портрет – Kurir.mk

Нѐ разнежни и мене и мајка ми! Анастасија првпат за портретот што ѝ го подари Немања Гудељ, ова е многу болна тема за Ражнатовиќ

Ристе Здравков — Tue, 31 May 2022 14:16:35 +0000

Анастасија зборуваше и за веридбата Пејачката Анастасија Ражнатовиќ беше на настан во главниот град каде проговори за роденденската прослава, како и за подарокот кој го добила од нејзиното момче Немања Гудељ. Анастасија била воодушевена од портретот на нејзиниот татко Жељко Ражнатовиќ Аркан, кој го добила од нејзиното момче. -Сите видовте, тоа е слика од мене и татко ми, навистина ме разнежни мене и мајка ми, што некаде е нормално затоа што тоа е болна точка, но прекрасен гест – изјави Анастасија која откри и како поминала забавата: – Беше фантастично, феноменално, една од подобрите забави во мојот живот, што се однесува до мојот роденден, свадбата на Вељко е сеуште неприкосновена што се однесува до забавата, за мене беше феноменална, сите си поминаа одлично и добив грст пораки следниот ден беше најдобрата забава досега – изјави Ражнатовиќ. Бидејќи се шпекулираше дека Немања ќе ја вери, Анастасија имаше само едно да каже на таа тема. – Немам што да кажам, кратко сме заедно, не размислувам во таа насока, уживам во моментот како и во сѐ во животот што правам – беше искрена.

Портрет на Мерилин Монро проценет на 200 милиони долари

Ивона Петрова — Tue, 22 Mar 2022 07:33:30 +0000

Аукциската куќа „Кристи“ објави дека во мај ќе се продава портрет на Мерилин Монро од американскиот поп-арт“ уметник Енди Ворхол. Сликата е проценета на 200 милиони долари. Станува збор за делото „Shot Sage Blue Marilyn“ („Мудрата Мерилин во сино“) насликано 1964 година, соопштија од „Кристи“. Познатата слика сега ѝ припаѓа на Фондацијата на Томас и Дорис Аман од Цирих. Средствата ќе бидат наменети за децата ширум светот и подобрување на животот преку здравствени и образовни програми. „Сите приходи ќе одат во добротворни цели“, соопшти аукциската куќа. Енди Ворхол (1928 – 1987) се смета за еден од најважните претставници на „поп-артот“. Насликал обвивки за неколку прехранбени производи, меѓу кои и „Кока-кола“. Познат е и по портретите на холивудските икони, а осмислил и омоти за два албума на рок-групата „Ролинг стоунс“.

Портрет на султанката Хурем продаден огромна сума

Ивана Ефремовски — Sun, 31 Oct 2021 13:41:00 +0000

Како дел од аукцијата организирана од реномираната британска куќа Сотби, која се одржа во Лондон под наслов „Уметноста на исламскиот свет и Индија“, имаше и масло на платно со портрет на султанката Хурем, сопругата на отоманскиот султан Сулејман. Портретот е продаден за 173.000 долари. Реткиот портрет на султанката Хурем датира од крајот на 16 или почетокот на 17 век, а експертите проценуваат дека може да достигне цена помеѓу 137.000 и 343.000 долари. Султанот Сулејман I, кој остана на власт цели 46 години, беше еден од најголемите султани што некогаш владеел со Отоманската империја.

#AuctionUpdate A 16th/17th century portrait of Roxelana (Haseki Hurrem Sultan) - the legendary wife of the longest-reigning Ottoman Sultan, Suleyman the Magnificent - sells for £126,000 pic.twitter.com/yqmO16frz2
— Sotheby's (@Sothebys) October 27, 2021

Хурем, која западниот свет ја памети како Рокселана, по потекло била од денешна западна Украина, а откако влегла во харемот на султанот Сулејман, таа набрзо станала негова омилена жена. Султанот прво го прекршил правилото со тоа што и дозволил да му роди четири сина, а потоа повторно го прекршил и се оженил со неа. Султанката била многу влијателна, не само како сопруга на Сулејман туку и во помагањето да управува со империјата. Додека Сулејман отсуствувал поради освојувањето и неговите патувања, таа со писма го информирала за настаните во главниот град. Не треба да се заборави ниту дека таа се занимавала со издвојување огромни средства за архитектура и добротворни фондации, вклучително и некои во Ерусалим. Аукцијата вклучува метални ракотворби од 13 век, два пара очила со дијаманти и смарагд од династијата Могули (16-ти и 17-ти век), позлатен Куран, неколку астрономски инструменти, ирански минијатури, персиски тепих Полонеза и Изник плочки со тиркизни и црвени мотиви.

Слика на ѕидот во домот на пејачката Гоца Божиновска ги наежи сите – неговиот портрет никој не смее да го помести од овој ќош (ФОТО)

Дарко Андоновски — Fri, 20 Aug 2021 13:00:16 +0000

Радоста во домот на пејачката Гоца Божиновска не стивнува откако во нивниот дом им се придружи новиот член, внукот Зоран Шијан. Наследникот на нејзиниот син Мирко и снаата Бојана го доби името Зоран Шијан по таткото на Мирко и сопругот на пејачката Божиновска. Семејството со загубата на Зоран и две децении подоцна не може да се помири. Имено Мирко имаше само седум години кога нејзиниот татко беше убиен, а често на социјалните мрежи не крие колку му недостасува неговиот татко. Тој во една прилика го сними и големиот портрет од неговиот татко кој им стои во нивната куќа во Шурчина. На портретот во горниот ќош има насликано и жена со солзи во очите која се претпоставува дека ја опишува неутешната пејачка.

Исплива тајната на последниот портрет на принцот Филип: Уметникот ги откри сите тажни детали – за многумина ова е емоционален момент!

Магдалена Андонова — Thu, 15 Apr 2021 07:29:53 +0000

Австралискиот уметник Ралф Хајманс ја имаше честа да го наслика последниот портрет на принцот Филип, кој почина во петокот на 9 април на 99-годишна возраст. Портретот е создаден во 2017 година, истата година кога покојниот принц се повлекол од јавната служба, а уметникот го насликал како позира во ходникот на неговиот дом, замокот Виндзор, и сега откри непознати детали за сликата. Филип на сликата ги држи рацете зад грб и има блага насмевка и е облечен во свечена вечерна униформа на која јасно стои Орденот на крилата на слонот, највисокиот дански ред што принцот гордо го носеше во чест на неговите дански корени, но уметникот подоцна во Sky News Daily на водителот Дермот му откри дека најважниот дел од сликата е околината на принцот. Тој го потенцираше посебното значење на ходникот во животот на Филип затоа што неговата мајка и баба се породија во мала соба на крајот од долгиот премин. Исто така, принцот починал во замокот Виндзор, така што Ралф верува дека ходникот на сликата симболично го претставува целиот негов живот.

View this post on Instagram

A post shared by Ralph Heimans (@ralph.heimans)

Тој исто така раскажа како се сретнал со принцот многу пати пред да го избере вистинското место за да го слика, и открил дека самиот Филип сликал во слободно време и дека уметноста е неговата голема страст. - Беше забавно да го сликам. Како што можете да си замислите, тој имаше одлична смисла за хумор, но исто така испушташе и сериозност што може да се види на портретот, рече уметникот, кој е особено горд на тоа како го нацртал принцот на сликата. - Тој беше многу вклучен во целиот процес и уживаше и беше секогаш расположен за разговор, па можам да кажам дека беше едно убаво и многу чесно искуство, заклучи тој. Последното збогување со принцот Филип ќе се одржи во сабота, 17 април, со почеток во 15 часот, во капелата Св. Џорџ во Виндзор.