портокалова фаза – Kurir.mk

ПОРТОКАЛОВО НИВО ДО СРЕДА: Денеска температурата до 43 степени

Дарко Андоновски — Sat, 22 Jul 2023 10:24:27 +0000

До среда ќе се задржи сончево и многу топло време со високи утрински и дневни температури и со висок УВ индекс. Особено топло ќе биде денеска и во вторник и ќе биде активно портокалово ниво на опасност од високи температури, информира Управата за хидрометеоролошки работи (УХМР). Максималната тенпература денеска ќе биде во интервал од 36 до 43 степени, а УВ индексот ќе изнесува 10. Во Скопје, сончево и многу топло со слаб до умерен ветер од југозападен правец кој во повисоките делови краткотрајно ќе засилува. Максималната тепература 39 степени. Според УХМР, утре максималната температура во државава ќе достигне 42, в понеделник 40, а во вторник и во среда 42, по што следува пад на 38 степени во четврток, односно 37 во петок.

Тропски температури и во наредните денови

Ивона Петрова — Wed, 19 Jul 2023 09:55:57 +0000

До следната среда ќе се задржи сончево и многу топло време со високи утрински и дневни температури, поради што ќе биде активно портокалово ниво на опасност од високи температури, соопшти УХМР. Минималните утрински температури ќе бидат во интервал од 15 до 24, а максималните дневни ќе достигнат до 43 степени. Благо опаѓање на температурата за два до три степени ќе има само во понеделник. UV индексот и понатаму ќе има многу висока вредност 10.

Македонија се уште во портокалова фаза: Температури над 40 степени и УВ индекс 10

Ивона Петрова — Wed, 19 Jul 2023 05:09:44 +0000

Земјава и натаму е зафатена од топлотен бран и високи температури. Од Управата за хидрометеоролошки работи информираат дека и во следните денови ќе биде многу топло. Утринските температури ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност од високи температури. УВ индексот ќе има многу висока вредност 10. Владата и Министерството за труд и социјална работа во овој период на портокалова фаза препорачува ослободување од физичко присуство на работното место на најранливите групи население, како што се: бремените жени и лица на возраст над 60 години, со организирање онлајн работата, таму каде техничко-технолошкиот процес го овозможува тоа. Во градинките да не се практикува физичка активност и да не се изнесуваат децата на отворено во периодот од 11:00 до 17:00 часот. Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници. Со оглед дека одредени ризични производствени и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област, се вели во соопштението од владината прес-служба. Владата препорачува на приватниот сектор да го организира работното време со цел заштита од директна сончева изложеност на работниците, пред сѐ избегнување престој на отворено во периодот од 11:00 до 17:00 часот. - Сите правни субјекти кои вршат активности на отворено, да ги запрат активностите во периодот од 11:00 до 17:00 часот, а ова особено се однесува на работата на градежните работници, стои во соопштението. Градинките, како што се наведува, треба да го организираат работното време во периодот од 7:00 до 17:00 часот, со тоа што не треба да практикуваат физичка активност и да не се изнесуваат децата на отворено по 11:00 часот. Според Управата за хидрометеоролошки работи, портокаловата фаза се очекува да трае до четврток попладне, кога ќе има услови за изолирана појава на краткотрајна нестабилност, а во понеделник се очекува преодно благо опаѓање на температурата.

И во наредните денови температури над 40 степени

Ивона Петрова — Tue, 18 Jul 2023 09:48:50 +0000

УХМР информира дека и во следните денови времето ќе биде многу топло. Утринските температури на повеќе места ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност. Според прогнозата, во четврток попладне ќе има услови за изолирана појава на краткотрајна нестабилност, а во понеделник се очекува преодно благо опаѓање на температурата. УВ индексот ќе има многу висока вредност 10.

Македонија се уште во портокалова фаза: Температури над 40 степени, УВ индекс 10

Ивона Петрова — Tue, 18 Jul 2023 05:08:37 +0000

Времето денеска ќе биде сончево и многу топло со мала до умерена локална облачност. Ќе дува умерен, а наместа долж Повардарието повремено засилен ветер од северен правец. Минималната температура, како што информираат од УХМР, ќе биде во интервал од 16 до 24, а максималната ќе достигне од 34 до 41 степен. УВ индексот ќе изнесува 10. Во Скопје ќе биде сончево и многу топло со умерен, повремено засилен ветер од северен правец. Минималната температура ќе се спушти до 22, а максималната ќе достигне до 37 степени. Како што соопшти УХМР, во наредните денови подрачјето на нашата земја и понатаму ќе биде под влијание на многу топла воздушна маса. Ќе се задржи многу топло време со високи температури, утринските на повеќе места ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност од високи температури. УВ индексот ќе има многу висока вредност 10.

ПОРТОКАЛОВА ФАЗА ВО ЗЕМЈАВА: Ослободување од работа на најранливите категории

Дарко Андоновски — Mon, 17 Jul 2023 06:18:06 +0000

Од денеска до 25 јули продолжува портокаловата фаза во цела држава. Поради тоа Министерството за труд и социјална работа и Владата информираат дека продолжуваат да важат препораките за намалување на ризиците од високите температури. Како што информира владината прес-служба, се препорачува ослободување од физичко присуство на работното место на најранливите групи население, како што се: бремените жени и лица на возраст над 60 години, со организирање онлајн работата, таму каде техничко-технолошкиот процес го овозможува тоа. Во градинките да не се практикува физичка активност и да не се изнесуваат децата на отворено во периодот од 11:00 до 17:00 часот. Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници. - Со оглед дека одредени ризични производствени и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област, се вели во соопштението. Владата на вчерашната 173-та седница одлучи државните органи и јавните претпријатија и установи да ги почитуваат препораките. Владата препорачува на приватниот сектор да го организира работното време со цел заштита од директна сончева изложеност на работниците, пред сѐ избегнување престој на отворено во периодот од 11:00 до 17:00 часот. - Сите правни субјекти кои вршат активности на отворено, да ги запрат активностите во периодот од 11:00 до 17:00 часот, а ова особено се однесува на работата на градежните работници, стои во соопштението. Градинките, како што се наведува, треба да го организираат работното време во периодот од 7:00 до 17:00 часот, со тоа што не треба да практикуваат физичка активност и да не се изнесуваат децата на отворено по 11:00 часот. Владата одлучи овие мерки да бидат со времетраење од девет дена, од денеска до 25 јули, или до натамошно одлучување. Според Управата за хидрометеоролошки работи, портокаловата фаза се очекува да трае во следните 10-тина дена. Сите региони во државата: скопскиот, осоговско-малешевскиот, пелагонискиот и охридско-преспанскиот ќе бидат во портокалова фаза.

ОД ДЕНЕСКА ПОРТОКАЛОВА ФАЗА – најранливите да не одат на работа, да се внимава на храната, соодветно да се чуваат милениците и домашните животни

Дарко Андоновски — Thu, 13 Jul 2023 05:31:30 +0000

- Од денеска земјава влегува во портокалова (алертна) фаза. Дневните температури, како што најавува УХМР, во некои делови ќе бидат над 40 степени. Сите региони во државата: скопскиот, осоговско-малешевскиот, пелагонискиот и охридско-преспанскиот, ќе влезат во портокалова фаза. Поради топлото време, надлежните излегоа со конкретни мерки и препораки: најранливите категории граѓани да бидат ослободени од работа, да се внимава при купувањето, консумирањето и чувањето на храната за да не дојде до труења, како и соодветно да се чуваат милениците и домашните животни за кои високите температури може да претставуваат голем стрес. Портокаловата фаза, според прогнозата, ќе трае до 16 јули, а од денеска почнуваат да важат препораките за намалување на ризиците од високите температури согласно Акцискиот план на Министерството за здравство за превенирање на последиците од топлотните бранови врз здравјето на населението. -Од денеска до недела целата територија на државата ќе биде зафатена со температури од портокалова фаза и затоа се воведуваат мерки и препораки за заштита на граѓаните од високите температури со времетраење од четири дена, до 16 јули, односно до натамошно одлучување. Се препорачува: ослободување од работни обврски на најранливите групи население, како што се бремените жени и лица на возраст над 60 години, а во градинките да не се практикува физичка активност и од 11:00 до 17:00 часот децата да не се изнесуваат на отворено, наведува Владата. Воедно се препорачува, општините, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници. Со оглед, пак, дека одредени производствени и технолошки процеси може да претставуваат дополнителен ризик за здравјето на изложените работници, се потсетуваат работодавците на обврската за почитување на законските прописи од оваа област. Владата наложи државните органи и јавните претпријатија и установи да ги почитуваат препораките, а приватниот сектор да го организира работното време така што ќе им овозможи на работниците да избегнуваат престој на отворено од 11 до 17 часот, односно во тоа време да не бидат на директна сончева изложеност. -Сите правни субјекти кои вршат активности на отворено, да ги запрат активностите во периодот од 11:00 до 17:00 часот, а ова особено се однесува на работата на градежните работници. Градинките треба да го организираат работното време во периодот од 7:00 до 17:00 часот, со тоа што не треба да практикуваат физичка активност и да не се изнесуваат децата на отворено по 11:00 часот, наведе Владата и потенцира дека надлежните органи постојано ја следат состојбата поврзана со временските температури со цел навремено преземање соодветни мерки за заштита на граѓаните. Министерството за труд и социјална политика апелира на зголемени контроли од страна на надлежниот Државен инспекторат за труд. Во исхраната да се избегнуваат мајонез, кечап, крем салати, сосови и преливи Агенцијата за храна и ветеринарство (АХВ), пак, излезе со препораки за храната, милениците и домашните животни. -Со порастот на температурите се зголемуваат и потенцијалните ризици од труење со храна. За да се спречи евентуална појава на труење, неопходно е да се направи правилен избор и набавка, да се обезбедат соодветен транспорт и услови за чување. Храна треба да се купува од проверени места каде има услови производите, особено лесно расипливите од животинско потекло, да се чуваат во разладни уреди. При купувањето треба да се води сметка за изгледот, рокот на употреба и соодветното чување на храната, нагласува АХВ. Германската покраина Баварија одлучи да го продолжи работното време на некои продавници, со цел граѓаните да се снабдат со неопходни производи при рестрикриција поради коронавирусот. АХВ препорачува да се избегнува купувањето и консумирањето храна со оштетена амбалажа (нагмечена, надуена или напукната), разладените или замрзнатите производи да се купуваат на крајот од пазарењето, а лесно расипливата храна како месото, млекото, јајцата и други производи да не се чуваат долго време во автомобили и во други транспортни средства. Треба да се одбегнува и купување разладена или замрзната лесно расиплива храна која се чува надвор од ладилник или замрзнувач на почетокот на пазарењето. -За да се спречи расипување, разладената храна треба да се чува на температура пониска од пет степени целзиусови, а храната која треба да се зготви термички да се обработи на темпeрaтура повисока од 60 степени. Овошјето и зеленчукот пред консумација треба темелно да се измијат под млаз вода, месото, млекото и јајцата термички добро да се обработат. Доколку по подготвувањето храната не се консумира веднаш, треба да се чува во фрижидер до времето на сервирање. За да се спречи појава на труење со храна и на стомачни инфекции, неопходно е рацете да се мијат повеќе пати во текот на подготовката на храната. На најгорните полици во фрижидерот треба да се чува зготвената храна, а на подолните суровата. Да се води сметка храната да се заштити од инсекти и глодари кои храната може да ја контаминираат. Домашните миленичиња и другите животни да се внимава да не дојдат во контакт со храната што се подготвува, препорачува АХВ. Кога станува збор за консумирање храна во угостителските објекти, треба да се води сметка тоа да бидат оператори кои се грижат за хигиената и безбедноста на храната и да имаат добра репутација. -Во објектите за брза храна одбегнувајте ги додатоците кои не стојат во ладилник како што се мајонез, кечап, крем салати, сосови, преливи и слично, се наведува во препораките кои може да се прочитаат на веб страницата на АХВ. Високите температури стрес за животните Во однос на милениците и домашните животни, Агенцијата исто така укажува дека препораките мора да се почитуваат за да не дојде до топлотен удар. -Да се избегнуваат прошетки на домашните миленици во текот на најтоплиот период од денот, на животните да им се обезбеди доволна количина и постојана достапност до свежа и чиста вода, да се обезбеди престој во проветрени простории, наведува АХВ. Министерот за земјоделство, шумарство и водостопанство, Трајан Димковски денеска во село Соколарци ќе посети објект во кој се сместени 96 високостелни јуници со висок генетски потенцијал, наб Агенцијата укажува дека порастот на температурите над 30 степени кај домашните животни може да се манифестира со намалено консумирање храна, зголемена потреба за вода, намалено производство на млеко и слаб прираст. -Висок процент влага и недоволна вентилација во објектите може да биде причина за појава на топлотен удар кај животните, а сончаницата се појавува како последица на непосредно, директно изложување на сонце. Во двата случаи исходот може да биде фатален доколку не се делува на време. Напорната работа или транспортот на животните при високи температури, дополнително придонесува за влошување на состојбата. Забрзано и плитко дишење, несигурно одење - (тетеравење), изразена зголемена телесна температура, забрзан пулс, исплашен поглед, зголемена жед, тикови и грчеви на мускулите кои се јавуваат на крај, со неповолна прогноза, се дел од симптомите по кои може да се препознаат топлотниот удар и сончаницата кај животните за што е неопходна итна реакција, истакнува АХВ. Согласно препораките, во вакви услови животното треба да се смести во ладовина или во разладена просторија, каде има доволно количество на воздух, да му се даде доволна количина свежа вода. Телесната температура треба да се намали со туширање/прскање со умерено ладна вода или со покривање на главата и вратот со ладна и влажна крпа, но, треба да се внимава ладењето на животното да не биде премногу брзо. Препораките во целост се објавени на официјалната страница на Агенцијата за храна и ветеринарство.

Од утре до недела портокалова фаза во цела држава-се препорачува ослободување од работа на најранливите категории население

Катерина Бојаџиева — Wed, 12 Jul 2023 11:37:11 +0000

Министерството за труд и социјална политика ги повикува работодавачите, негователите и воспитувачите во градинките, вработените во Центрите за социјална работа, во Црвениот крст да ги почитуваат препораките од Министерството за здравство, за заштита на здравјето и превенирање на последиците од топлотните бранови кои следуваат, согласно Акцискиот план на Министерство за здравство за превенирање на последиците од топлотни бранови врз здравјето на населението. Целата територија на нашата држава ќе биде зафатена со температури од портокалова (алертна) фаза и затоа се воведуваат мерки со времетраење од четири дена, почнувајќи од утре: 13, 14, 15 и 16 јули 2023 година (четврток, петок, сабота и недела). Општите мерки кои треба да се почитуваат се следниве: Ослободување од работните обврски на најранливите групи население, како што се - бремените жени и лицата на возраст над 60 години. Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11 до 17 часот. Единиците на локалната самоуправа, Црвениот крст и Центрите за социјални работи во регионите зафатени со топлотниот бран да пружаат помош на осамени, стари, изнемоштени лица и бездомници. Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област. Истовремено, Министерството за труд и социјална политика апелира на зголемени контроли од страна на надлежниот Државен инспекторат за труд.

Во петок портокалова фаза, температури над 40 степени и УВ индекс 10

Катерина Бојаџиева — Wed, 12 Jul 2023 11:16:39 +0000

Времето утре ќе биде особено топло во целата држава, а в петок само во јужните делови, кога наместа температурата ќе надмине 40 степени и ќе биде активно портокалово ниво на опасност од високи температури. В петок максималната температура ќе се искачи до 43 степени. Како што соопшти Управата за хидрометеоролошки работи (УХМР), под влијание на топол бран следува период на стабилно и многу топло време со дневни температури во поголемиот дел од земјава над 35 степени, а утринските во Скопје и во јужните делови нема да се спуштаат под 20 степени. Во Скопје утре ќе биде сончево и многу топло со слаб до умерен ветер од јужен правец. Утринскатата температура ќе биде 19, а максималната 40 степени. УВ индексот ќе изнесува 10. И за викендот ќе биде сончево и многу топло со слаб до умерен ветер од променлив правец. Минималната температура ќе биде во интервал од 14 до 24 степени, а максималната од 34 до 41 степен. УВ индексот ќе изнесува 9.

Од среда портокалова фаза, температури над 40 степени

Катерина Бојаџиева — Mon, 10 Jul 2023 10:27:35 +0000

Под влијание на топол бран следува период на стабилно и многу топло време со значителен пораст на температурата. Од среда дневната температура во поголемиот дел од земјава ќе биде над 35 степени, а понекаде ќе надмине и 40 степени и ќе биде активно портокалово ниво на опасност од високи температури, информираат од УХМР. Утринската температура во Скопје и во јужните делови нема да се спушта под 20 степени.