пораз – Kurir.mk

Трет пораз на македонските фудбалерки во Лигата на нации

Тале Кристо — Tue, 31 Oct 2023 19:46:27 +0000

Македонската женска фудбалска репрезентација ја продолжи серијата порази во новоформираната Лига на нации, откако вечерва загуби на гостински терен од Косово со 3-1 (3-0). Македонските фудбалерки веќе по почетните 15 минути на стадионот „Фадиљ Вокри“ во Приштина се најдоа во резултатски незавидна положба, откако косовската репрезентација поведе со 2-0 со головите на Халилај (7 минута, пенал) и Мемети (14). До крајот на полувремето домашните фудбалерки ја зголемија предноста преку Бичкај (34). Почесниот гол за македонската репрезентација го постигна Оливера Цоклеска во 90. минута. Во двата воведни натпревари во рамки на групата 5 во Ц-дивизијата, избраничките на селекторот Кирил Изов претрпеа порази на домашен терен од Бугарија (0-1) и Косово (0-2) и без освоен бод се на последното место. Во завршното коло македонските фудбалерки ќе ѝ гостуваат во Бугарија на 5 декември во Пловдив.

ПМФЛ: Шампионот Струга поразен во Тетово

Дарко Андоновски — Wed, 04 Oct 2023 14:14:19 +0000

Фудбалерите на Шкендија се искачија на лидерското место на табелата, откако попладнево во Тетово го совладаа актуелниот шампион Струга со 1-0 (0-0) во заостанатиот натпревар од второто коло во Првата македонска фудбалска лига (ПМФЛ). Победоносниот гол за тетовскиот прволигаш го постигна босанскиот интернационалец Алмир Аганспахиќ во 47. минута. Шкендија сега е нов лидер во ПМФЛ со 20. бодови, два повеќе од Шкупи на второто место, додека Струга остана четвртопласирана со 15. бодови. Идниот викенд на програмата се натпреварите од 10. коло во ПМФЛ по што следува двонеделна пауза поради настапите на македонската репрезентација, против Украина на 14 октомври во Прага, во рамки на евроквалификациите и три денови подоцна против Ерменија во пријателски натпревар во Струмица.

Вардар убедливо поразен од Рајн-Некар во плејофот за Лигата на Европа

Ивана Ефремовски — Sat, 26 Aug 2023 19:39:44 +0000

Двократниот европски шампион Вардар вечерва во СЦ „Борис Трајковски“ во Скопје загуби од Рајн-Некар Левен со 34:25. Германскиот претставник со оваа победа направи голем исчекор кон групната фаза од Лигата на Европа на ЕХФ. „Црвено-црните“ имаа сили само за едно полувреме. На пауза се отиде со нерешен резултат 14:14. Во вторите 30 минути фаворитот беше надмоќен и не дозволи изненадување. Лазаревски Срдановиќ и со по пет постигнати погодоци беа најефикасни во таборот на Вардар на овој натпревар. Реваншот е по седум дена во Германија. (МИА)

Нов пораз на македонските ракометарки на Европското јуниорско првенство

Катерина Бојаџиева — Fri, 14 Jul 2023 13:09:04 +0000

Македонската женска ракометна јуниорска репрезентација го претрпе шестиот пораз во низа на ЕХФ Европското првенство, откако попладнево во романскиот град Миовени загуби од Исланд со 35-29 (20-15) во разигрувањето за пласман од 13. до 16 место. Најефикасна во македонските редови беше Анастасија Трпеска со шест голови, а еден помалку постигнаа Сара Стефаноска и Марија Јанкуловска. Во завршниот натпревар на ЕП во Романија, избраничките на селекторот Јулија Дамчевска ќе се обидат да го избегнат последното место, а противник во натпреварот за 15 место ќе биде поразениот тим од дуелот меѓу Србија и Хрватска.

Македонските ракометарки поразени од Норвешка

Тале Кристо — Tue, 11 Jul 2023 11:56:49 +0000

Македонската женска репрезентација попладнево во Миовени загуби од Норвешка во разигрувањето за пласман од 9. до 16. место на Европското првенство за ракометарки до 19 години. До конечната победа 29:23, Норвежанките дојдоа по подобра игра во второто полувреме, откако првото нашите репрезентативки во првото беа подобри со 11:9. Македонките се на последното (4. место) во Групата 4 без ниту еден освоен бод. Утре противник на „црвено-жолтите“ во разигрувањето за пласман на ЕП во Романија ќе биде репрезентацијата на Србија.

Венус Вилијамс одби да се ракува со судијата по поразот на Вимблдон во првото коло

Тале Кристо — Tue, 04 Jul 2023 07:27:11 +0000

Американската тенисерка Венус Вилијамс не се ракуваше со судијата по поразот од Украинката Елина Свитолина во првото коло на Вимблдон - 4:6, 3:6. Во финишот на мечот, по ударот на Свитолина, беше досуден аут, но по гледањето на видео репризата, бодот го доби Украинката, бидејќи топката сепак ја допре линијата во теренот. Вилијамс одмавна со главата по поразот и го одби традиционалното ракување со судијата. Во второто коло ривалка на Свитолина ќе биде Елис Мертенс од Белгија.

Стартен пораз на македонските одбојкарки на Балканското првенство за пионерки

Тале Кристо — Sun, 02 Jul 2023 12:11:54 +0000

Македонската женска пионерска одбојкарска репрезентација загуби од фаворитот Турција со 3:0 (25:17, 25:14 и 26:24) во првото коло на Балканското првенство, кое почна во саботата во Србија. Избраничките на селекторот Александар Митев, и покрај синоќешниот пораз, не разочараа со играта и покажаа дека имаат потенцијал за успешни настапи во продолжението на Балканијадата во Врњачка Бања. -Игравме против една од најдобрите екипи на Балканијадата. Навистина сме задоволни од нашата игра, бевме многу блиску да освоиме сет, но среќата беше на нивна страна. Пред нас се нови натпревари, се надеваме на победи и пресреќни сме што настапуваме на Балканското првенство, изјави репрезентативката Ивана Милева. Македонските одбојкарски денеска играат против Грција, а в понеделник против Црна Гора.

У18: Двоен пораз на македонските кошаркарки на гостувањето во Грција

Тале Кристо — Thu, 22 Jun 2023 09:55:50 +0000

Македонската женска кошаркарска репрезентација до 18 години претрпе порази на двата контролни натпревари кои оваа недела ги одигра против Грција во Солун, во рамки на подготовките за претстојното Европско првенство во б дивизијата. Во ослабен состав без Михаела Алексовска, Марија Николов и Милица Николиќ, македонската репрезентација на првиот натпревар одигран во вторникот беше поразена со 69-29, додека ден подоцна Грција беше поуспешна триумфирајќи со 83-33. Македонските кошаркари ќе одиграат контролен натпревар против Бугарија на гостински терен на 27 јуни, три денови пред почетокот на Европското првенство чиј домаќин ќе биде Софија. Македонските кошаркарки ќе бидат дел од групата А заедно со селекциите на Хрватска, Данска, Исланд и Холандија.

Еден ден по поразот ова е голем шок и за него – инспекторите чукнале на вратата на Мило Ѓукановиќ, еве што му наредиле да направи веднаш!

Дарко Андоновски — Wed, 05 Apr 2023 07:16:34 +0000

Вонпарламентарното Христијанско-демократско движење, основано од поранешниот премиер на Црна Гора, Здравко Кривокапиќ, во доцна синоќа објави дека на шефот на државата во заминување Мило Ѓукановиќ, ден по поразот на изборите, инспекторатот доставил наредба да бидат урнати негови дивоградби во Никшиќ бидејќи се во спротивност со општинскиот просторно – урбанистички план. Таа партија до медиумите ја достави одлуката за уривање на објекти од 170 и 89 метри квадратни, а се огласи и УРА на премиерот во технички мандат на Дритан Абазовиќ. „Урбанистичката и градежната инспекција на Министерството за екологија, просторно планирање и урбанизам на чело со министерката Ана Новаковиќ Ѓуровиќ денеска (вторник) донесе решение со кое на субјектот Мило Ѓукановиќ му наложи да урне два бесправно изградени објекта во КО (катастарска општина) Кочани во Никшиќ објави УРА на Твитер. Во решението, рокот за извршување на таа наредба е 20 дена од денот на приемот, а доколку Ѓукановиќ во тој рок не ги урне тие објекти, тоа ќе го направи државата на негова сметка.

Фудбалерите до 21 година убедливо поразени од Летонија

Ристе Здравков — Thu, 23 Mar 2023 16:46:16 +0000

Младата фудбалска репрезентација на Македонија до 21 година загуби со 0:3 од Летонија во првиот натпревар од „Анталија куп 2023“. Селекцијата на Драган Канатларовски не го почна турнирот во Турција според желбите. Летонците ги искористија грешките на Македонија во одбраната. Пред крајот на првото полувреме, Пузиревскис погоди за водство на противникот, а во вториот дел двоен стрелец за Летонија беше Рекис, во 69. и во 83.минута од мечот. Младата репрезентација на Македонија до 21 година на „Анталија куп 2023“ ќе одигра уште два натпревари, против Финска на 25. март и против Словачка на 28.март.