поправка – Kurir.mk

Австрија прва во ЕУ субвенционира поправка на електрични уреди

Тале Кристо — Tue, 26 Apr 2022 12:33:30 +0000

Австрија со поддршка на Европската Унија ќе субвенционира поправка на стари или расипани електрични апарати со цел да ги поттикне граѓаните да ги користат што подолго, а крајната цел е да заштита на ресурсите, животната средина и одржлива циркуларна економија. Државата од денеска ќе ги финансира граѓаните со ваучери до 50 отсто од трошоците за секоја поправка на електричен или електронски уред, а субвенцијата може да изнесува најмногу до 200 евра, јавија австриските медиуми. Проектот „бонус за поправки“ го смисли австриското Министерство за заштита на климата, а за таа цел до 2026 година веќе се обезбедени 130 милиони евра од Фондот за обнова „Следната генерација на ЕУ“.

ДИК го преправи Записникот, велат било техничка грешка (ФОТО)

Тале Кристо — Sat, 18 Jul 2020 16:19:47 +0000

Откако вчера во медиумите обелоденија за нелогичности во резултатите од изборите што ги објави Државната изборна комисија, денеска Комисијата го коригираше записникот. Велат станувало збор за технички грешки при објавување на бројките. Според новите бројки, зголемен е бројот на граѓани кои гласале и бројот на неважечки ливчиња – сега соопштија дека всушност гласале 943.750 гласачи. Од нив 912.186 се важечки ливчиња, а бројот на неважечки ливчиња е 31.564. Измена има и кај бројот на неупотребени гласачки ливчиња кој од завчерашните 869.889 се зголеми за 624 и сега изнесува 870.513. Во четвртокот пак ДИК соопшти дека гласале 942.334 гласачи, или за 1.416 помалку од денеска објавеното, а од нив 31.466 биле неважечки. Според направената исправка излегува дека бројот на неважечки ливчиња е зголемен за 148.

Ви паднал телефонот во вода? Еве 5 начини како да го спасите

Магдалена Андонова — Mon, 13 Jul 2020 13:50:54 +0000

Првото нешто кое што треба да го направите доколку вашиот телефон ви падне во вода е да го отворите и да ја извадите неговата батерија, а потоа да го избришете со пешкир. Доколку тоа ви се случи надвор од вашиот дом, прво треба да утврдите дали течноста влегла во вашиот телефон и стигнала до матичната плоча која што е ''мозокот'' на телефонот. Тоа се утврдува лесно, така што телефонот набрзо ќе почне да ''багува''. Ова се работите кои што треба да ги преземете доколку телефонот ви падне во вода: 1. Ориз Ова е добра идеја доколку вашиот телефон не паднал целосно во вода, а експертите велат дека подобар е инстант отколку интегрален ориз. Се става во кеса со ориз и се остава така. 2. Фен Најважно е телефонот добро да го исушите со фенот, бидејќи сите негови делови не можат да се избришат со пешкир. Телефонот никогаш не оставајте го на сонце. Употребете фен. 3. Правосмукалка Правосмукалката подобро суши од фенот, па доколку тоа ви се случи во вашиот дом тогаш уклучете правосмукалка и поминете со неа по сите делови од телефонот. 4. Песок за мачки Кој има мачка очигледно ја решил работата. Песокот има неверојатна моќ за впивање на влагата. 5. Мајстор Сте го вклучиле, сте го наполниле телефонот - работи. Сепак, однесете го на мајстор доколку телефонот ви е нов и скап и доколку мислите дека тоа е потребно за да бидете целосно сигурни.

Маж почина додека поправал багер, машината го згмечила

Ивона Петрова — Tue, 10 Apr 2018 08:19:10 +0000

Четириесет и шестгодишниот А.Р. од село Лакавица починал вчера откако при поправка на работна машина-багер бил фатен во пределот на градите помеѓу двата подвижни дела. Несреќата се случила околу 14:10 часот во гостиварското село Беловиште. Од полицијата информираат дека лекар во Медицинскиот центар во Гостивар ја констатирал смртта на четириесет и шестгодишниот А.Р., а увид на местото на настанот извршиле Јавен обвинител и увидна екипа од Полициската станица Гостивар, како и трудов инспектор од Државниот инспекторат за труд. По наредба на Јавен обвинител телото на починатиот било предадено на обдукција.