поранешен партнер – Kurir.mk

Млада скопјанка нападната од поранешниот партнер

Ивана Ефремовски — Mon, 25 Sep 2023 17:37:28 +0000

На 24.09.2023 во 09:00 часот во СВР Скопје, 22-годишна жена пријавила дека на 23.09.2023 околу 22:00 часот на подрачјето на Карпош била физички нападната од нејзиниот поранешен партнер А.Ј.. Се преземаат мерки за расчистување на случајот.

Петте знаци кои откриваат дека вашиот поранешен партнер ве сака назад

Магдалена Андонова — Mon, 30 Nov 2020 11:08:24 +0000

Сите барем еднаш сме искусиле поранешниот партнер да се покае по раскинувањето и да сака да ја продолжи врската или да зажалиме што не сме успеале да одржиме врската. Според љубовните експерти, по раскинувањето се случува една многу честа работа. Односно, личноста која не сакала да раскине да не може да престане да размислува што би се случило доколку сè уште би биле заедно со партнерот. А еве кои 5 знаци откриваат дека вашиот поранешен партнер ве сака назад т.е сака повторно да биде со вас: Љубоморен е на вас Поранешниот нема да биде љубоморен на вас ако веќе не чувствува ништо. Во случај да го иритира фактот дека ви оди добро во животот, дека можеби се појавил некој нов со кого се гледате, тоа значи дека тој сè уште не го преболел раскинувањето. „Дали тој покажува знаци на љубомора кога ве гледа некаде со пријателите или ги гледа вашите фотографии на социјалните мрежи на кои вие сте со некој друг? Ова се знаци дека тој сè уште се грижи за вас.“ – вели експертот за врски, Залгман Брегман. Често ви се јавува Всушност, зависи од тоа за што тој сака да зборувате ако ве контактира често. На пример, ако ова се обични разговори како на пример „Како си, што правиш“, не мора да значи дека тој сака помирување, можеби тоа го прави од почит кон вас и затоа што е добро воспитан. Но, ако поранешниот партнер инсистира на повеќе приватни разговори, како споделување детали од неговиот живот и воедно ве прашува детали за вашиот живот, тогаш е можно тој сè уште да не го прифатил фактот дека повеќе не сте заедно. Ве прашува дали имате некој „Ако вашиот поранешен партнер е премногу љубопитен дали имате некој нов во животот, тоа е знак дека тој сè уште мисли на вас и на тој начин сака да знае дали сте сè уште достапни.“ – вели Бергман. Се распрашува наоколу за вас Поранешниот партнер постојано се распрашува наоколу и особено ги прашува вашите пријатели и познаници за вас? Многу е веројатно дека му недостасувате и сакате помирување. „Ако вашето име постојано се споменува во разговорите со заеднички пријатели, тој сепак може да биде заинтересиран и да посакува да му се вратите. Ако имате нов партнер, а дознавте дека поранешниот партнер ги прашува вашите пријатели и познаници за тоа, можно е да жали што „ве пуштил““ – вели брачниот и семејниот терапевт Кристи Чаркутијан. Ги признава своите грешки Ако вашиот поранешен партнер разговара со вас и притоа ги признае своите грешки што довеле до раскинувањето, големи се шансите дека навистина жали за истото и сака да му даде уште една шанса. „Ова исто така може да биде знак дека тој сака да ве задржи како опција сè додека не ги смени работите во однесувањето што доведоа до раскинување“ – објаснува Чакутијан. Ако забележите дека вашиот поранешен се однесува вака, може да биде дека тој не ја изгубил надежта за помирување со вас. Како што луѓето се менуваат, така се менуваат и емоциите и сосема е возможно да успее врската што не успеала во одреден момент во минатото. Дали е добра идеја да се помирите, секако, зависи од многу фактори – на пример, во која фаза од животот сте идвајцата, дали имате заедничка идеја за иднината, која беше причината за раскинувањето и се подразбира, на вас е да одлучите дали вреди да му дадете втора шанса на вашиот поранешен партнер. Извор: НАНЕ

Зошто секој хороскопски знак сè уште размислува за поранешниот партнер?

Ристе Здравков — Sun, 16 Aug 2020 19:04:53 +0000

Дали помина многу време откако раскинавте со партнерот, но сè уште мислите на него? Астрологијата ќе ви ја открие причината за тоа. Овен Здодевно ви е и сакате да внесете малку возбуда во вашиот живот. Бик Во последно време се чувствувате осамено и сакате некој да ја пополни таа празнина. Близнаци Созреавте и не можете да престанете да се прашувате дали врската би функционирала сега кога сте постари и помудри. Рак Постојано гледате како името на поранешниот партнер се појавува на Интернет и го слушате во разговор и тешко ви е да не го сфатите тоа како знак дека треба повторно да се поврзете. Лав Премногу работи се сменија во последно време и тоа ви изгледа застрашувачки, па сакате да се поврзете со вашето минато. Девица Не сте запознале личност која ви предизвикува заинтересираност, па сè уште сте заглавени мислејќи на личностите од минатото. Вага Таа личност ви значи многу и кога некој ќе освои место во вашето срце, никогаш не може да излезе од таму. Скорпија Вашето срце во последно време ве влече во еден куп различни насоки, така што сите изгледаат како добра опција. Стрелец Минувате низ период во кој не се случува ништо и се навраќате на вашето минато за да најдете некој што може да биде интересен. Јарец Мислите дека сите се движат напред, а вие сте заглавени, па започнувате да ги намалувате вашите стандарди. Водолија Ви недостасува чувството на флертување, така што сега би флертувале со кој било. Риби Во последно време се чувствувате несигурно и ви недостасува чувството што го имавте кога бевте во близина на таа личност.

Секс со поранешниот – најлоша идеја, еве зошто

Ивона Петрова — Thu, 20 Sep 2018 19:59:03 +0000

Според истражувањето на една фабрика за секс играчки, дури 44 проценти од испитаниците изјавиле дека имале односи со поранешниот партнер. Некогаш враќањето во поранешниот кревет не е добра идеја. Еве во кој случај никако не би требало тоа да го направите без оглед на „искрите“ меѓу вас. -Не сте го преболеле целосно: Емоционалната поврзаност значи дека ќе ви биде уште потешко да го пуштите поранешниот партнер. -Сака само секс: Тоа е знак дека ве искористува за секс без никакво почитување. -Го правите тоа заради инат или одмазда: Едноставно ова е очајно. -Веќе со недели сте на социјалните мрежи, но она што го гледате не ви се допаѓа: Не се грижете, обидете се на друго наместо, на пример излезете меѓу луѓе на некој забава.

Совет од психолозите кој мора да го прочитате: Како да ја заборавите бившата љубов?

Предраг Кукиќ — Mon, 20 Aug 2018 19:30:24 +0000

По раскинување, нормално е се уште да бидете вљубени во вашиот поранешен партнер. Потребно е време да ја преболите личност која се уште ја сакате и да продолжите понатаму со нова. Но, светски познатите психолози ја откриваат техниката што ќе ви помогне како да го заборавите оној кој ви го скршил срцето. Откако ќе ја раскинете врската, секогаш ќе има нешто што ќе ве потсетува на вашиот поранешен партнер. Можеби ќе станува збор за место, храна, па дури и период од денот или годината. Бившите се дел од вашиот живот, така што нормално е да постојат работи што ќе ве потсетуваат на нив. Тоа значи дека мора да ги уништите врските кои постојат меѓу овие места, храна и периоди со сеќавањата за вашиот поранешен партнер. На пример, ако постојано сте оделе во некој ресторан заедно, по раскинувањето ќе ви биде тешко повторно да одите таму, бидејќи насекаде ќе ја гледате саканата личност. Наместо да бегате од ресторанот, мислете на добрата храна и пријатната атмосфера што ги нуди, па појдете со пријателите таму и стекнете нови сеќавања. Правете ја оваа вежба редовно и со текот на времето болните чувства поврзани со тоа место ќе се намалат и ќе бидат заменети со позитивни. Прифатете ја болката и дозволете си да бидете тажни некое време. Но, некогаш ќе мора да продолжите понатаму. Ќе видите дека по краток период, љубовта што сте ја чувствувале за вашиот поранешен партнер ќе биде само едно далечно сеќавање.