посебен сообраќен режим – Kurir.mk

ПОНЕДЕЛНИЧКИ ПОСЕБЕН СООБРАЌАЕН РЕЖИМ: Возачи особено избегнувајте ги овие булевари

Магдалена Андонова — Sun, 27 Nov 2022 15:56:43 +0000

Министерството за внатрешни работи ја информира јавноста дека на 28.11.2022 (понеделник) поради најавено одржување на протест со почеток во 07.00 часот, СВР Скопје ќе превземе мерки за посебен режим на сообраќајот на бул.“Гоце Делчев“ и бул.“Крсте Петков Мисирков“ и околните улици. МВР апелира до граѓаните да ги почитуваат наредбите што ги издаваат полициските службеници.

ПОРАДИ ПОСЕТА НА БУГАРСКАТА ПОТПРЕТСЕДАТЕЛКА: Денеска и утре посебен сообраќаен режим во Битолско

Магдалена Андонова — Fri, 04 Nov 2022 10:10:44 +0000

На територија на СВР Битола денеска и утре ќе бидат преземени посебни мерки за безбедно и непречено одвивање на сообраќајот поради денешната посета на бугарската потпретседателка Илијана Јотова и утрешната посета на претседателот Стево Пендаровски и премиерот Димитар Ковачевски по повод одбележувањето на годишнината од постоењето на РЕК „Битола“. – Од тие причини, СВР Битола на територија на Битола и околината на 04.11 и 05.11 ќе преземе мерки за посебен режим на сообраќај, при што до сите граѓани учесници во сообраќајот апелираме да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај со цел безбедно и непречено одвивање на сообраќајот, се наведува во соопштението од СВР Битола.

Поради прославата на Илинден на територијата на СВР Битола ќе има посебен сообраќаен режим

Магдалена Андонова — Thu, 28 Jul 2022 14:08:04 +0000

Од Секторот за внатрешни работи Битола информираат дека на 01 и 02.08.2022 година (понеделник и вторник), поради одржување на прослава по повод националниот празник Илинден 2022 година во Крушево, ќе бидат преземени посебни мерки за безбедно и непречено одвивање на сообраќајот. Од тие причини, СВР Битола ќе преземе мерки за посебен режим на сообраќај, почнувајќи од 15.00 часот на 01.08.2022 година па се до 22.00 часот на ден 02.08.2022 година на регионалниот пат Р-1306, делница: Прилеп – Кривогаштани – Крушево – Демир Хисар, како и на регионалниот пат Р-2337, делница: Крушево – место викано „Слива“, на уличната мрежа низ градот Крушево и на патеките кои водат кон Мечкин Камен. Секторот за внатрешни работи Битола апелира да локалните жители да се воздржат од движење со работни и земјоделски машини по наведените патни правци во наведениот временски период. Секторот за внатрешни работи Битола апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници и да ги почитуваат сообраќајните правила и прописи, како и сообраќајната регулатива за променетиот режим на сообраќај со цел безбедно и непречено одвивање на сообраќајот.

Поради официјална посета на албанскиот претседател, во Скопје наредните 3 дена ќе има посебен сообраќаен режим

Магдалена Андонова — Sun, 09 Jan 2022 13:05:20 +0000

Министерството за внатрешни работи ги известува граѓаните на Скопје дека на 10, 11 и 12.01.2022 (понеделник, вторник и среда) во официјална посета на Република Македонија ќе престојува Претседателот на Република Албанија, Илир Мета. МВР во наведените денови ќе преземе мерки за посебен сообраќаен режим на сообраќајниците на поширокото централно подрачје на Скопје. СВР Скопје апелира до сите граѓани учесници во сообраќајот да ги почитуваат наредбите од страна на униформираните полициски службеници.