посебен режим – Kurir.mk

Посебен режим на сообраќај за утре во Скопје

Катерина Бојаџиева — Mon, 10 Jul 2023 10:36:47 +0000

Министерството за внатрешни работи ја информира јавноста дека утре, вторник (11.07.2023), поради одржување на марш на мирот во организација на Бошњачкиот национален совет на Република Северна Македонија, Единицата за безбедност на патниот сообраќај при СВР Скопје ќе преземе мерки за посебен режим на сообраќајот. Имено, со почеток од 18.30 часот па сѐ до завршување на маршот сообраќајот ќе се пренасочува на дел од ул.„Христијан Тодоровски-Карпош“ од крстосницата со ул.„Втора Македонска Бригада“, дел од ул.„Џон Кенеди“ со ул.„Кемал Сејфула“, потегот од ул.„Цветан Димов“ до ул.„Џон Кенеди“ и од ул.„Цветан Димов“ до бул.„Крсте Петков Мисирков“. МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива маршот.

Посебен режим на сообраќај во Скопје

Катерина Бојаџиева — Fri, 16 Jun 2023 06:31:17 +0000

Секторот за внатрешни работи Скопје- Единица за безбедност на патниот сообраќај денеска ќе преземе мерки за посебен режим на сообраќајот по сообраќајниците околу национална арена „Тодор Проески“ во Скопје, каде со почеток во 20.45 часот ќе се одигра меѓународен фудбалски натпревар помеѓу репрезентациите на Северна Македонија и Украина. МВР апелира до сите граѓани да ги почитуваат наредбите кои ќе ги издаваат полициските службеници по сообраќајниците опфатени со посебниот режим на сообраќај.

Посебен режим на сообраќај по повод Илинден на подрачјето на СВР Битола

Катерина Бојаџиева — Sun, 31 Jul 2022 07:26:18 +0000

Утре и во вторник ќе бидат преземени посебни мерки за безбедно и непречено одвивање на сообраќајот поради одржување прослава по повод националниот празник Илинден 2022 година во Крушево. Од тие причини, СВР Битола ќе преземе мерки за посебен режим на сообраќај, почнувајќи од 15.00 часот на 01.08.2022 година па се до 22.00 часот на ден 02.08.2022 година на регионалниот пат Р-1306, делница: Прилеп – Кривогаштани – Крушево – Демир Хисар, како и на регионалниот пат Р-2337, делница: Крушево – место викано „Слива“, на уличната мрежа низ градот Крушево и на патеките кои водат кон Мечкин Камен. Секторот за внатрешни работи Битола апелира да локалните жители да се воздржат од движење со работни и земјоделски машини по наведените патни правци во наведениот временски период. До сите граѓани учесници во сообраќајот апелира да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај со цел безбедно и непречено одвивање на сообраќајот.

Избегнете ги овие делови од Скопје, денес има посебен режим на сообраќај

Ивана Ефремовски — Sun, 15 May 2022 07:10:48 +0000

Поради одржување на спортско рекреативната трка „Прв до врв“ денеска ќе има посебен сообраќаен режим по улиците во Скопје. Како што информираат од Министерството за внатрешни работи, велосипедската трка ќе почне во 09:45 часот од Музејот на град Скопје – улица „Св. Кирил и Методиј“ и ќе продолжи по булеварот „Св. Климент Охридски“, булеварот „Мајка Тереза“, улицата „Тодор Александров“, локален пат за Средно Водно до „Милениумскиот крст“. Планинарите стартуваат во 10 часот, а трасата на движење почнува пред основното училиште „Кочо Рацин“ по улицата „Тодор Александров“ и улицата „Салвадор Аљенде“, ридско пешачките патеки кон Средно Водно до „Милениумскиот крст“. Од МВР апелираат до граѓаните да ги почитуваат наредбите на полициските службеници по сообраќајниците каде што ќе се одвива трката.

Дводневен посебен режим на сообраќај на подрачјето на Скопје

Тале Кристо — Mon, 21 Dec 2020 07:27:01 +0000

Поради официјална посета на странска делегација на Република Македонија, денеска и утре Одделението за безбедност на патниот сообраќај при СВР Скопје ќе преземе мерки за посебен режим на сообраќајот на поширокото подрачје на градот Скопје. За таа цел, како што соопштија од МВР, се апелира до граѓаните – учесници во сообраќајот да ги почитуваат наредбите кои што ќе ги издаваат полициските службеници.