоа што му истекува договорот со ПСЖ. Одамна е познато дека главна желба на Мбапе е да се пресели во Реал каде ќе биде шлаг на тортата со играчи како Винисиус, Белингем, Валверде, Камавинга итн., но ќе мора да ја подобри својата форма за да може да биде од помош за шпанскиот тим.

Ракитиќ добил понуда од Саудиска Арабија

Ристе Здравков — Tue, 04 Jul 2023 07:36:55 +0000

Капитенот на Севилја, Иван Ракитиќ, летово би можел да ја продолжи кариерата во Саудиска Арабија. Ракитиќ наводно не сакал да влезе во подлабоки преговори со никого бидејќи сака да остане во клубот. Од друга страна, клубот од Андалузија се наоѓа во катастрофална финансиска ситуација, поради што на секој начин се обидува да го растерети буџетот. Иако Ракитиќ е важен играч за Севилја, во случај на добра финансиска понуда, тие со задоволство би го продале за да се ослободат од неговата плата, бидејќи тој е најплатен играч во тимот. Кога фудбалерот ќе се врати од одмор, клубот ќе разговара со него за да се најде адекватно решение кое на сите би им одговарало.

Меси ја одбил понудата на ПСЖ и сака да се врати во Барселона

Ристе Здравков — Wed, 25 Jan 2023 14:34:03 +0000

Аргентинската ѕвезда Лионел Меси најверојатно нема да го продолжи договорот со Пари Сен Жермен кој истекува на крајот од сезоната. Иако претходно имаше навестувања дека тој донел одлука да остане во Париз најмалку уште една година и дека клубот набрзо и официјално ќе му го достави документот за продолжување на соработката, сепак, сега доаѓаат информации дека тој го променил мислењето. Како што објави шпанскиот новинар Жерар Ромеро, Аргентинецот повеќе не е сигурен дека сака да го продолжи договорот со парижаните и почнал да разгледува опции за враќање во Барселона. „Од денес, Меси не сака да продолжи со ПСЖ“, објави Ромеро на Твитер. „Освојувањето на Светското првенство го смени начинот на кој размислува Меси. Сега тој го цени она што го има сега повеќе од она што може да го има во иднината“. „Марка“ тврди дека сето тоа е точно и објаснува дека Меси всушност ја исполнил последната голема цел што ја имал во кариерата с освојување на мундујалскиот трофеј и сега само сака да игра фудбал таму каде што би бил најсреќен. Очигледно дека многу му недостасува „Камп Ноу“, каде ја мина целата претходна кариера и животот во Барселона.

Модриќ одбил да му стане соиграч на Роналдо и покрај тоа што на маса имал неверојатни…

Ристе Здравков — Wed, 25 Jan 2023 12:48:26 +0000

Медиумите од Шпанија пренесуваат дека Лука Модриќ одбил да му стане соиграч на Кристијано Роналдо и покрај тоа што Ал Наср на маса ставил две ипол годишен договор вреден 100 милиони евра, Хрватот сака да продолжи во Реал Мадрид. Лука Модриќ можел да стане еден од тројцата најплатените фудбалери во светот (покрај Кристијано Роналдо и Килијан Мбапе), Ал Наср изразил сериозна желба да го ангажира Хрватот. Клубот од Саудиска Арабија на маса ставил две ипол годишен договор вреден 100 милиони евра. И покрај тоа што имал можност да заработува неверојатна сума на пари и одново да игра покрај Кристијано Роналдо, Лука Модриќ го одбил предлогот. Фудбалерот од средниот ред сака да продолжи во Реал Мадрид и да стави потпис на нов договор со „кралевите“.

Ван Де Бек ја одбил првата понуда која стигнала на негова адреса

Ристе Здравков — Mon, 17 Jan 2022 09:14:38 +0000

Фудбалерот на Манчестер Јунајтед, Дони Ван Де Бек ја одбил првата понуда која стигнала на негова адреса. Холанѓанецот не е задоволен со минутажата на „Олд Трафорд“, па постои можност во јануари да ја промени средината со цел да добие поголем простор за докажување на теренот. Ралф Рангник во неколку наврати посочи дека сака да го задржи фудбалерот од средниот ред во своите редови, но барем досега не му дал доволно шанса за да ги покаже своите квалитети. Медиумите во Англија пренесуваат дека Ван Де Бек добил понуда следните шест месеци да ги помине во Њукасл како позајмен фудбалер. Сепак, самиот фудбалер ја одбил оваа понуда затоа што сметал дека Њукасл не е идеалното место за негово понатамошно развивање. Засега тој ќе остане во Манчестер Јунајтед, но не се исклучува можноста да си оди од клубот во следниот период.

Њукасл ќе испрати понуда до четворица играчи на Јунајтед

Ристе Здравков — Mon, 11 Oct 2021 08:29:11 +0000

Аманда Стејвли како нова директорка и косопственичка на Њукасл веќе отворено проговори за големите амбиции кои ќе ги има клубот уште во јануарскиот преоден рок, најави со кои само им остави простор на англиските таблоиди и весници да почнат да истражуваат и да ги „намирисаат“ вистински трансфер цели на новите газди. Стејвли е жената која беше главна во преговорите на Саудијците и која му овозможи на милијардерскиот конзорциум да добие најголем дел од акциите на Њукасл (80 проценти), а како косопственичка која има 10 процени од акциите на клубот, во иднина ќе ја извршува директорската функција и засега се истакнува како највлијателно лице во новиот проект. Првичниот план на Њукасл е да му врачи отказ на Стив Брус и да пронајде нов менаџер кој ќе го води тимот, сценарио кое го најави и самиот менаџер на „страчките“ веднаш по комплетирањето на продажбата, но после ова, на ред ќе дојде планирањето на првиот тим. Угледниот „Мирор“ тврди дека очите на новите луѓе од Њукасл првично ќе бидат посебно насочени кон „Олд Трафорд“, каде има неколку играчи кои не се задоволни од својот статус во тимот на Оле Гунар Солскјер, а кои можат да бидат огромни засилувања за новиот проект. Познатиот весник информира дека Њукасл планира да испрати понуди до четворица играчи на Јунајтед, односно до Дони Ван де Бек, Антони Марсијал, Џеси Лингард и Ерик Баји. „Мирор“ смета дека сите четворица имаат добри причини да си заминат од театарот на соништата, иако најмалку шанси за такво нешто има Лингард со кого „ѓаволите“ преговараат за нов договор. Останатите тројца се во втор или трет план кај Солскјер, па се верува дека Њукасл ќе влезе со добри шанси за нивен ангажман уште во јануари.

Црногорските пратеници бараат истрага за понудата која ја добил Абазовиќ да не го урива Ѓукановиќ од власт

Тале Кристо — Fri, 04 Dec 2020 16:40:17 +0000

Црногорските пратеници од мнозинството, но и од опозицијата во Парламентот денеска побараат надлежните органи да ја истражат изјавата на претседателот на УРА Дритан Абазовиќ дека му бил понуден поткуп од 21 милион евра за да не се приклони кон партиите кои имаа за цел да ја симнат од власт Демократска партија на социјалистите (ДПС) на Мило Ѓукановиќ. Пратеникот од Демократскиот фронт Предраг Булатовиќ ги повика надлежните веднаш да ги истражат наводите на Абазовиќ затоа што станува збор за „политичка корупција“. На барањето се придружи и пратеникот од опозициската ДПС Даниел Живковиќ, кој рече дека доколку не го сторат тоа властите, тогаш постапка ќе иницира неговата партија. Во синоќешната изјава Абазовиќ не сакаше да открие кој му ги понудил парите. Тој тврди дека добивал понуди од сите страни и од „некои кланови“, но одби да каже кој и што му нудел. – Вистина е дека добивав понуди од некои кланови. Не сакам од себе да правам жртва. Имам големи притисоци бидејќи влогот е огромен, кој го добивме по изборите. Но, не се чувствувам небезбедно, изјави синоќа Абазовиќ.

Рома ќе ја зголеми понудата за Смолинг на 20 милиони евра, Јунајтед бара 25

Дарко Андоновски — Thu, 03 Sep 2020 06:56:09 +0000

Напредуваат преговорите меѓу Рома и Манчестер јунајтед за трансфер на дефанзивецот Крис Смолинг, кој минатата сезона ја помина во римскиот клуб на позајмица. Рома ќе ја зголеми понудата за 30-годишниот Англичанец на 20 милиони евра плус бонуси, додека Јунајтед го проценува играчот на 25 милиони, пренесува „Sky Sport Italia“. Според изворот, буџетот за трансфер на Рома се зголемил со доаѓањето во клубот на новиот сопственик Дан Фридкин.

ФОТО: Осогово по Мурињо спреми „понуда“ и за Меси, 200 камиони се на пат за Барселона

Ристе Здравков — Wed, 26 Aug 2020 14:01:35 +0000

Вторлигашот Осогово е познат по активноста на социјалните мрежи, откако привлече внимение со „понудата“ за Мурињо, сега има нова, тргнува по Меси со 200 камиони кон Барселона. Осогово подготвил 200 шлепери со ориз, компензација која и се „нуди“ на Барселона за потписот на Меси. Кочани како град познат по оризот, е „подготовен“ да му каже добредојде на Аргентинецот.

Компензацијата е спремна! Се товараат и последните 36 шлепери од вкупно 200 со биен ориз кои во текот на денот треба да тргнат за #Барселона! договорот е за 1 месец. П.С. Подобро еден месец да Рика Лавот, одколку цел живот мјаууу! #AvantiOsogovo?? pic.twitter.com/hyr9upFSWI
— GFK Osogovo (at ?) (@gfkosogovo) August 26, 2020

Арсенал му понуди на Вилијан тригодишен договор

Магдалена Андонова — Thu, 06 Aug 2020 12:25:27 +0000

Арсенал му понуди договор за тригодишна соработка на напаѓачот на Челзи, Вилијан, објави „Скај Спорт“. Според британскиот медиум, „топчиите“ се силно заинтересирани за 31-годишниот Бразилец. Претходно во медиумите имаше информации дека самиот фудбалер им кажал на своите пријатели за желбата да се пресели во Арсенал. Во сезоната 2019/20, Вилијан настапи на 47 настапи за Челзи со 11 голови и девет асистенции. Договорот на играчот со „сините“ важи до крајот на сезоната 2019/20, а фудбалерот најверојатно ќе го напушти клубот како слободен агент. (MИА)