поранешна сопруга – Kurir.mk

СЕ СОБЛЕЧЕ ПОРАНЕШНАТА НА АЦА ЛУКАС – Инстаграм гори поради блискиот кадар околу градите во бикини на Соња, ќе гледате без да трепнете (ФОТО)

Дарко Андоновски — Mon, 10 Jul 2023 17:46:49 +0000

Поранешната сопруга на пејачот Аца Лукас, Соња Вуксановиќ веќе подолго време не се експонира во јавноста, но нејзините фотографии се уште предизвикуваат внимание во јавноста и лавина на коментари. Истото се случи и овој пат кога таа сподели фотографии во бикини.

View this post on Instagram

A post shared by SONJA (@sf__fashion__style)

Таа одмарајќи се на море, од плажа директно направи селфи и ги почести фановите на Инстаграм кои неуморно без да трепнат гледаа во нејзиното длабоко деколте. „Авион“, „бомба“, „како милион долари“, „не верувам дека имаш 47 години“, „каква фатална жена“, се само дел од коментарите.

View this post on Instagram

A post shared by SONJA (@sf__fashion__style)

Маж си ја нападнал поранешната сопруга додека шетала со своите деца и ѝ се заканил дека ќе ја убие доколку одбие повторно да живеат заедно – поднесена кривична пријава

Магдалена Андонова — Fri, 09 Sep 2022 08:04:10 +0000

Постапувајќи по поднесена кривична пријава, Основното јавно обвинителство Битола поведе постапка против едно лице за кое постои основано сомнение дека сторило кривично дело – Загрозување на сигурноста од член 144 став 2 во врска со став 1 од Кривичниот законик. Осомничениот ја загрозил сигурноста на неговата поранешна сопруга, непочитувајќи го решението на Основен суд Битола со кое му била изречена забрана да се заканува дека ќе стори семејно насилство и да контактира со оштетената. На 7 септември, во вечерните часови, додека оштетената се движела со своите малолетни деца, се приближил до неа и ѝ се заканил дека ќе ја убие доколку одбие повторно да живеат заедно. Потоа ја попречувал да замине од местото каде ја пресретнал, ја турнал и од раката ѝ го оттргнал мобилниот телефон, со што кај оштетената предизвикал чувство на страв и вознемиреност. Бидејќи во конкретниот случај постојат околности кои укажуваат на опасност од бегство, како и фактот што осомничениот се јавува како сторител на исти и истородни кривични дела на семејно насилство каде жртва е неговата поранешна сопруга што го оправдува стравот дека доколку остане на слобода тој ќе го повтори делото, јавниот обвинител до судот достави предлог за определување притвор за осомничениот. Предлогот на обвинителството беше прифатен, па судијата на претходна постапка при Основниот суд Битола со решение на осомничениот му определи притвор во траење од осум дена.

Носел пиштол, им се заканувал на поранешна сопруга и на нејзината мајка: Во Битола уапсен дојранчанец

Тале Кристо — Sun, 08 May 2022 14:55:50 +0000

На 07.05.2022 во 19.45 часот на ул.„Кланица“ во Битола, полициски службеници до СВР Битола го лишиле од слобода Ј.У.(31) од Дојран затоа што кај него бил пронајден пиштол непозната марка и една празна рамка и затоа што се однесувал агресивно и се заканувал на неговата поранешна сопруга и нејзината мајка. Тој бил приведен во полициска станица и по целосно документирање на случајот против него ќе биде поднесена соодветна пријава.

Владетелот на Дубаи на својата поранешна сопруга треба да и плати оштета за развод од над половина милијарда фунти

Магдалена Андонова — Tue, 21 Dec 2021 14:46:48 +0000

Владетелот на Дубаи, шеикот Мохамед бин Рашид ал-Мактoум е осуден да и плати на својата поранешна сопруга принцезата Хаја и нивните две деца отштета за развод од над половина милијарда фунти, што е највисоката сума која некогаш ја доделил британскиот суд, пишува „Гардијан“. Во писмената одлука, судот наведе дека „главната закана“ за Хаја и нејзините деца доаѓа од шеикот Мохамед, кој е и премиер на Обединетите Арапски Емирати. Хаја побегна во Велика Британија во април 2019 година заедно со нејзините две деца. Оттогаш, во серија сослушувања, кои чинат повеќе од 70 милиони фунти судски такси, судиите на Врховниот суд утврдија дека „шеикот Мохамед го организирал киднапирањето на две негови други деца, принцезата Латифа и принцезата Шамса, и ја подложил Хаја на заплашување“. – Користејќи го шпионскиот софтвер Пегасус на израелската НСО Груп, тој ги хакирал телефоните на Хаја и петмина нејзини соработници, меѓу кои и двајца нејзини адвокати. Неговите агенти се обиделе да купат замок во вредност од 30 милиони фунти веднаш до домот на Хаја во Беркшир, што претставувало „многу сериозна закана за нејзината безбедност“, наведува судот. Судот наредил егзистенцијата на Хаја да се плаќа однапред, а не годишно, бидејќи во спротивно би настанала ситуација во која поранешниот сопруг би имал инѕерес да ги намали плаќањата и да ја ослаби нејзината заштита од него. Договорот вклучува 210 милиони фунти, кои мора да се платат во рок од три месеци, за покривање на безбедносните трошоци на Хаја до крајот на нејзиниот живот и нејзините деца додека не го завршат високото образование. Шеикот, исто така, мора да плати 41,5 милиони фунти однапред на поранешната сопруга за образование и заостанати плати и 5,6 милиони фунти годишно за секое дете за да ги издржува додека не дипломираат. Вклучувајќи ги и другите трошоци, договорот може да достигне 554 милиони фунти, иако износот може да варира во зависност од тоа колку долго траат годишните исплати. Портпарол на шеикот Мохамед изјави дека „тој секогаш се грижил неговите деца да бидат обезбедени. Судот веќе донесе одлука за финансиското прашање и тој нема намера дополнително да коментира. Шеикот само бара од медиумите да ја почитуваат приватноста на неговите деца“. (МИА)

НИКОГАШ НЕ САКАВ ДА ЈА ЗАМЕНАМ МАЈКАТА НА ФИЛИП: Конечно е откриено во каква врска се Брена и поранешната сопруга на Боба (ФОТО)

Магдалена Андонова — Tue, 02 Nov 2021 11:39:23 +0000

Пејачката Лепа Брена и нејзиниот сопруг Боба Живојиновиќ веќе 30 години уживаат во хармоничен брак, заедно го градат своето богатство и стекнуваат имот за наследнициte, а јавноста отсекогаш била заинтересирана за врската на пејачката со поранешната сопруга на Боба, Зорица со која go има синот Филип. Брена и Филип отсекогаш биле во добри односи, а дали Зорица ја обвинува пејачката за пропаѓањето на нејзиниот брак со Боба? Она што на сите им е јасно и што може да се забележи со нивните постапки, е дека семејствата Живојиновиќ и Накиќ имаат воспоставено пријателски односи, а дали жените на Боба се ривали или добро се согласуваат? Дека нема место за лоши врски, прво покажува фактот што Боба и Зорица се разведоа пред тој и Брена да се заљубат, а во 1991 годинасе венчаа, додека Зорица повторно се омажи за Иво Накиќ со кој има две деца. Без разлика на сето тоа, се шпекулираше дека Зорица се вознемирила што Филип го нарекува син, а Брена еднаш јасно го објасни тоа. - Филип е момче на триесет години и целосно ја разбира целата ситуација. Имаме прекрасна врска. Никогаш во животот не сакав да ја заменам неговата вистинска мајка. Но, во текот на животот го третирав како син и така го нарекував, изјави пејачката претходно. За убавата врска говорат и заедничките фотографии кои ги објавуваат. Брена неодамна објави фотографија на која уживаат во вечерата, а напиша: „Ние фамилијарно, Мадрид, Живојиновиќ и Накиќ“. Погледнете како се дружи поранешната на Боба:

Поранешната сопруга на Еди Марфи под грбот крие „ѕвер“: Ваков задник е сериозна конкуренција и за Џеј Ло (ФОТО)

Магдалена Андонова — Sat, 02 Oct 2021 19:13:27 +0000

Поранешниот модел и поранешна сопруга на Еди Марфи, Никол Марфи (53), е сериозна конкуренција на славната Џенифер Лопез кога е во прашање титулата „најдобар задник“. Никол беше фотографирана на улица откако купила пецива и лимонада, во опуштено издание, во тренерка, со капче и заштитна маска на лицето. Меѓутоа, кога им сврте грб на фоторепортерите, било вистинско уживање да ја сликаат. Никол е во одлична форма, тренира редовно, што се гледа по нејзиниот изглед и задник. Поранешната сопруга на славниот актер го покажа и своето ново „милениче“, автомобилот Мерцедес, кој вреди околу 100.000 долари. Поради нејзините снимки одзади, многумина коментираат дека Џеј Ло има сериозна конкуренција и дека Никол „се заканува“ дека ќе ја симне од тронот на листата на најдобри задници на познати дами. „Леле!“, „Како изгледа женава“, „Презгодна си“, „Каков задник“, „Џеј Ло на апарати“, „Оваа жена е бомба“, „Џенифер има сериозна конкуренција“, се некои од коментарите. Да потсетиме, Никол и Еди беа во брак од 1993 до 2006 година и имаат пет заеднички деца, ќерките Бри, Мајлс, Шејн, Зола и Бела, додека актерот има вкупно десет деца со пет различни жени.

Пред бракот со Јована беше лудо заљубен во оваа убавица – таа му роди ќерка, а во минатото важела за најубава во целиот град (ФОТО)

Дарко Андоновски — Wed, 22 Sep 2021 09:05:10 +0000

Жељко Јоксимовиќ со години ужива во бракот со водителката Јована Јоксимовиќ со кој има три деца. Но, сепак пред бракот со водителката, тој бил во брак со жената која важеше за една од најубавата девојка во Ваљево со која ја доби и ќерката Мина. Сега овој пат наследничката на пејачот сподели фотографија со нејзината мајка која изгледа речиси како да и е врсничка. Весна за разлика од сегашната сопруга на пејачот не сака да се експонира во јавноста, а еве како изгледала во младоста.

Хулк ќе стане татко: Сестрата на бившата жена ќе му роди дете (ФОТО)

Дарко Андоновски — Mon, 20 Sep 2021 11:44:04 +0000

Хулк се врати во Бразил, откако 16 години играше далеку од татковината. Тој прво се развиваше во Јапонија, а потоа во Порто, Зенит и повторно играше во Азија. Сега на 35-годишна возраст реши да ја заврши кариерата во татковината, односно во тимот на Атлетико Минеиро. Хулк доби и одлична вест затоа што дозна дека ќе стане татко, и тоа со сестрата на поранешната сопруга.

View this post on Instagram

A post shared by Givanildo V. De Sousa- Hulk (@hulkparaiba)

На овој начин направи чекор напред во врската која ја почна во 2019 година, а ја крунисаше со брак во 2020 година.

Де Ниро не може да одбива нови улоги поради финансиските потреби на поранешната жена

Тале Кристо — Mon, 19 Apr 2021 11:41:26 +0000

Холивудската легенда Роберт де Ниро не е во можност да одбива нови улоги, бидејќи „мора да го плаќа скапиот вкус на неговата поранешна сопруга“, истакна адвокатката на глумецот. Имено, правничката Керолин Краус пред Судот во њујоршката општина Менхетн изјави дека Де Ниро се бори со финансиите поради пандемијата, сметките за данок, но и барањата на Грејс Хајтауер, која поднесе барање за развод во 2018 година, по 21 година брак. Од Судот беше побарано да утврди колку Де Ниро треба да ѝ плати на г-ѓа Хајтауер сè додека не стапат во сила условите на предбрачниот договор за којшто двојката преговараше во 2004 година. – Г-н Де Ниро има 77 години и иако го обожава својот занает, тој не треба да биде принуден да работи со ова пресилно темпо – затоа што мора. Кога ќе запре тоа? Кога тој ќе има можност да не го прифаќа секој проект што ќе му се нуди и да не работи шест дена во седмицата, 12 часа на ден, а сѐ тоа – за да може да оди во чекор со „жедта“ на г-ѓа Хајтауер?, изјави Краус пред судот. Според Семрежната филмска база на податоци – ИМДБ, глумецот лани се појавил во три филма, а сега работи на шест нови проекти.

Ги исполнува сите услови – еве кој ќе ја наследи пензијата на Џеј Рамадановски

Магдалена Андонова — Tue, 15 Dec 2020 16:39:40 +0000

Поранешната сопруга на пејачот Џеј Рамадановски, кој почина на 6 декември во Белград, ќе ја наследи пензијата што ја стекна и ја доби од Австрија, бидејќи ги исполнува сите услови за тоа. Џеј оствари право на инвалидска пензија по операцијата на срцевиот залисток пред три години. Со години плаќаше даноци и социјално осигурување во Австрија, благодарение на што доби висока пензија, а сега, според тамошниот закон, неговата поранешна сопруга Нада има право да наследи пензија, што го потврди адвокатот Невена М. Марковиќ. Семејните пензии во Австрија се доделуваат на преживеан сопруг, а исто така важат и за разведен сопруг и деца на починат родител, доколку се исполнети пропишаните услови. Разведените сопружници имаат право на пензија на преживеан вдовец се додека не се омажат, ако осигуреникот е во моментот на смртта бил должен да плаќа алиментација, односно алиментацијата што пристигнала пред разводот. Во овој случај, износот на пензијата е ограничен на износот на месечната алиментација и не може да биде поголем , објасни адвокатот. Семејната пензија и припаѓа на вдовицата во целост доколку се исполнети следниве услови: пресудата за развод содржи пресуда согласно член 61 став 3 од законот за брак, односно дека тужителот е единствениот или преовладувачки виновник за нарушувањето на бракот, доколку бракот траел најмалку 15 години во моментот на конечноста на пресудата за развод, таа наполни 40 години. Доколку овие три услови се исполнети, вдовицата има право на целосна семејна пензија , рече таа. Џеј бил во брак со својата поранешна сопруга Нада повеќе од 15 години, а заедно имаат две ќерки Ана и Марија. Сопругата на покојниот пејач не се експонираше во јавноста, а Џеј често зборуваше за неа. Таа беше љубовта на неговиот живот, тој и подари тетоважа на раката со нејзиното име, а во медиумите често велеше дека и е благодарен затоа што беше со него и го трпеше кога имаше најлоши периоди.