пороен дожд – Kurir.mk

Променливо облачно со сончеви периоди, попладне наместа пороен дожд со грмежи

Катерина Бојаџиева — Fri, 15 Sep 2023 05:26:56 +0000

Времето денеска ќе биде променливо облачно со сончеви периоди и со слаб до умерен ветер од јужен, а во североисточните делови од северозападен правец. Од пладневните часови наместа ќе има појава на пороен дожд со грмежи, информираат од Управата за хидрометеоролошки работи. Минималната температура ќе биде во интервал од 9 до 17, а максималната ќе достигне од 27 до 33 степени. УВ индексот ќе изнесува 6. Во Скопје променливо облачно со сончеви периоди, попладне во делови од котлината ќе има услови за пороен дожд и грмежи. Ќе дува слаб ветер претежно од северозападен правец. Минималната температура ќе се спушти до 13, а максималната ќе достигне до 30 степени. За време на викендот времето ќе биде променливо облачно со сончеви периоди. Наместа ќе има појава на пороен дожд со грмежи, особено во сабота. Потоа во почетокот на следната седмица ќе настапи преодно стабилизирање со благ пораст на дневната температура.

УТРЕ БЕЗ ЧАДОР НЕ ИЗЛЕГУВАЈТЕ ОД ДОМА – особено подгответе се за тоа што следува за време на викендот

Дарко Андоновски — Wed, 09 Aug 2023 11:05:36 +0000

Времето утре ќе биде променливо облачно и нестабилно со локален пороен дожд и грмежи, соопшти УХМР. Кон крајот на денот облачноста ќе се намали, а температурата ќе се движи од 9 до 29 степени. Потоа, како што информира УХМР, следува период на стабилно време со постепен пораст на дневната температура.

ФОТО: Силно невреме во Скопје и северозападните делови на земјава

Ивона Петрова — Sat, 05 Aug 2023 15:01:29 +0000

Нестабилност проследена со пороен дожд, грмежи и силен ветер во моментов има во северозападните делови од Македонија. Од УХМР најавија дека попладне и во ноќните часови почнувајќи од запад облачноста во земјава ќе се зголемува и ќе биде нестабилно со пороен дожд и грмежи. Наместа процесите ќе бидат во форма на невреме со интензивен пороен дожд за кратко време (над 20 l/m2 за 6 часа), силен ветер, поинтензивни електрични празнења и услови за појава на град. Управата за хидрометеоролошки работи предупреди дека поради невремето со интензивен дожд за кратко време, силен ветер, поинтензивни електрични празнења и услови за појава на град, можно е да дојде до поројни истекувања на помалите водотеци и суводолици и до несакани излевања на водите, кои би можеле да предизвикаат локални проблеми како на крајбрежјето, така и на патната инфраструктура, на одредени места можна е и појава на свлечишта и одрони. Од утре и во почетокот на новата работна седмица следува стабилно и посвежо време со умерен, повремено засилен ветер од западен и северозападен правец.

Од утре нестабилно време со пороен дожд и можност за поплави

Катерина Бојаџиева — Tue, 04 Jul 2023 12:50:58 +0000

Хидролозите од Управата за хидрометеоролошки работи предупредуваат дека доколку се остварат најавите на синоптичарите за врнежи со голем интензитет за кратко времетраење на одредени помали сливни површини, утре, па и следниот ден, можно е да дојде до поројни истекувања на помалите водотеци и суводолици и до несакани излевања на нивните води кои би можеле да предизвикаат локални проблеми како на крајбрежјето така и на патната инфраструктура која е во нивна близина. Според нив, на одредени места можна е и појава на свлечишта и одрони. Во одредени градски населби можна е појава на локални проблеми поради брзото истекување на водите по улиците, а атмосферските води од олуците приклучени на канализациите можат да предизвикаат комунални проблеми. Според најавата од синоптичарите при УХМР, утре под влијание на влажна и нестабилна воздушна маса времето на повеќе места ќе биде променливо облачно и нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, силни електрични празнења, силен ветер и појава на град. Во четврток ќе има изолирана појава на пороен дожд и грмежи.. Хидролозите од УХМР велат дека достапните модели најавуваат потреба од внимателност генерално на пределите, падините и рамнините околу планините Шар Планина, Јакупца, Караџица, Бистра, Баба, Ниџе, Кожуф, Стогово, Осоговието, Огражден и Малешевските Планини и препорачуват внимателно движење особено покрај реките и суводолиците поради можна појава на опасни води и свлечишта.

Попладне и викендов се најавува невреме со пороен дожд и силен ветер, можно е брзо зголемување на водостојот на реките

Ивона Петрова — Fri, 23 Jun 2023 15:41:28 +0000

УХМР известува дка во текот на попладневните и вечерните часови, како и за време на викендот, на повеќе места се очекуваат локални поројни врнежи од дожд кои можат да предизвикаат брзо зголемување на водостојот на помалите реки и суводолиците низ земјава, а можно е да има и локални проблеми во дел од градските населени места доколку таму бидат распределени интензивните врнежи. Граѓаните претпазливо да се движат покрај помалите реки и суводолиците во текот на денешниот ден, како и за време на викендот. Во попладневните и вечерните часови на места ќе има развој на нестабилна облачност со пороен дожд, грмежи и засилен ветер, локално во форма на невреме со силен ветер и услови за појава на град. Поради големата енергија и влажност во атмосферата локално процесите ќе бидат поинтензивни во форма на невреме проследени со обилен пороен дожд за кратко време, електрични празнења, силен ветер (над 60 км/час) и изолирана појава на град. И во Скопската Котлина доцна попладне и за време на викендот ќе биде нестабилно со пороен дожд, грмежи и засилен ветер. Во делови од котлината ќе има услови за појава на невреме со интензивен пороен дожд, грмежи, силен ветер и услови за појава на град. Во случај на појава на електрични празнења се препорачува поголема внимателност, да не се престојува на отворен простор и под осамени дрвја.

Поројните дождови со најголеми последици во прилепската населба Тризла

Ивона Петрова — Sun, 04 Jun 2023 13:12:33 +0000

Поради синоќешното невреме проследено со пороен дожд и грмотевици најгголеми последици и интервенции на надлежните имаше во прилепската населба Тризла и околу каналот на Дабничка Река во оваа населба. Поплавени беа улиците, главно во најголемата улица „Тризла“ вода имаше во неколку домови и подурми, а се испумпуваше во куќите околу каналот на Дабничка река. Вода навлезе и во подрумот на џамијата во населбата каде се испумпуваше. Според податоците за 24 часа до 8 часот изутрината во прилеп наврна најмноргу - 23 литри на метар квадратен. Интервенраа, а денеска ги мијат улиците од кал и наноси, екипите на прилепските комунални претпријатија „Водовод и канализација“ и на „Комуналец“. Прилепската противпожарна единица пак од синоќа интервенираше со 5-6 екипи со вкупно 16 пожарникари. - Се испумпуваше вода во 6-7 куќи околу каналот на Дабничка река а имавме и три интервенции низ градот од струјни удари, вели команидорт на прилепскјата противпожарна единица Кристијан Момироски. Поројните дождови за два-три часа истурија многу вода што одамна не е забележано, па реката не можеше да ја прими сета одеднаш, ниту од атмосверската канализација. - Со часови интервениравме, ноќеска, а денеска ги миевме и чистевме улиците од високите талози на песок, земја, отпад. Помогна населението и секако навремени беа интервенциите на противпожарната единица.. рече на теренот во населбата Тризла Игор Гулабоски, директор на прилепското претпријатие „Водовод и канализација“. На терен излегоа и градските власти. Жителите од населбата велат дека било страшно, вода насекаде и наноси. Алмир Сулејманоски, жител на населбата Тризла објаснува за поплавувањетѕо на подрумот на џамијата. - Подрумот е многу низок, па нема одводна канализација и се поплави. Пораше водата да се испумпува. Помогна аверниците, интервенираа пожарникарите и јавните комунални претпријатија. Соработката беше навремена, изјави Сулејманоски. Надлежните будно ја следат состојбата со врнежите за да може да интервенираат.

УХМР: Попладне невреме со пороен дожд, грмежи и засилен ветер

Ивона Петрова — Fri, 02 Jun 2023 13:35:16 +0000

Попладне на места во земјава ќе преовладува нестабилно време со пороен дожд, грмежи и засилен ветер, локално во форма на краткотрајно невреме со силен ветер и услови за изолирана појава на град. Максималните температури ќе бидат во интервал од 23 до 29 степени. Во Скопје, времето ќе биде сончево со мала до умерена облачност, попладне во делови од котлината ќе има услови за појава на нестабилност со пороен дожд, грмежи и засилен ветер. Од УХМР најавуваат дека и во следните денови во претпладневните часови ќе се задржи сончево време со мала до умерена облачност, а во попладневните променливо облачно и нестабилно со локален пороен дожд и грмежи. На места процесите ќе бидат поинтензивни во форма на краткотрајно невреме со интензивен дожд, силен ветер, електрични празнења и појава на град.

Пороен дожд, грмежи и ветер попладне – нема убаво време ниту во следниве денови

Ивана Ефремовски — Wed, 31 May 2023 05:19:12 +0000

Времето денеска во претпладневните часови ќе биде променливо облачно, а од пладне ќе биде нестабилно со локален пороен дожд, грмежи и засилен ветер. На места ќе има поинтензивни процеси во форма на краткотрајно невреме со силен ветер, електрични празнења и изолирана појава на град. Максималната температура ќе биде во интервал од 19 до 26 степени. Во Скопје ќе преовладува променливо облачно време, а во попладневните часови ќе биде нестабилно со пороен дожд и грмежи. Во делови од котлината ќе има поинтензивни процеси во форма на невреме со засилен ветер и услови за изолирана појава на град. Максималната температура ќе достигне до 25 степени. Во следните денови во претпладневните часови ќе се задржи сончево време со мала до умерена облачност, а во попладневните променливо облачно и нестабилно со локален пороен дожд и грмежи. На места процесите ќе бидат поинтензивни во форма на краткотрајно невреме со интензивен дожд, силен ветер, електрични празнења и појава на град. (МИА)

Променливо облачно со локален пороен дожд, грмежи и ветер

Ивана Ефремовски — Fri, 12 May 2023 05:37:22 +0000

Времето денеска ќе биде променливо облачно со сончеви периоди. Попладне претежно во западните и северните делови ќе има локална појава на нестабилност со пороен дожд, грмежи и засилен ветер. Минималната температура ќе биде во интервал од 6 до 10, а максималната ќе достигне од 16 до 21 степен Целзиусов. Во Скопје ќе биде променливо облачно со сончеви периоди. Попладне во делови од котлината ќе биде нестабилно со краткотраен пороен дожд, грмежи и засилен ветер. Минималната температура ќе се спушти до 10, а максималната ќе достигне до 20 степени. Утре времето ќе биде посончево и потопло. Од недела ќе преовладува променливо облачно време со повремени врнежи од дожд, а од понеделник на повеќе места се очекува да биде нестабилно со пороен дожд, грмежи и засилен ветер. (МИА)

Викендов пороен дожд

Ивона Петрова — Fri, 09 Dec 2022 11:13:34 +0000

За време на викендот државава ќе биде под влијание на влажен бран што ќе предизвика времето да биде облачно со врнежи од дожд. Врнежите ќе бидат пообилни од утре попладне до недела и на места ќе бидат поројни, над 30 литри на метар квадратен. Ќе дува умерен до засилен јужен ветер, информираат од Управата за хидрометеоролошки работи. Од понеделник ќе има заладување што ќе услови врнежите да преминуваат во снег, а во попладневните и вечерните часови се очекуваат слаби врнежи од снег и во некои пониски места, особено во северните делови.