попладне – Kurir.mk

Во Охрид за едно попладне казни 91 возач за пребрзо возење

Тале Кристо — Mon, 26 Apr 2021 14:49:38 +0000

Сообраќајната полиција што работи во рамки на Секторот за внатрешни работи од Охрид вчера попладнето поднесе прекршочни пријави против 91 учесници во сообраќајот кои управувале моторно возило со брзина поголема од пропишаната. Од казнетите возачи дури 59 возеле пребрзо во населено место. Од СВР – Охрид појаснуваат дека согласно законските измени и членот 344 од Законот за безбедност на сообраќајот на патиштата, поради изминат рок на важност на возачки и сообраќајни документи од шест или повеќе месеци во периодот од 26 декември минатата година до 22-ри овој месец има одземено 16 возила од кои 15 нерегистрирани подолго од 6 месеци и едно возило упатено на проверка на техничка исправност. Согласно новата легислатива ако биде утврдена техничка неисправност на возилото која се однесува на предизвикување на голема бучава или во случај кога сообраќајната дозвола за возилото е со изминат рок на важност од шест или повеќе месеци, возилото се одзема во времетраење од 90 дена. Полицијата ќе може на лице место да одзема регистарски таблички од возилата и да ги отстранува од сообраќај доколку постои сомневање за нивна техничка неисправност. Таквите возила може да бидат задржувани до 90 дена. Законот предвидува и трајно губење на возачката дозвола за возачи кои почесто се јавуваат како сторители на посериозни прекршоци во сообраќајот или на сообраќајни незгоди со потешки последици.

Претпладне сонце, попладне облачно време со врнежи и грмежи

Тале Кристо — Mon, 12 Oct 2020 07:09:55 +0000

Под влијание на циклонска активност, попладнево, во текот на ноќта и утре претпладне ќе биде облачно со врнежи од дожд. Врнежите ќе почнат од запад, а во вечерните и во ноќните часови ќе се прошират низ целата земја. На повеќе места се очекуваат обилни количини од 30 до 40 литри на метар квадратен, а на места и повеќе, информира Управата за хидрометеоролошки работи (УХМР). Во ноќните и во раните утрински часови кон вторник, врнежите на места ќе бидат поројни и проследени со грмежи. Ќе дува засилен ветар, денеска од југоисточен, а утре од југозападен правец. Преодно стабилизирање на времето ќе има во среда, а нов влажен бран се очекува во четврток кон крајот на денот и во петок.

Сончево време со мала облачност, попладне дожд

Тале Кристо — Mon, 25 May 2020 05:58:11 +0000

Времето ќе биде сончево со мала до умерена облачност и со умерен, повремено засилен северен ветер. Попладне ќе има услови за краткотраен локален дожд. УВ индексот ќе биде 7, информира Управата за хидрометеоролошки работи. Утринската температура ќе се движи од 4 до 14 степени, а дневната од 14 до 25 степени. Во Скопје и околината слично време со утринска температура до 8 степени, а дневна до 22 степени.

Претпладне облачно, попладне сончево со северен ветер

Тале Кристо — Sat, 22 Feb 2020 08:17:44 +0000

Времето претпладне во поголем дел од земјава ќе биде променливо облачно, а од пладневните часови облачноста ќе се намали. Ќе дува умерен до засилен ветер од северен правец, особено изразен долж Повардарието. Во текот на денот облачноста ќе се намалува. Максималната температура ќе биде во интервал од 5 до 11 степени. Во Скопје, променливо облачно, од пладневните часови со чести сончеви периоди и со умерен до засилен ветер од северен правец. Максималната температура ќе достигне до 8 степени.

Попладне не излегувајте од дома без чадор- УХМР најавува дожд, грмежи и град!

Дарко Андоновски — Mon, 23 Sep 2019 10:06:21 +0000

Нестабилно со повремени врнежи од дожд, што на места ќе бидат и над 20 литри на квадратен метар, најавуваат метеоролозите за денеска попладне и утре. Од УХМР информираат дека денеска попладне и утре под влијание на влажен бран од Медитеранот, времето ќе биде претежно облачно и нестабилно со повремени врнежи од дожд. На места врнежите ќе бидат пообилни (над 20 литри на квадратен метар), проследени со грмежи, засилен ветер и услови за ретка појава на град.

Попладне локален пороен дожд, до крајот на неделата пресврт во времето

Дарко Андоновски — Mon, 14 May 2018 13:10:35 +0000

Попладне и кон крајот на денот ќе има локален пороен дожд и грмежи, особено во крајните западни и југоисточни делови. Ќе дува слаб до умерен ветер од југозападен правец, што попладне на места ќе засилува. Максималната температура ќе биде во интервал од 20 до 28 степени. УВ индексот ќе изнесува 7. Утре времето ќе биде променливо облачно со повремен локален дожд. Ќе дува умерен до засилен јужен ветер. Попладне, а особено во вечерните часови ќе биде нестабилно со пороен дожд и грмежи. На места процесите ќе бидат поинтензивни во форма на невреме со обилен пороен дожд, засилен ветер и можна појава на град. За кратко време, претежно во западните и северните делови се очекува да наврне поголемо количество воден талог (локално над 25 л/м²). Утринската температура ќе се движи од осум до 14, а дневната од 16 до 28 степени. И во Скопската котлина попладне ќе биде нестабилно со пороен дожд и грмежи, а во вечерните часови процесите ќе се интензивираат. Потоа, во наредните три дена ќе биде претежно стабилно, освен во планинските региони каде ќе има краткотраен дожд со ретки грмежи.

Понесете си чадор- попладнево не очекува дожд и грмежи

Дарко Андоновски — Thu, 10 May 2018 11:58:10 +0000

Времето денеска ќе биде променливо облачно, попладне на повеќе места нестабилно со пороен дожд и грмежи. Ќе дува слаб до умерен ветер од северен правец со температури до 25-от степен.

Во скопско променливо облачно, претпладне со повеќе сончеви периоди, а попладне со услови за појава на краткотраен дожд и ретки грмежи. Ќе дува слаб до умерен ветер од северен правец. Температурата ќе се движи од 14 до 24 степени. Викендов ќе има локална појава на пороен дожд со ретки грмежи, но процесите се очекува да бидат послаби. Потоа и во следните денови времето ќе биде променливо облачно со повремени врнежи од дожд и појава на грмежи, а процесите ќе бидат со променлив интензитет.