портокал – Kurir.mk

Џем од кајсија и портокал: Комбинација од сладост и освежителен цитрусен вкус

Ристе Здравков — Tue, 18 Jul 2023 07:16:22 +0000

Овој џем е идеален начин да ги зачувате слатките ароми на летните кајсии и да ги надополните со богатиот вкус на портокалите. Состојки: два килограми исчистени кајсии шест шолји шеќер рендана кора од три портокали една лажица сок од лимон Подготовка: Измешајте ги исчистените кајсии, шеќерот, ренданата кора од портокал и сокот од лимон. Варете додека не почне да врие, а потоа намалете ја топлината и крчкајте уште 25 минути, повремено мешајќи и отстранувајќи ја пената по потреба. Префрлете го џемот во претходно стерилизирани тегли, затворете и оставете да се излади. Уживајте!

Смути со праска и портокал! Разладете се и засладете! (РЕЦЕПТ)

Ристе Здравков — Wed, 20 Jul 2022 06:05:44 +0000

Смутито од праска е вистинско мало освежувачко уживање за вас и вашето семејство. Додадете неколку коцки мраз и послужете за ужина или овошен појадок… Уживајте! Состојки: три поголеми праски сок од портокал зрела банана една лажица мед половина чаша грчки јогурт лажица чиа семе малку свежо нане ледени коцки Подготовка: Во блендер ставете излупени праски, сок од портокал, банана, мед, јогурт, семки од власец, свежо нане и неколку коцки мраз, сè убаво изблендирајте, па истурете во чаши и послужете.

Сите знаеме дека сокот од портокал е здрав, но дознајте на што треба да се внимава

Ивана Ефремовски — Tue, 15 Feb 2022 14:45:20 +0000

Свежиот сок од портокал е важен елемент на здравата исхрана. Но, за да свежо цедениот сок од портокал не би му штетел на здравјето, неопходно е да се придржувате до неколку едноставни правила. Се верува дека свежо цедениот сок од портокал е покорисен од кафето и чајот, бидејќи содржи многу витамини и микроелементи. Меѓутоа, ова правилно не функционира секогаш. Нутриционистите веруваат дека свежиот сок не треба да се пие на празен желудник. Киселиот сок ја иритира слузницата и со честа употреба може да доведе до гастритис. Исто така е опасен за забите. Шеќерите и киселините, кои се наоѓаат во сокот, полека но сигурно ја уништуваат забната глеѓ. Како да се пие правилно сокот од портокал? За да не го иритира желудникот, сокот од портокал нутриционистите препорачуваат да го измешате со флаширана вода во размер 1:3. Сокот не треба да се меша со метална лажичка, бидејќи металот го уништува витамин Ц. Свежите сокови не треба да се филтрираат бидејќи пулпата содржи најголема количина на хранливи материи. Луѓето со вишок на килограми не би требало да пијат сокови, бидејќи тие предизвикуваат трупање масти на струкот, колковите и задникот. Свежиот сок е потребно да се конзумира со сламка, така да киселината нема да ја оштети глеѓта на забите, а по конзумирање стоматолозите препорачуваат испирање на уста со топла вода.

Портокалот е одличен во борбата против рак, еве што треба да знаете

Ивана Ефремовски — Fri, 12 Nov 2021 13:01:59 +0000

Низа истражувања покажаа дека портокалот е ефикасен во превенцијата на рак на хранопроводот и желудникот. Истражувањата исто така докажаа и дека полифенолите и терпените од портокалот го спречуваат растот на туморските клетки. Ова овошје, сепак, најкорисно е во превенцијата на болести, бидејќи го олеснува процесот на детоксикација на организмот. Портокалите содржат и полиамини, кои учествуваат во регулацијата на клеточната делба, што е исклучително важно. Затоа, салата зачинета со сок или парчиња портокал е одлично првентивно средство. Ако портокалот е црвен, тоа е уште подобро. Тој содржи мноштво антоцијанини, природни пигменти кои имаат извонредни антиоксидантни својства.

Не ја фрлајте кората од портокалот, еве за што може да ви помогне

Ивана Ефремовски — Mon, 25 Oct 2021 09:35:29 +0000

Есента е вистинско време за консумирање цитрусни овошја, а портокалите дефинитивно се на врвот на листата. Кората од портокалот кој го јадеме секогаш ја фрламе како непотребен отпад, но и таа знае да биде корисна. Веројатно сте пробале слатко од кора од портокал, да, тоа е еден начин за нејзино искористување, меѓутоа во случајов мислиме на поинаква нејзина намена. Белење на заби Кората од портокал содржи природно соединение – лимонска киселина, која често е дел од пастите за заби. Самата кора може да ни помогне да ги направиме забите побели. Природно средство за чистење Правењето природно домашно средство за чистење на кора од портокал е лесен начин за намалување на отпадот, а притоа заштедувате и пари. Доволно е само да измешате алкохолен оцет и да додадете кора од портокал.

НОВА ХИТ ДИЕТА СО ЈАЈЦА И ПОРТОКАЛИ – за 15 дена ќе ослабете 15 килограми!

Магдалена Андонова — Sat, 16 Jan 2021 18:37:04 +0000

Се заснова на точно утврдени правила … Оваа диета е наменета за дебели луѓе, но и за оние кои имаат проблеми со варење или нечиста кожа, бидејќи ја намалува апсорпцијата на маснотиите на природен начин, па затоа ја прави кожата поубава. Диетата е прилично ограничувачка, па затоа пред да одлучите да ја користите, консултирајте се со нутриционист и лекар и следете ја под медицински надзор. Многу е важно, доколку се одлучите за оваа диета, да си поставите реални цели. Пожелно е дека дури и со најограничувачките диети, телото да губи максимум половина килограм на ден. Оваа диета нуди можност за губење на цел килограм на ден. Бидејќи помалку јаглехидрати се трошат за време на вежбање, мускулната маса се намалува, затоа е потребна физичка активност. Може да биде фитнес, трчање, возење велосипед, пливање или едноставно пешачење. Не посолувајте ја храната премногу, бидејќи задржува вода во организмот. Користете билки наместо сол. Меѓутоа, ако немате премногу вишок килограми, тогаш прибегнете кон друга диета! Или вежбајте го според поблаг, прилагоден рецепт. МЕНИ Понеделник Појадок: 1 портокал (или во сличен опсег круша, праска, лубеница, диња …. не банана), 2 двопек, чаша кафе или чај без шеќер. Ручек: 1 портокал, 1 варено јајце, 1 кисело млеко (или јогурт). Вечера: 2 домати или 2 дцл доматно пире, 2 варени јајца, 1/2 кг зелена салата (мала глава) или краставица, 2 двопек. Вторник Појадок: 1 портокал, (или во сличен опсег круша, праска, лубеница, диња – не банана), 2 двопек, шолја кафе или чај без шеќер. Ручек: 1 портокал, 1 јајце, 1 кисело млеко, 2 двопек. Вечера: 125 гр мелено говедско месо, 1 домат (или 1дцл доматно пире), 1 тост, 1 чаша чај или кафе. Среда Појадок: 1 портокал (или во сличен опсег круша, праска, лубеница, диња – не банана), 2 двопек, чаша кафе или чај без шеќер. Ручек: 1 портокал, 1 варено јајце, 1 кисело млеко, 1 мала салата. Вечера: 125 гр мелено месо, 1 портокал, 1 тост, 1 чаша кафе или чај. Четврток Појадок: 1 портокал (или во сличен опсег круша, праска, лубеница, диња – не банана), 2 двопек, чаша кафе или чај без шеќер. Ручек: 125 гр свежо кравјо сирење со малку млечна маст (а може да користите и сирење моцарела), 1 домат, 1 тост. Вечера: 125 гр мелено месо, 2 домати или 2 dcl доматно пире, 1 јаболко, 1 тост Петок Појадок: 1 портокал (или во сличен опсег круша, праска, лубеница, диња – не банана), 2 двопек, чаша кафе или чај без шеќер. Ручек: 200 гр варено месо или риба, 1 домат, 1 тост Вечера: 500 гр варен зеленчук (моркови, грашок, компири, (), 1 јајце, 1 домат. Јадете нормално за време на викендите! За одржување на посакуваната тежина: Кога ќе ја достигнете саканата тежина, одржувајте ја јадејќи го следното мени секој понеделник. Појадок: 1 лимонада без шеќер (можете да користите вештачки засладувачи) Ручек: 1 јајце, 1 тост, 1 домат (може да имате уште едно јаболко) Вечера: 1 тост, 1 домат (може да имате уште едно јајце) Инструкции и правила -Месото и варениот зеленчук можете да ги зачините со вегета – Не пијте алкохол -Можете да јадете храна топла или ладна, и важно е да ја земате во правилен редослед. – По пет дена ќе изгубите 2,5 – 5 кг. -По пет дена, бидете најмалку 2 дена без диета и јадете нормално, но умерено. Два дена подоцна, повторете ја диетата и така 3 пати за 5 дена; вкупно 15 дена. -За петнаесет дена диета (ако ги одземеме деновите без диета) може да изгубите до 15 кг, што нема да добиете, ако после диетата јадете нормално и секој понеделник на менито за одржување на телесната тежина.

Чоколаден мус со портокал: Фантастична неодолива идеја за после ручек

Магдалена Андонова — Tue, 01 Dec 2020 15:51:29 +0000

Овој мус од чоколадо може да се користи како крем за колачи, но најдобриот начин да уживате во овој неодолив десерт е едноставно да го послужите во чаша. Еве кои лесни состојки ви се потребно за да добиете совршено пенливо уживање. Состојки 120 гр темно чоколадо 2 јајца 1 прстофат сол 30 гр путер 4 супени лажици шеќер Половина супена лажица ситно исечена кора од портокал Начин на подготовка Растопете го чоколадото со путерот и оставете ја смесата малку да се излади. Следно, одвоете ги белките од жолчките и притоа белките изматете ги заедно со прстофат сол, користејќи мискер, до добивање цврста пенеста смеса. Потоа кон добиената смеса додадете и 2 лажици шеќер. Изматете ги жолчките со 2 лажици шеќер и поставете ги да се готват на пареа, притоа мешајќи неколку минути. Следно, додадете ги во растопеното чоколадо. Во чоколадото лесно изматете ја црстата смеса од белките и на крај додадете го и портокалот. Сервирајте го десертот во чаши и поставете го да се излади во ладилникот. Извор: НАНЕ

Овој сок е вистинско богатство за организмот, но ако ја правите оваа грешка се губат вредностите

Ивана Ефремовски — Thu, 23 Apr 2020 13:33:03 +0000

Сокот од портокал е популарен додаток на појадокот во многу делови од светот, а причините за тоа се многубројни, од лесно будење, до ефикасно снабдување на телото со бројни хранлици материи. Исто така, важно е да го цедите сокот од свежи портокали или да изедете една до две овошки. На тој начин на својот организам му обезбедувате: Фолна киселина – неопходна за одржување на здрава ДНК, а кај бремените жени помага во правилен развој на плодот. Калиум – го контролира и регулира крвниот притисок, ги прави коските цврсти и го намалува ризикот од срцев удар. Витамин Ц – помага во зараснување на раните, ги чува непцата здрави и го подобрува имунитетот, чувајќи ве од инфекции. Антиоксиданси – помагаат во обновување и закрепнување на телото на клеточно ниво и го штитат од хронични заболувања. Многу е важно да се нагласи дека ова важи само за сокот од свежи портокали, но не и за неговите индустриски варијанти. Секако, ако додадете шеќер, сите овие хранливи вредности се губат.

Направете чудо од вашето лице, подгответе си маска од портокал и сода

Ивана Ефремовски — Thu, 23 Apr 2020 13:13:08 +0000

Колку и да уживаме во маски за лице, од време на време не е лошо да си подготвиме нешто и самите. Сода бикарбоната е бомба за ексфолијација на кожата и за отстранување на црнките. Додавајќи малку сок од портокал, ќе ги затегнете порите и природно ќе ја избелите кожата благодарение на витаминот Ц. Подготовка: Измешајте една лажица сода бикарбона со една лажица сок од портокал за да добиете густа смеса. Нанесете тенок слој на лицето, вратот и на деколтето. Ќе почувствувате пецкање, но тоа е зашто маската делува. Оставете ја да стои 20 минути. Намокрете ги врвовите од прстите и тријте со кружни движења за дополнителна ексфолијација. Исплакнете го лицето и уживајте во неговиот свеж сјај. Предупредување: Може да забележите мало црвенило по миењето, но тоа ќе исчезне за кратко. Оние со чувствителна кожа може да ја остават маската да делува пократко време.

Секој ден треба да јадете по два портокали: Кога ќе дознаете зошто, веднаш ќе го послушате советот

Ивана Ефремовски — Tue, 14 Jan 2020 17:38:35 +0000

Прочитајте за здравствените придобивки од конзумирање на две портокали во текот на денот. Портокалите се најпопуларните медитерански плодови, кои се богати со витамините Ц, Б и А, содржат калиум и калциум. Точно висока содржина на витамин Ц делува како антиоксиданс, а ова овошје има големи придобивки за организмот. Го зајакнуваат имунитетот Портокалот е полн со витамин Ц, кој помага во зајакнување на имунитетот, што е особено важно во текот на зимата кога сме поподложни на настинки и вируси. Покрај тоа, високото ниво на калциум кај ова овошје го одржува и штити здравјето на коските и забите. Го зачувуваат здравјето на срцето Неодамнешните студии покажаа дека магнезиумот во портокалите доведува до намалување на крвниот притисок. Сепак, не е препорачливо да се исцеди сок од портокал, туку да се консумираат цели плодови. Го намалуваат холестеролот и крвниот притисок Високата концентрација на хесперидин, соединение кое во изобилство го има во агрумите, го намалува лошиот холестерол. Самите портокали не содржат никаде близу толку хесперидин, па затоа би било добра идеја да се користи кора секогаш кога е можно. Одржување на здрава кожа Антиоксидантните својства на портокалите ја штитат кожата од слободни радикали. За добар тен, препорачливо е да пиете чаша сок од портокал дневно. Тие се исто така богати со бета-каротин, кој помага да се заштитат клетките од оштетување и да се спречат знаци на стареење. Го штитат желудникот Го штитат желудникот и го подобруваат варењето на храната, што спречува запек и надуеност. Тие имаат богат извор на нерастворливи и растворливи влакна, кои помагаат да се зачуваат желудникот и цревата безбедни, спречувајќи проблеми како синдром на нервозно црево. Ја подобруваат функцијата на мозокот Фолната киселина и фолатот што го има во портокалите го одржуваат развојот на мозокот и ги одржуваат виталните органи во добра форма. Посебно се препрачува консумирање на портокали на бремени жени бидејќи имаат позитивен ефект врз развојот на фетусот.