Попова Шапка – Kurir.mk

Речиси четири часа се гаси пожар во производствен објект на патот Тетово-Попова Шапка

Тале Кристо — Thu, 14 Sep 2023 08:44:54 +0000

Пожар избувна во производствено-деловен објект на патот од Тетово кон Попова Шапка и сè уште се гаси од тетовските пожарникари. Пожарот бил пријавен во 6 часот и 15 минути на бројот за итни случаи. Тетовските пожарникари сè уште интервенираат на гаснењето на огнот и ликвидирање на пожарот. - При интервенцијата има и повредени пожарникари, сè уште интервенираме, информираше командирот на тетовската пожарна Авни Амети.

Граѓаните алармираат: Пукната е челичната сајла на жичницата од Тетово до Попова Шапка

Ивона Петрова — Thu, 17 Aug 2023 10:23:43 +0000

Сајлата од жичницата Тетово - Попова Шапка на неколку места е распукана или пак се повеќе се спушта до земјата блиску до патиштата, објекти и шумата. Граѓаните кои ја забележале оваа појава алармираат дека поради ваквата состојба на ова километарско челично јаже може да предизвика некој опасност по луѓето, но и по објектите. - Сајлата е оштетена и постои опасност да се искине. Бидејќи сајлата е затегната, мора да помислиме на тоа како би изгледало, како на пример доколку нешто како затегнат ластик, кој доколку се искине знаеме што се случува. Би можел да додадам дека е изградена помеѓу периодот 1962 до 1965 година. Стара е веќе над 60 години. Тоа е челична сајла, обложена е со тие челични влакна што се околу нејзе и „кошулицата“ е оштетена. Така покрај жичарава каде што се поставени столбовите во моментот има две села и објекти каде што се близу жичарницата и останува само прашање што се може да се случи доколку сајлата се искине, изјави Надир Мурсели, алпинист со големо искуство и во спасувачки операции на планина. На неколку места сајлата е толку спуштена што е прашање на време кога некое повисоко возило како автобус или камион би го допреле ова челично јаже. - Другите недостатоци се дека таа на повеќе места се спушта и како што можевте да видите на тоа се повеќе места од патот што води кон Тетово-Попова Шапка. И тоа е еден проблем доколку се спушти скроз сајлата до патот, нема да можат коли да поминуваат како и да се стигне до селата. Големите возила доколку не постои внимателност дека постои таква опасност како што се камиони, автобуси може да биде опасно, потенцира Мурсели. Во управата на ЕЛЕМ Турс која раководи со ски-центарот Попова Шапка велат дека жичарницата е во нивна надлежност и се во тек со состојбата. - Од страна на техничко одговорно лице се олабавува сајлата одвреме на време за да не се скине сајлата па да направи посериозни проблеми. Реално тоа треба да се отстрани целосно од столбовите. Наша надлежност е да се тргне. Ќе видиме, имаме во план, работиме на тоа да направиме некоја постапка за да ја отстраниме целосно сајлата. Баравме да се направи увид од техничка инспекција за да имаме насоки и ќе исконтактираме со инженерите од Машински факултет коишто ни прават испитувања и за другите жичарници. Да ни дадат конкретно некоја насока што да преземеме за да можеме да ја отстраниме. Тоа е стара и огромна сајла и треба да се преземат чекори поради безбедност за да може да се отстранат. Не можам да кажам конкретно време но имаме сознание за тоа, преземаме чекори што се во наша надлежност, изјави Адем Авзиу, управител на ЕЛЕМ Турс. Жичницата Тетово-Попова Шапка е со должина од околу 6,5 километри. Возењето во т.н. воздушни гондоли за четири лица траеше 40 минути, со капацитет од 400 луѓе на час.

Десетина сантиментри нов снег на Попова Шапка (ФОТО)

Ристе Здравков — Wed, 26 Apr 2023 08:12:13 +0000

Промената на временските прилики и ниските температури изминатата ноќ резултираа со нова снежна покривка на скијачко-рекреативниот центар Попова Шапка. Луѓето од сместувачките капацитети и угостителски објекти на социјалните мрежи споделија фотографии од новата снежна атмосфера на Попова Шапка. – Зимата никако да си оди. Ноќеска наврнаа 10-20 сантиметри снег на Попова Шапка. Но овој снег е мек и нема да биде добар за скијање. Со снегот имаме само прилика за нови фотографии преку кои ќе доловиме една снежна бајка на скијачкиот центар, изјави за МИА менаџер од угостителско-сместувачкиот објект „Конак“. Ски-центарот Попова Шапка инаку уште на 19 март извести дека поради високите температури и немањето соодветни услови за скијање, официјално се затвора зимската сезона.

Утрово -10 степени на Попова Шапка

Ивона Петрова — Fri, 07 Apr 2023 08:33:26 +0000

Минусни температури утрово се измерени на Попова Шапка - 10 степени Целзиусови, -7 во Маврови Анови, -4 во Берово, Крушево и Скопје-Петровец, -3 во Тетово, -2 во Крива Паланка, Охрид, Претор и Штип, -1 во Скопје-Зајчев Рид, Виница, Дебар, Струмица и Демир Капија. Од Управата за хидрометеоролошки работи информираат дека нула степени се регистрирани во Битола и Прилеп, 1 во Куманово, 3 во Дојран и 4 во Гевгелија. Висината на снежната покривка на Попова Шапка изнесува пет сантиметри. Времето денеска ќе биде сончево со мала до умерена облачност. Ќе дува слаб до умерен ветер од западен и северозападен правец. Максималната температура ќе биде во интервал од 10 до 17 степени. Во Скопје сончево време со мала до умерена облачност. Ќе дува слаб ветер од променлив правец. Максималната температура ќе достигне 14 степени.

Најмногу снег и најстудено на Попова Шапка

Ивона Петрова — Thu, 06 Apr 2023 08:47:40 +0000

На Попова Шапка утрово се измерени - 9 степени, - 5 во Маврови Анови, -4 во Крушево, -3 во Берово, -1 во Крива Паланка, а нула степени во Битола, Прилеп, Виница, Куманово. Еден степен е измерен во Тетово, Дебар, Штип, Охрид, Претор, Струмица, два во Скопје-Зајчев Рид, Скопје-Петровец, три во Дојран, четири во Демир Капија и пет степени во Гевгелија. Како што информира УХМР, утрово во 8 часот на Попова Шапка е измерена снежна покривка од пет сантиметри, а еден сантиметар во Маврови Анови. Во текот на ноќта и изутринава времето беше умерено до значително облачно. Намалена облачност утрово има во североисточниот дел од земјава. Дуваше слаб до умерен ветер претежно од северен правец. Претпладне ќе биде променливо облачно, а попладне сончево со мала до умерена облачност. Во југозападните делови ќе се задржи пооблачно и ќе има слаби локални врнежи, во пониските подрачја од дожд, а во повисоките од снег. Ќе дува слаб до умерен, а долж Повардарието повремено засилен ветер од северен правец. Максималната температура ќе биде во интервал од 7 до 13 степени. Во Скопје променливо облачно со сончеви периоди, а попладне облачноста ќе се намали. Ќе дува умерен, долж Повардарието повремено засилен северен ветер. Максималната температура ќе достигне до 10 степени.

Каде во Македонија е најстудено, а на кое место има најмногу дожд?

Ивана Ефремовски — Tue, 28 Mar 2023 07:43:55 +0000

Утрово на Попова Шапка е измерена најниска темепратура од -9 степени. Следат Маврови Анови, Крушево и Лазарополе со -3 , -1 во Крива Паланка, 0 Берово, 1 Охрид, Прилеп, Претор и Виница, 2 Битола и Тетово, 3 Штип, 4 во Струмица, Скопје-Петровец, Скопје-Зајчев Рид, Демир Капија, 5 Дојран и 7 степени во Гевгелија. За изминатите 24 часа до 08 часот утрово (во l/m2) најмногу дожд има во Охрид со 31 литар на м2, 23 во Маврови Анови, 19 Претор, Крушево 16 Битола, 15 Прилеп, 11 Виница, 10 Пожаране, Тополчани, 9 Струмица, 8 Штип, Демир Капија, Попова Шапка, Охрид, 7 Тетово, 5 Куманово, Крива Паланка, 4 Дојран, 3 Скопје – Зајчев Рид, Ѓуриште, Гевгелија, 2 Скопје – Петровец и 1 л/м2 во Берово. На Попова Шапка во 8 часот, се измерени 3 см снежна покривка Денеска времето ќе биде променливо облачно и студено со сончеви периоди. Во раните претпладневни часови во југозападните делови ќе има слаби врнежи од дожд, а на планините и на повисоките места во текот на денот ќе провејува слаб снег. Ќе дува засилен до силен ветер од северен правец, особено во источните делови и долж Повардарието (локално над 80 км/час). Максималната температура ќе биде во интервал од 5 до 12 степени. Во Скопје променливо облачно и судено со сончеви периоди. Ќе дува засилен северен ветер, кој ќе надминува брзина над 60 км/час. Максималната температура ќе достигне до 9 степени.

Најстудено на Попова Шапка -8 степени, најмногу дожд во Битола

Ивона Петрова — Fri, 17 Mar 2023 08:21:17 +0000

Утрово најниска температура од -8 степени е измерена на Попова Шапка. Со -6 степени следи Маврови Анови, -5 Крушево, -1 Берово, Охрид, Претор, Битола, Прилеп, Дебар, 0 Крива Паланка, Виница, 1 Тетово, Штип, Струмица, 2 Скопје-Зајчев Рид, Куманово, Демир Капија, Дојран, 3 Скопје-Петровец, 4 Гевгелија. Најмногу наврнат воден талог за изминатите 24 часа до 7 часот е регистриран во Битола - 6 литри на м2, потоа Демир Капија, 4 Берово, Дојран, 2 Крива Паланка, Тополчани, Виница, 1 Прилеп, Гевгелија, Ѓуриште. Во Крушево, висината на снежната покривка во 7 часот била 10 сантиметри, во Берово три, Ѓуриште - 2, Попова Шапка, Битола и Тополчани - 1. Времето денеска променливо облачно со умерен, а долж Повардарието повремено засилен ветер од северен правец. Максималната температура ќе биде во интервал од 7 до 14 степени. Во Скопје променливо облачно со слаб до умерен ветер од северен правец. Максималната температура ќе достигне до 12 степени.

Утрово најстудено на Попова Шапка со -6 степени, -3 во Крушево и Маврови Анови

Тале Кристо — Sun, 12 Mar 2023 09:37:32 +0000

На Попопова Шапка утрово се измерени -6 степени Целзиусови. Следат Маврови Анови и Крушево со -3, -1 во Берово и Крива Паланка, 1 Куманово, 2 Битола, Прилеп, Охрид, Претор, Дебар, Виница, 3 Тетово, Штип, 4 Скопје Зајчев Рид, Скопје-Петровец, 6 Дојран, Демир Капија и 7 во Гевгелија. За изминатите 24 часа до 7 часот (во л/м2) наврнат воден талог има во Дебар 4 л/м2, 3 Попова Шапка, 2 Штип, Берово, Крушево, Маврови Анови, 1 Охрид, Виница, и помлаку од 1 л/м2 во Скопје Петровец, Тетово, Крива Паланка и во Куманово. Снежната покривка во 7 часот на Попова Шапка е 5 см, а 2 во Крушево и Лазарополе. Времето денеска наутро променливо облачно, во текот на денот сончево и посвежо со мала до умерена облачност. Ќе дува засилен ветер од северен правец, особено долж Повардарието. Максималната температура ќе биде во интервал од 8 до 14 степени. Во Скопје сончево и посвежо со мала до умерена облачност. Ќе дува засилен северен ветер. Максималната температура ќе достигне 12 степени.

Слаби врнежи од снег утринава на Попова Шапка и на планинските премини Пресека и Ѓавато

Тале Кристо — Sun, 12 Mar 2023 08:18:28 +0000

Слаби врнежи од снег утриава има на Попова Шапка, како и на планинските премини Пресека и Ѓавато, но без проблеми во одвивањето на сообраќајот. Сообраќајот на останатите државни патишта се одвива непречено, по наместа влажни коловози, соопшти АМСМ. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На Попова Шапка измерени 21 сантиметар снег

Ивана Ефремовски — Mon, 06 Mar 2023 08:20:03 +0000

Снежната покривка на Попова Шапка утрово изнесува 21 сантиметар, каде се измерени и -5 степени Целзиусови. Од Управата за хидрометеоролошки работи информираат дека -5 степени се измерени и во Берово, -3 во Скопје-Петровец, -2 во Крива Паланка, Тетово, Куманово и Маврови Анови, -1 во Скопје-Зајчев Рид, Битола, Прилеп, Штип, Демир Капија, Струмица и Лазарополе, 0 степени во Виница, Крушево, 1 во Гевгелија, 2 во Претор, 3 во Дебар и 4 во Охрид и Дојран. Синоптичарите за денеска најавуваат сончево време со мала до умерена локална облачност, а во крајните западни делови ќе биде променливо облачно со услови за слаб локален дожд. Ќе дува слаб до умерен ветер од јужен правец. Максималната температура ќе биде во интервал од 11 до 17 степени. Во Скопје ќе преовладува сончево време со мала до умерена облачност и со слаб до умерен ветер од југоисточен правец. Максималната температура ќе достигне 15 степени. (МИА)