португалија-македонија – Kurir.mk

Фернандеш: Обично Роналдо дава гол, а јас асистирам, овој пат е обратно

Ивона Петрова — Wed, 30 Mar 2022 06:07:25 +0000

Португалскиот играч за врска Бруно Фернандеш постигна два гола во финалето на плејофот за Светското првенство 2022 година. Португалија синоќа во Порто ја совлада македонската фудбалска репрезентација со 2:0 и обезбеди пласман на Мундијалот во Катар. – Овој натпревар треба да се памети затоа што влеговме на Светското првенство. Беше многу важен натпревар, навивачите беа беспрекорни, атмосферата вечерва беше неверојатна. Луѓето разбираат што ни треба. За мене главната работа е да му помогнам на тимот. Ако е можно и да реализирам. Секако, сите сакаме да постигнуваме гол на секој натпревар, без разлика дали тоа е најважниот или најмалку важен. Не ги губам од вид идеите на нашиот тренер. Секогаш се трудам да го правам она што го бара тренерот. Главната работа е што Португалија победи. Секој има амбиција. Роналдо и јас не сме исклучок. Обично тој постигнува гол, а јас асистирам. Но, овој пат беше обратно, изјави Фернандеш. Репрезентацијата на Португалија шести пат по ред ќе учествува на Мундијалот. Последен пат тимот го пропушти овој турнир во 1998 година. На Светското првенство 2006 година стигна до полуфиналето, во 2010 и 2018 година стигна до 1/8 финалето, во 2002 и 2014 година не ја помина групата.

ВИДЕО: Дуелот меѓу Алиоски и Жота кој стана хит на социјалните мрежи

Ивона Петрова — Wed, 30 Mar 2022 06:02:13 +0000

Репрезентациите на Португалија и Македонија во „Драгао“ вчера го одиграат финалниот натпревар од плеј-офот за пласман на Мундијалот во Катар. Португалија го славеше пласманот на Мундијалот по победата од 2:0, а социјалните мрежи како најинтересен го издвојуваат вербалниот дуел меѓу Езѓан Алиоски и Диого Жота. Асот на Ливерпул изреагира бурно и предизвика реакција кај Џани.

Apaixona-te por alguém que flerte todos os dias contigo como o Jota flerta com o Alioski 🥰 pic.twitter.com/HUK9ozv8hD
— Blessing Lumueno (@BlessingMSL) March 29, 2022

Ристовски: Го шокиравме светот, си заминуваме со високо кренати глави!

Ивана Ефремовски — Tue, 29 Mar 2022 21:48:16 +0000

„Македонија со високо кренати глави си заминува. Честитки за Португалија, но ова беше авантура во која никој не веруваше и јас сум горд сум на овој тим, на оваа екипа, зашто го шокиравме светот. Сега треба да продолжиме да работиме и да веруваме“. Ова го истакна капитенот на македонската фудбалска репрезентација Стефан Ристовски. -Кога играте против вака големи тимови, не смеете да погрешите. Со играчи како Бруно Фернандеш и Роналдо не смеете да потфрлите, но тоа се случи и Португалија искусно го искористи. Дадовме сè од себе за да израмниме, но примивме уште еден гол, истакна тој.

Фернандеш: Португалија одиграла и далеку подобри натпревари од овој

Ивана Ефремовски — Tue, 29 Mar 2022 21:32:32 +0000

„Португалија одиграла и далеку подобри натпревари од овој, но овој ќе остане во сеќавањата затоа што ни донесе пласман на Светското првенство“ - истакна по натпреварот стрелецот на двата гола против Македонија, Бруно Фернандеш. -Не сум важен ниту јас, ниту Роналдо, Важна е Португалија. Обично јас му асистирам нему, а тој дава гол, а вечерва не беше така, туку обратно, истакна тој.

Македонија – една од ретките држави на која Роналдо ѝ нема дадено гол!

Ивана Ефремовски — Tue, 29 Mar 2022 21:03:56 +0000

Македонија вечерва загуби од Португалија и со тоа остана со неисполнет сон да биде дел од Светското првенство во фудбал. Ѕвездата на Манчестер јунајед, Бруно Фернандеш, беше стрелец на двата гола кои ја донесоа победата за Португалија. Кристијано Роналдо не даде гол на овој натпревар, а тоа беше случај и на натпреварот кој Португалија го играше со Македонија во 2012-та година. Со години важи за најдобар фудбалер во светот кој ги тресе мрежите на сите клубови и репрезентации, но Роналдо нема дадено ниту еден гол кога играл против репрезентацијата на Македонија.

Мундијалскиот сон не ѝ се исполни на Македонија

Ивана Ефремовски — Tue, 29 Mar 2022 20:46:01 +0000

Во финалето од плејофот за настап на Светското првенство 2022, вечерва во Порто, македонската фудбалска репрезентација загуби од Португалија со 2:0. Двоен стрелец на средбата на „Драгао“ одиграна пред околу 50 илјади гледачи, од кои 1.500 Македонци беше Бруно Фернандеш. Португалците беа подобар тим во првото полувреме и од три големи шанси една претворија во гол. Фернандеш погоди во 32. минута на асистенција на Кристијано Роналдо, а по грешката на капитенот Стефан Ристовски. И вториот гол Португалците го постигнаа во транзиција, откако на Енис Барди му беше одземена една топка во 65. минута. Избраниците на селекторот Благоја Милевски, иако се обидуваа да се надигруваат со големиот фаворит, сепак не успеаја посериозно да го загрозат голот на Диого Коста. Покрај Португалија, вечерва настап на Светското првенство во Катар обезбеди и селекцијата на Полска која ја победи Шведска. (МИА)

ГЛАВА ГОРЕ МОМЦИ: Македонија може да биде поразена на терен, но никогаш во срцето и духот!

Ивана Ефремовски — Tue, 29 Mar 2022 20:40:19 +0000

Не ни се исполни сонот да бидеме дел од Светското првенство, но македонските фудбалери треба да останат со крената глава. Македонија вечерва беше поразена на терен од Португалија, но ваква сплотеност на народот е многу силна и важна. Ѕвездата на Манчестер јунајед, Бруно Фернандеш, беше стрелец на двата гола кои ја донесоа победата за Португалија. Македонските фудбалери покажаа дека можат, го направија горд својот народ, разбудија среќа и сплотеност кај секој граѓанин. Поддршката ја почувствуваа и таму, цели 90 минути од натпреварот македонската публика беше на ниво на својата задача. Порто цел ден беше обоен во црвено-жолто, се вееја македонски знамиња, се пееја македонски песни. Ја почувствувавме сплотеноста која е карактеристична за нас како народ и како публика. Не отидовме на Светско првенство и сигурно дека жалиме поради тоа. Но, фудбалерите и нивниот успех по победата над Италија ни ги оживеаја срцето и духот!

На полувреме заминавме со резултат во корист на Португалија

Ивана Ефремовски — Tue, 29 Mar 2022 19:36:52 +0000

Португалците водат со 1:0 во мечот за пласман на Светското првенство. Погодок во голот на Македонија оствари Бруно Фернандеш. Кристијано Роналдо му асистираше на стрелецот, кој успеа да даде гол во мрежата на Столе Димитриевски.

„Излези момче“ ечи во Порто: Македонските навивачи во еуфорија пред историскиот натпревар (КУРИР ВИДЕО)

Ивана Ефремовски — Tue, 29 Mar 2022 17:24:54 +0000

Голем број македонски навивачи се собрани пред стадионот „Драгао“ каде македонската фудбалска репрезентација денеска против селекцијата на Португалија со почеток во 20:45 часот ќе го одигра одлучувачкиот натпревар за пласман на Светско првенство. Стадионот во Порто ќе биде исполнет до последното столче, а поддршка нашите репрезентативци ќе имаат од околу 1.500 навивачи на трибините, кои се веќе пристигнати во португалскиот град. Таму веќе владее вистинска навивачка еуфорија. Се веат македонски знамиња, се пејат македонски песни. Попладнево ечеше македонската химна, а сега најгласно се пее „Излези момче“... Уживајте во дел од атмосферата која КУРИР ви ја пренесува од Порто

Се огласи Роналдо: Вечерва ќе биде тешко против Македонија!

Ивана Ефремовски — Tue, 29 Mar 2022 16:50:18 +0000

Капитенот на Португалија, Кристијано Роналдо очекува многу тежок натпревар со Македонија. Двете селекции вечерва ќе играат меѓусебе во финалниот плеј-оф за Светското првенство во 2022 година. „Луѓето мислат дека ќе биде полесно за Португалија. Но, противникот заслужи да биде тука. Убеден сум дека ќе имаме тежок натпревар. Ако го покажеме најдоброто ниво и со целосна поддршка од навивачите, мислам дека ќе постигнеме позитивен резултат“, изјави Роналдо.