поранешен премиер – Kurir.mk

Поранешниот туниски премиер Ларајед во затвор под сомнение дека испраќал џихадисти во Сирија

Тале Кристо — Tue, 20 Dec 2022 07:24:47 +0000

Поранешниот туниски премиер Али Ларајед е во затвор под сомнение дека испраќал џихадисти во Сирија, објавија неговите адвокати. Одлуката ја донел истражен судија кој се занимава со истраги за тероризам. Според официјални извори, околу 6.000 Тунижани заминале во Сирија и Ирак во изминатата деценија за да им се приклучат на џихадистичките групи како што е Исламска држава. Многумина од нив се убиени, а други избегаа и се вратија во својата татковина. Ларајед е висок претставник на исламистичката опозициска партија „Ан Нахда“ и непријател на претседателот Каис Сајед. Во соопштението формацијата ги отфрли обвинувањата против поранешниот премиер како политички напад со цел прикривање на „катастрофалниот неуспех на изборите“. На саботните парламентарни избори што ги распиша претседателот гласаа само 11,2 отсто од Тунижаните. Повеќето политички партии го бојкотираа гласањето, тврдејќи дека тоа е трик наменет за зајакнување на моќта на Сајед. Откако стана јасно дека одѕивот на гласачите е исклучително низок, голем број големи партии, вклучително и „Ан Нахда“, рекоа дека претседателот е нелегитимен и треба да поднесе оставка. Формацијата на Ларајед го обвинува Сајед дека извршил државен удар, узурпирајќи голем број овластувања од минатата година. Претседателот ги отфрли критиките за слабиот одѕив. „Ситуацијата е слична на конечниот резултат на еден меч кој се објавува на крајот од првото полувреме“, рече Сајед и повика да се пресмета излезноста на гласачите по вториот круг. Според новиот Изборен законик, бројот на места во еднодомниот Парламент е намален од 217 на 161. Само 21 место беше пополнето во првиот круг во саботата, што значи дека ќе има втор круг во повеќето изборни единици.

Почина поранешниот премиер на БиХ како последица од коронавирусот

Магдалена Андонова — Sat, 14 Nov 2020 15:01:13 +0000

Речиси 1.300 нови случаи на зараза со коронавирус беа потврдени во Босна и Херцеговина во саботата, а 49 лица починаа, вклучувајќи го и поранешниот премиер Хасан Муратовиќ. За време на војната во БиХ, тој беше министер во повеќе влади, и премиер во периодот од 1996 до 1997 година. Потоа беше назначен за амбасадор на неговата земја во Хрватска, по што се посвети на својата академска кариера и беше ректор на Универзитетот во Сараево. Во БиХ речиси 1.300 нови случаи, меѓу починатите и поранешен премиер

Француското Обвинителство поднесе барање за судски процес против Франсоа Фијон

Дарко Андоновски — Sat, 12 Jan 2019 08:21:24 +0000

Канцеларијата на финансиското обвинителство во Франција побара поранешниот премиер Франсоа Фијон и неговата сопруга да бидат судени пораи обвиненија за корупција. Кандидатурата на Фијон за претседател во 2017 година пропадна поради обвинувања дека за сопругата Пенелопа и двете деца тој обезбедил долгогодишно практично непостоечки работни места во Парламентот во вредност повисока од милион евра. Извор од таа канцеларија за француски медиуми потврди дека е испратено барање за судење на Фијон и неговата сопруга. Фијон (64) негира обвинувања оценувајќи ги како клеветничка кампања. Во 2017 година против него и неговата сопруга е подигнато прелиминарно обвинение кое содржи и обвинувања за злоупотреба на јавни средства.