Под посебни правила и мерки од денеска отворени фитнес центрите во Грција

Тале Кристо — Mon, 15 Jun 2020 13:55:43 +0000

Најмалку два метра растојание меѓу справите, но и меѓу лицата, кои се дел од групните тренинзи, ограничен број посетители, задолжителна регистрација пред влезот, антисептици, задолжително носење заштитни маски за вработените, се дел од упатствата и правилата под кои од денеска започнуваат со работа фитнес центрите во Грција по тримесечна пауза, јави дописничката на МИА од Атина. Дозволениот број на лица е во зависност од големината на фитнес центарот, но не смее да биде над 50 отсто од капацитетот. Ограничувања има и за соблекувалните, до четири лица на 20 метри квадратни, а за секои десет метри квадратни по едно лице и произволна употреба на маска. Заштитната маска е задолжителна за сите вработени. Секој посетил на фитнес центрите, треба да го одржува потребното растојание, да има свој пешкир, задолжително да ги дезинфицира рацете пред и по секоја вежба, а со антисептик ќе треба да исчисти и справата пред секоја употребата.

Турција наскоро очекува туристи, посебни мерки за хотелите и рестораните

Тале Кристо — Sun, 10 May 2020 18:33:10 +0000

Турција воспоставува посебни хигиенски мерки за да се подготви за враќање на туристите, изјави денеска турскиот министер за култура и туризам Мехмет Есрој за Си Ен Ен Турк. Тој дополни дека ќекор по чекор, до крајот на мај, ќе бидат укинати ограничувањата за патување во рамки на државата, а постепено ќе се воведуваат и меѓународни летови. Владата развила програма за издавање сертификати за хотели и ресторани, кои ќе мораат да ги задоволат строгите критериуми. Есрој прецизира дека има вкупно 132 критериуми, кои вклучуваат почитување на хигиенски услови и физичка дистанца. Вработените, исто така, ќе мора да бидат обучени за спречување на ширењето на инфекцијата. Се укинува самопослужувањето со храна и пијалаци. Владата, исто така, објави попис на болници со нивните капацитети, кои ќе бидат достапни во популарните туристички дестинации. Туризмот е значен дел од турската економија, а пред пандемијата, турските власти за годинава очекуваа 58 милиони гости. Есрој вели дека коронавирусот во Турција е под контрола и дека земјата може да очекува 63 милиони туристи во 2021 година.

посебни мерки – Kurir.mk

Под посебни правила и мерки од денеска отворени фитнес центрите во Грција

Турција наскоро очекува туристи, посебни мерки за хотелите и рестораните