Приведен жител на Порој поради агресивно однесување во Клиничката болница Тетово

Тале Кристо — Fri, 24 Dec 2021 13:46:38 +0000

Тетовската полиција информира дека е приведен 46-годишник поради пријава за агресивно однесување во Клиничката болница во Тетово. Тој е задржан во Полициската станица Тетово и по целосно расчистување и документирање на случајот против него ќе следува соодветен поднесок. -Дваесетина минути по полноќ, полициски службеници на СВР Тетово го лишиле од слобода 46-годишниот Џ.Б. од тетовски Порој, кој претходно се однесувал агресивно на Детското одделение во тетовската Клиничка болница, им се заканувал на вработените, се обидел физички да ја нападне лекарката и ја оштетил влезната врата од амбулантата, информира СВР Тетово. Во друг случај, за агресивно однесување кон полицајци околу 2 часот и 20 минути, во угостителски објект во тетовско Желино, во кој се спроведувала акциска контрола приведени се Б.Б.(30) од тетовско Џепчиште и Х.И.(38) од кумановско Липково.

Кога требало да биде затворен, објектот имал 20 гости: Насилник спречен да истепа инспектори

Ивана Ефремовски — Sat, 03 Apr 2021 09:29:32 +0000

На 02.04.2021 во 21.35 часот, инспектори во Државниот пазарен инспекторат Тетово извршиле контрола во угостителски објект во с.Порој, тетовско, сопственост на Ш.К. од с.Порој, при што констатирале дека објектот работи по дозволеното време и во него биле затекнати над 20 лица – гости. По целосно документирање на случајот против сопственикот ќе биде поднесена пријава по член 206 од Кривичниот законик. Според пријавеното, за време на преземање на службените дејствија, инспекторите биле попречувани од М.Б. од с.Порој, кој се обидел и физички да ги нападне, но бил спречен од присутните. По целосно документирање и расчистување на случајот против него ќе биде поднесена соодветна пријава.

порој – Kurir.mk

Приведен жител на Порој поради агресивно однесување во Клиничката болница Тетово

Кога требало да биде затворен, објектот имал 20 гости: Насилник спречен да истепа инспектори